|
كيف الناس صارت ما تخاف الله ولا ترعى حرم ولا ذمم ( قصه قصيره )
السلام عليكم ورحمة الله وبركاته ،،، اهلاً باالاصحاب .. ومرحباً بالاحباب :) اليوم المغرب اتجهت مع احد الاصدقاء الى المعارض .. ابتكلم بالاسلوب العامي ( اعذرون ) :eek5 اخينا في الله يبحث عن سياره .. توجهنا الى احد المعارض وكان فيه بالصدفه سياره لصديق من معي ( بايعه من فتره قريبه ) .. دخلنا للمعرض وتوجهنا الى المكتب وكان فيه عامل من الجنسيه المصريه .. سالناه عن السياره وعن كل مايخصه :) قال محدود 80 الف ريال =====> السياره ماتسوى ولا 50 الف على فكره السياره جيب ربع 2005 خليجي .. سالناه عن الموتر ووش جايه و و و .. قال ماجاه شئ !!!!!!!!!!! قال اللي معي هو من قبل مع صديقي وجايه واعرف كل شئ عنه .. قال المصري صاحبه بيئول هيك :eek5 :eek5 من باب الحرص والتعجب منا طلبنا منه انه يطلع معنا لحد السياره قلنا لايكون يتخيل سياره ثانيه !!! المهم كان فاهم وليس مخطئ .. رجعنا الى المكتب .. وصاحبي محتار .. كيف ماجاه شئ وهو جايه المهم اتصل على صاحب السياره .. وبعده سلم عليه خويي وساله عن الموتر !! قال الموتر ماجاه شئ نظييييييييييييييييييف ====> جايه جنبين اليمين واليسار : 12 يقول المكينه نظيفه ولافيها اي شئ =========> والله انه موظبه : 12 عاد وش يقول اخينا في الله من باب الحرص يقول فقط فيه مخش من باب السواق ومن سبب الكنود !!! ياجماعة الخير وين الذممم ؟؟؟؟؟؟؟؟؟ الله المستعان ان كان المال يبي يجعلنا نتهاون بالذممم !! :eek5 |
ياكثر اللي مايخافون الله
نص المعارض نصب في نصب , (ان الله يمهل ولا يهمل ) والله يرزقكم بسياره زينه وسعر طيب ,ويطعمكم خيرها ويكفيكم شرها مقدما ً, |
اقتباس:
هلا فيك اخوي مرتاح الصدر :) لا ان شاء الله ماتآصل للنص .. لكن فيه فئه قليله نسال الله لهم الهدايه .. صدقت والله .. الله يمهل ولا يهمل سبحااااااانه اللهم آمين .. الله يجزاك خير يالغالي ويوفقك ويسعدك عالمرور السريع واتمنى ان لايكون لك نصيب من يوزرك :) تحياتي وتقديري .. عطر الأماكن |
عطر الأماكن أحسنت على هذا الموضوع أغلب أهل المعارض والشريطيين من كثر من جانس دانس اللي ما يكذب ما يكسب . |
شف اغلب حقين المعارض الغششه يشتغلون من قديم ومعروفين داجين؟؟؟
وفيه اناس اصحاب معارض جدد بس صدوقين اغتنو بسرعه وبان عليهم الغناء؟؟؟ (من عاش حيله مات فقر) |
هذا اللي حاصل في المعارض اختلط الحابل بالنابل اللي يعرف واللي مايعرف اهم شي عندهم المكسب المادي والا السيارة مالهم خص فيها مايعلمونك بالحقيقه ويجون عندك السيارة تسوا مثلا 60000الف يقول لك تسوى 50000الف ريال والله نصب في نصب والمشكله انهم يتعلمون من الشخص الثاني ويسون مثله يقول لك انا ابتكسب من ورا السيارة عقب ماينصب عليك لاحول ولاقوة الا بالله العلي العظيم يارب استر علينا يارب العالمين
|
| الساعة الآن +4: 06:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.