بريدة ستي - من مطبخـــــــي الرز الإيرانـــي ,, الجمبري بصوص التفاح ,,

السلام عليكم ورحمة الله وبركاته

صبــــــــاح / مســــــــاء الرقة والإحساس ,,

كيف حالكن يابنات ؟؟

أمس وانا أفرفر بـ هالمطبخ وش اسوي على الغداء
وش اسوي لان كل واحد الله يهديهم له شكل بالذوق عن الثاني
ولا يطيح الا على راسي هالذوق :(
وشكلي في يوم أبنفجر عليهم :i121 وأبدأ اسوي حبة رز بالطريق
وأعطس يرحمك الله هههههههه
< جالسه تقص قصة حياتها هههههههه

مالكم بالطويله أمس غدانا عباره عن رز إيراني ,, جمبري بالتفاح ,,
ودجاج بخلطة الكنور ,, وسلطه خضراء ماصورتها من العجله :d

http://www.gulfup.com/uploads/12307106361.gif

الرز الإيراني من جد لذيذ

الطريقة على طول,, والمقادير يابنات على الكميه ,,

نكشن بصل شرائح لحد مايشقر ونحط بعدها جزرتين مبشورتين
وزبيب منقوع بمويه حاره لمدة ثلث ساعه
وبعد نحط حبه او حبتين فلفل حار يقص من النصف ,, وملعقة زنجبيل
رطب مبشور .. وملعقة كاري ,, ومكعب ماجي ,, ورشة ملح شوي بس
وملعقتين او ملعقه سكر محروق مثل الكراميل ,,

بهذه الفتره نكون سالقين الدجاج ومصفينه عن المويه
نضعه على الخلطه

وبمويته نسلق الرز ونضع عليه عودان القرفه والهيل والزيت والملح
وعندما يقترب من الإستواء نفتح فتحه ونصب فيها الزعفران المنقوع ,,

وعند إنتهاء الرز نقوم بوضعه على الخلطه ونقصر عليه على نار هادئه
تبغينه بالفرن أو فوق براحتك ,,,

هــــــــــــذي صورته ..

http://www.gulfup.com/uploads/12307074063.gif

صورته من قريب للتشويق ههههههه ,,

http://www.gulfup.com/uploads/12307074062.gif

الطبق الثاني ,,

الجمبري بصوص التفاح < من جد طبق راااقي بمعنى الكلمه

أخذت طريقته من زمان من إحدى المنتديات ونجح معاي من أول مره
فـ الله يجزي صاحبته كل خير لأنه أصبح طبق أساسي عندنا ,,

المقادير ..

جمبري (( ربع كيلو )) ,, تفاحه خضراء مقطعه مكعبات ,, 3 ملاعق طحين
ملعقة كاري .. ملح فلفل أسود طماطم ..

الطريقهـ ..

ينظف الجمبري وينزع رأسه فقط ثم ينقع في خل وماء لمدة دقيقتان ,,
يحمر البصل ويضاف اليه الطماطم والتفاح والدقيق ويقلب قليلاً
ثم يصب عليه 3 أكواب مويه ويترك لينضج لمدة ربع ساعه ,,

بعدها يستخرج الجمبري فقط ويقشر ويرجع الجمبري وقشره للخلطه
ويترك لمدة عشر دقائق ,,

ثم يصفى الخليط بقدر مع الضغط على محتويات الطبخه
من أجل الحصول على خليط كثيف ,,

بعدها نضع الجمبري فقط على الخليط الكثيف مع نزع الخيط الأسود
من الجمبري نعيده على النار لمدة خمس دقائق بعدها قدميه بصينية
التقديم وزينيه بالكزبره ,,

هــــــــــذي صووورتهـ ,, من جد يستاهل التجربه يابنات ,,

http://www.gulfup.com/uploads/12307074061.gif

http://www.gulfup.com/uploads/12307074060.gif

الطبق الثالث ,,

دجاج بخلطة الكنور للبروستد (( الحراق ))

انا تبلت الدجاج من بليل عشان تأخذ الطعم ,,

تتبيلتي حطيت فيها كل ماهب ودب هههه يعني ماتقيد بتتبيلات معينه

وضعت بالخلاط ,,

فلفل أسود ,, كزبره ,, فصين ثوم ,, عصير ليمونه ,,مكعب ماجي
ملعقة كاري ,, ملعقة صغيره فلفل أحمر مطحون ,, فلفل رومي
شوية مويه عشان تتحرك الطاحونه ,, ملعقة نشاء ,, خل ,,
وأي شيء تحبينه ضعيه

الطريقهــ ..

بعد ماتبلنا الدجاج نضعه بخلطة الكنور
ثم بعدها نضعه على البيض
وأخر شيء نضعه على البقسماط

ثم نقليه ونقدمه

وهـــــــــذي صووورته ..

http://www.gulfup.com/uploads/12307106360.gif

آخر طبق السلطة الخضراء ماصورتها لأنهم جو الله يحفظهم
من المدرسه ولا أمداني اصورها عشان خبة التقديم

وبالهناء والعافيه
وإن شاء الله تعجبكم ,,

دعـــواتكـــــــــــم