بريدة ستي - يا اهل المناصب وش اللي صار في غزه؟؟؟

.

هذه قصيده للشااعر / نايف بن عرويل {الصارم}

http://www.saarm.com/saarm/gazh.rm

جرح ٍ تمركز بوسـط الجـاش وابتـزه
واضهر فرايـد لهـا عاميـن مكنـوزه
ماتت وجيـه الرجـال وماتـت العـزة
واجتاحنا الـذل واعلـن للمـلا فـوزه
يا اهل المناصب وش اللي صار في غزه
يا وجيه ذل ٍ على الشاشـات مـرزوزه
شـي ٍ يوقـع بوسـط القلـب ويحـزه
مشاعر الناس مـن ماصـار مهـزوزه
قنابـل ٍمـن سماهـم مالـهـا حــزه
ماجت على اهـداف معنيـه ومفـروزة
يقتلبهـا اللـي بمهـده وامـه تـهـزه
ويقتلبها اللـي عـدل ممشـاه عاكـوزه
جمع الجنايـز مثـل تجميعـة الجـزه
على بعضها جثـث النـاس مكـزوزه
رمح اليهودي بوسـط صدورنـا غـزه
وحنا عجزنـا نشيـل الرمـح ونهـوزه
اجيوشنـا فـي قبـال الضـد منهـزه
وفينا الخطايا لضلـم الوقـت معنـوزة
ياواهي العـذر عمـر العـذر مانـزه
خرايـط الـذل قـدم العيـن مقـزوزه
من حـرك الجيـش قـل بالله مـن دزه
من سكت الشعب قلي واحكـم قـزوزه
بالله منهـو يـوز النـاس مــن وزه
عسى الغنايم عقـب ماصـار محيـوزه
دور السفارات وسط العرب مـن عـزه
خـلا للأوغـاد وسـط ديارنـا حـوزه
مافيـه داعـي نفضـح فيـه ونـلـزه
بعض العبـارات فالأعـلام محجـوزه
ماتت وجيـه الرجـال وماتـت العـزه
ياوجيه ذل ٍ على الشاشـات مـرزوزه

لافض فووك ولافقدك محبوك

.