|
= كتبت بعد انقطاع ؟ = ..... ابحثوا لي حل مع صديقتي !!! خايفة عليها ؟
اكتشفت أن صديقتي في القاعة تعاكس احد الشباب وتأكدت من طالبة ثانية رايتها في حفلة زواج وتقول إن فلانة تعاكس اخوي ؟؟ وذكرت لي أشياء وحاجيات كانت مع صديقتي وشافتها أخت المعاكس مع اخوها ! وش الأسلوب المناسب ؟ أنا هاللحين اعرف كل شيء عن صديقتي ... أمها ... أهلها .................. هل تنصحون أعلم أمها دون ما تدري !!! لأنني حاولت معها بطرق ثانية ورسائل جوال من رقم ما تعرفه .. وهددتها بأني سأخبر أمها ... ولكن ما فادت معها !! علماً أن المعاكسات ما زالت !! وهي في سن المراهقة ولا تحسب للعواقب |
واجهيها وصارحيها بأن هذا الشي مب من صالحها فهميها بأسلوب
واحذري تخبرين اهلها لأنه مو من صالحها انتي اوقفي معاها وقفة الاخت للأخت... الله يستر عليها ويردها للحق.... وخبري اخت المعاكس تقول لأخوها يترك بنت الناس لأنه انكشف امره... |
مراحب ..شوفي حبيبتي انا من وجهة نظري ما دامك حذرتيها .. اما انك تفهمينها الموضوع على اصوله وتشرحين لها عواقبه وانه ذئب بشري كما يقولون وتجيبين الكلام باسوب رقيق وهادي ...او... تكلمين امها وتخبرينها بس بطريقة غير مباشره يعني مثلا تقولين .. يام فلان الله يحفظك انتبهي لبنتك وجوالها ومكالماتها وكمبيوترها اذا تملك خاص والله اني احس انها متغيره هالايام بتصرفاتها ولو اني مو خايفه عليها كان ما خبرتك .. البنت امانه تكفين انتبهي لها .. بس انتبهي لا تدري عن اسمك واكدي على الجملة الاخيره طبعا الام اذا اكدت على الجملة الاخيرة تبي تخاف وتتصرف مع بنتها التصرف الصحيح..
وانا افضل الخيار الثاني لان ما نفع معها الكلام والتحذير مثل ما تقولين.. وحتى الواحد بهالزمن يخاف على نفسه يعني يمكن تلصق عليك تهمه ...وزي ماقالت شيحاويه خبري اخت المعاكس وقوليلها تقوله يبطل معاكسات لان امره انكشف.. الله يحفظك ويحفظ صديقتك.. اقدر انسانيتك هذي ولو انك مو انسانه فاضلة كان اهتميتي لموضوعها الله يكثر من امثالك ... |
أنا مع أختي ماسه حرفـ حرفـ
كلااااامهـ صح والله يكونـ بعونكـ |
وانا كذالك مع اخت ماسه
كلامه عين العقل الله يستر على بنات المسلمين |
[SIZE="6"][COLOR="Blue"][CENTER]واجهي صديقتج وانصحيها..وان أمرها قد أنكشف..وقولي لأخت المعاكس..أن تخبر أخيها بان أمره أنكشف..
قولي لصديقتج أيهما أحب اليك الستر أم الفضيحة...؟؟؟ |
المشكلة إن أهلها بيت يغلب عليهم المحافظة على الدين ولايوجد فيه لا تلفزيون ولا مجد ولا شيء.. ومن زود الثقة اهملوا بنتهم لأنهم مايدرون إن معه جوال ؟ واللي يعاكسها هو اللي معطيها الجوال وحتى امه غافلة ... والله يستر على بنات المسلمين |
اها مافيه اي نوع من انواع التسليه او الترويح عن النفس كثر الضغط يولد الأنفجار تريد تسليه كي تعوض عن ذلك الله يستر على بنات المسلمين السؤال هينا كيف وصل ذلك الشاب الى تلك الفتاة؟؟؟؟؟؟؟؟؟؟؟ |
اسأل الله تعالى ان يهديها ويفتح على قلبها ..
أخية هل سمعتي شريط .. رومانسية مفخخة للشيخ المربي الفاضل : عبدالعزيز المقبل .. أتمنى أن تسمعينه اولا ثم تقومين بإهدائه صديقتك و أكدي عليها أن تسمعه .. صدقيني سيتغير لديها الكثير من الأفكار .. وبالتوفيق ياغالية و بإنتظار أخبار حلوة عن صديقتك .. |
امممممممممم والله مشكلة الله يكون بعونك ..
عطيها الشريط اللي قالته اختي بريداويه .. واذا مانفع مالك الا تخبرين امها وتقولين لها زي ماقلته اول طبعا الام تبي تتفاجا وتقول بنتي ما معها جوال بعدين قوليلها وخبريها انك تشوفينه معها بالكلية بعدين عاد الام تتخذ قرارها بنفسها .. ادري انه حل صعب شوي بس الشكوى لله مافيه غيره .....اتمنى الحلوات يلقون حلول احسن .. |
أبتسم .. حين أسمع هذه القصص وأتأكد .. أنه لا شيء مستحيل مع هذا الزمان . . . . . . . قال الأستاذ محب الفضيلة المنع من الخوف على الفتاة , وفعل الأسباب مطلب فليأتي ليرينا رأيه بمن كان الخوف عليها والمبالغة بفعل الأسباب سبيل دفعها للمعاكسة لا بأس إن اصطحب صديقة : ) " " " عزيزتي ,’ رغودي أولاً .. كم عمر صديقتكـ ؟! فالأساليب تختلف مع التحية : } :) |
http://www.buraydahcity.org/bnt-bura...city/wardi.jpg غاليتي وحبيتي رغوود أولا ً احيي فيك هذا الاخلاص والحب لصديقتك نصيحتي لك يا غالية هو النصح برفق ولين ف الإسلام انتشر باالحكمه والموعظه الحسنه ربما اخطأتي حبيبتي بقولك اني أهددهها من رقم اخر انصحيها اخبريها ان هذا الحقير فقط يريد اللهو بها وبمشاعرها ولو كان صادقا ً لجاء الى البيوت من ابوابها فالصوص تخاف الدخول من الباب اخبريها ان الله اذا تابت سيتوب عليها ويرحمها ولن يفضحها عند اهلها اخبريها ان تترك الجوال هذا وتتطلب من اهلها فيما بعد جوال احتويها بقلبك غاليتي رغد وكوني لها القلب الحنون لاتنسي ان تهديها الاشرطه التي تحاكي هموم الفتيات وقصص الذئاب مافعلت بالخراف مثل ماقالت اختي الغالية : بريداوية بحتة ولاتنسي اهدائها الكتب وتكرار النصيحه لها دوما وفقك الله حبيبتي دنيا واخره وكثر الله من امثالك وحفظ الله صديقتك من براثن هذا القذر ارجوا ان تبشرينا عندما تترك المكالمات معه [MARK="FE9EB9"]وردي[/MARK] : أنُثوتنَا رحيقُ وردْ ! |
اتوقع لو تعطينها شريط ماراح تسمعه
الكتاب افضل اونبهي على امها تتنتبه على بنتها الله يهديه يارب دايم الاحظ البنات اللي مكبوتات يروحون لهالطريق:oo الله يستر عليه ويهديه ياحي ياقيوم |
اهم شي لاتدري انك داريه انتبهي.. وعندي حل ان شاءالله ينفع بس برسله لك ع الخاص بإذن الله :)... |
| الساعة الآن +4: 09:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.