|
معقوله أسد يآكل ( تبن ) !!!
السلام عليكم ورحمة الله وبركاته ياهلا ومرحبا بالغاليين مثل ماقريتوا بالعنوان أمر عجيب وغريب لاكن تبون اعلمكم عاد هرج واجد مانبي اعطيكم السالفه من اوله : هذا الله يسّلمكم ويحفظكم مجموعت اسود كانت طالعه بجوله او قولوا كاشتين وآخذين العائله كلهم ماشاء الله حريمهم وبزارينهم ورجالهم المهم يوم انهم اجلسوا لهم بكالبرحة وفلوه وينطلقون الاسود الصغار ( بزارينهم ) يلعبون ويتلاحقون ويعضضون بعض ويتجّارون شوش بعض الحاصل انه كان معهم اكالأسد الصعنبوطي ( يعني سعنوني ) ياحنينه توه بادين يمشي ياقوني المهم راح وابعد عن الباقين ولقاله اكالرعيه من الغنم وهو يدخل معهم ويلعب مع بزارينهم وهو يلهي معهم وجازلهم وجازوله يوم صار حول مسيان وتسري الغنيمات يم المراح وهو يسري معهم وينسى اهله . الاسود يوم جو يمشون وهم يفقدونه ويدورونه وينشدون الصغارين وينه ماشفتوه قالوا : تو معنى بث ماندلي وين لاح ؟ المهم دوروه لين داخوا ولا لقوه يوم يومين شهر شهرين أبد لاحس ولاخبر . المهم انهم فقدو الأمل وقالو: الله يخلف علينا خير منه الوليد توه بادين يمشي وبهالغابه اكيد انه ضاع ويمى انه مات جوع او انه اوكل . الحاصل انهم نسوه . نرجع لم الاسد الصغينون عاش مع الغنم ونسى اهله يدا يلعب معهم ويسرح ويروح ويجي معهم وبدا ياكل معهم من هالغشب والعلف والشعير حتى وصل مرحلة انه أكل ( تبن ) مرت سنه سنتين كبر الاسد واخذ طبع الغنم ونسى طبعه . وحدى الايام طلع اكالأسد من فوق اكالجبل يبي يدور له شي ياكله المهم وهو يشوف هالغنم ماشاء الله على الكيف وهو يهجم عليهن ويوم شافنه وهن ينطلقن ماتشوف الا الغبرات وهو بساقتهن يوم قرب لمهن الا وش يشوف اسد مع الغنم هاج وش السالفه ؟ وهو يخلي الغنم ويلحق الاسد ويهو ينط عليه ويمسكه وهو يصارخ خلن تكفى لاتاكلن ( مباااااا مباااااا ) وهو يرد عليه : اي مباااا اي خرابيط هالحين قلي وشلون انت اسد وتمشي مع الغنم وش السالفه ؟ طبعا الغنم واقفات يناظرن من بعيد والله من الشفاحه . المهم قاله : انا تيس خلن لاتاكلن تراي من طعم تكفى خلن . ومير يجي ويتله وياخذه لم النهر وهو يحط راسه فوق الما ويقوله ناظر وجهك بالما انت اسد يالدبشه وشلون تمشي مع الغنم وتنسى اصلك ؟ وهو يناظر ويفرك اعيونه ويناظر ثانيه ويناظر الاسد اللي ماسكه ويرجع ويناظر روحه الا نفه البوهه والخشه هي هي وهو يقتنع انه اسد . ومير يقوم ويتعدل ويلتفت لم الغنم ويزئر ( مبااااااااااااا) احم احم ويحاول ثانيه ويزئر اكالزئره اللي تهول من هولته ماتنكتب ومير الغنم ماتشوف الا الغبار من الروعه .... أنتهى ( وهذا حال المسلمين في هذا الزمان الا من رحم الله حين تركنا سنة الرسول صلى الله عليه وسلم وتركنا بيئات الايمان واتبعنى طرق الاغيار اصبحنا غثاء كغثاء السيل .) نسأل الله العظيم رب العرش الكريم بمنه وكرمه ان يرد الامه الى طريق الصواب وطريق العزه الى طريق الايمان والاعمال الصالحه الى الطريق الذي يرضيه عنا جل جلاله . ومادما بسالفة الأسود سمعت مره ان احد العلماء مر من عند حديقة حيوانات وكان معه بعض طلابه المهم قالهم نريد ان ندخل الى الحديقه . وهم يقصون تذاكر ويدخلون لم الحديقه وقالهم العالم نبي نشوف الأسد بس ونطلع وراحو لم الأسد الا وش يشوفون الأسد بشبك والناس يتفرجون عليه والبزران يتّفلون عليه ويضحكون عليه ويجرون شنباته لاقرب لم الشبك وأكله يجيه بايت من الثلاجه عقب ماكان ياكل طازج. المهم العالم قالهم : هذا الأسد لما ترك بيئته شوفوا وش صارله فقد قوته وفقد هيبته وفقد كرامته وفقد شجاعته وهذا حال بعض المسلمين اليوم حين ابتعدو عن اوامر الله وسنن رسول الله صلى الله عليه وسلم ونسوا مقصد حياتهم اصبحوا بلا كرامه ولاهيبه ولاشجاعه . وسلامتكم |
رائــــــــــــــــع
|
تكفى كثر من هالاسلوب يالسوحي
اسلوووب رااايع جدا يا سلاااام عليك .. |
الله يعطيك العافية
والله يكثر من امثالك (*ولد بريدة*) |
تشكراتي على هالطرح الحلو |
مدهش ومن اضاع طريقه يتحمل مايحدث له اللهم ارنا الحق حقا وارزقنا اتباعه وارنا الباطل باطلا وارزقنا اجتنابه |
اشكرك على هذا الموضوع
|
أهنيك أخووي عالموضوووع الرااااااااااااائع وجزاك الله خيرا
وصرااحة أعجبني أكثر أنه زئرت الأسد من هولها ماتنكتب ههههههههههههههههههههههههه هذا أجمل مافي القصه صراااحة وإلى الأمام أخوووووي الله الموفق . |
" " رائـــــــــــــــــــــع ماطرحت وفقكـ الــبـــــاري؛ : : |
مشكوووووور اخوي رائعه
|
هههههههههههههههههههههه مشكـــــــــوووووور أخوي وياليت تكثر مثل هالأشياء والله يوفقك ..
|
اقتباس:
واشكرك على مرورك اختي اقتباس:
اشكرك على هالرد اللي يبي يوهقن اقتباس:
والله يجعلن خير مماتظن وشاكرلك مرورك اقتباس:
اقتباس:
أمين وشكرا على مرورك وردك وجزاك الله خير اقتباس:
اقتباس:
انت الارئع ياصمت الجروح ومشكور على المرور اقتباس:
اقتباس:
مشكور على ردك يالغالي اقتباس:
جزاك الله خير والله يعطيك العافيه على ردك |
جميل جد
اقتباس:
|
روعــــــــــــــــــــــــــــــــــــــه الله يجزاك الجنة |
| الساعة الآن +4: 05:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.