كان يا ما كان في قديم الزمان
كنت شابً صغيراً جداً وكنت امتلك جمال لأكبر درجه من الجمل اقصد الجمال (( عيوني زرق وشعري أشقر وناعم وينزل على عيوني وخدودي حمر )) يا سلام علي مزيون بسم الله علي :p

المهم نروح لللقصه ........

يوم حنا بزارين اقصد براعم صغيره كنا نروح كل يوم خميس لخوالي انتم عارفين عاد الوضع ( عاد أقاله وناسه رايحين لخوالي وعععععع من شينهم ساكنين بالتغيره ) :097:

المهم في خميس من الخميسات كنت أنا وعيال خالتي كنا أشبال صغاراً نلعب ونكسر ونتشعمط فوق الجدران وتهوشنا جدتي ( الله يرحمه ) وأي شيء يخرب ولا ينكسر أكيد حنا السبب لو يصدم خالي تسان قالت الشياطين هم السبب المهم مالكم بالطويلة :022:

بدأنا نتشاور وش نسوي اليوم وخطرت لنا فكره اسمعوا عاد الفكرة << امخمخين المبزره :018:

رحنا للبقاله وقلناله أن أبوي يبي دخان مررت ( تدرون مايبيعون للبزارين دخان
طبعاً قطية الدخان :rolleyes:

اخذنا الدخان والفرررحه حماااس ^_^ وه بس وه :052:

رحنا بالبرحه الي عند البيت وجلسنا تحت هاك الاثله > اقالنا عرابجه :015:
جلسننا انتتن عاد والله من زين التدخين انواع الكحه و ....... ) عاد الباقي مشفر :S


راعي البقاله قال لخالي ان عيالكم اخذو دخان عاد فهمه هو وبداء يدورنا

بداء الاكشن :014:

جلس يدورنا بسيارة البليزر الاخضر الي تسنه علف اذا كشت كل الغنم تجمع عنده :112:

نرجع للموضوع وبداء يدورنا وتم العثور عليناء دخل البرحه على السرعه
وضغط زناااد الفرامل بقوه ونزل معه الزبيريه
عاد شوفو وش وضعنا حنا
من هول الموقف انا بلعت الزقارة وولد خاتي زغ.. على روحه > اكمل الفراغ الاتي
والثالث جلس يصيح << الله يلعن هالمبزره ما ينغزابهم :i125

نزل والشرر ينقط من جبهته < وش رايكم باللغة العربيه فنان

عالطول قال من الي شاري الدخان
عاد انا مشهور بالنذاله < علطول قلت هذا اقصد الي عاملها على نفسه :069:
خالي مهبول علطول عطاو كف :102:
بداء يحلف اني مالي دخل يقول هو الي شاري الدخااان
التف خالي لمي >> يعني يبي يصطرن بكف
عاد انا وش اسوي < جلست اصيح وارغي بعد وامثل انه مغشاء على وأزرقت براطمي وه بس :061:
المهم صيحنا كلنا وكفخنا الين شبعنا
ورجعنا الى امهاتنا وعععععع ما اقدر اوصف اشكالنا

وهذي نهاية التتن بالنسبه لي .....

وانا لاعنن اعيال خالي لاعنهم الله لا يعوق بشر بس ابصبر لين يكبرون

ونسيت اقولكم ولد خالتي صيحن وزاعلن اسبوع علشان قلت لخالي انه هو الي شاري الدخان :bad

الفوائد من القصة :-
1- اذا جيت اتتن اختر المكان المناسب (علشان ما يطيحبك احد وتصيح مثلي )
2- اشر التتن من بقالة بعيده عنكم علشان ما يطيحبك احد من اهلك .
3- التتن مفيد للصحة ويقوي العظام .
2- التتن غني بالكاليسيوم وملح الصودياء .
9- انصح بستخدام بكت كل صباح ومساء .

وقضت قصتي المأساوية ooo1

المشاركة الأساسية كتبها فارس العقيل (المشاركة 1352268) ~ ... ~ لكم وجهـ:i121 بزران وتدخنون , بعدين الي يبي يدخن , لازم يسوي خطة محكمة >> أسأل مجرب ولا تسأل طبيب << :rolleyes:

المشاركة الأساسية كتبها ALMOTMAEEZ (المشاركة 1352320) منسمين .. ! أجل تتن مرة وحدة والله من الجزامة .. ! بداية موفقة