|
بعض الناس بجيحين
السلام عليكم جميع الاعضاء والمشرفين....
انا هالحين وراه كل ماحط موضوع يحذف.. ماظنهن تافهات لدرجه انه ماينزل حتى يحذف.. وانا اشوف مواضيع اكثر من بايخه وتنزل... بس يمكن البلا بي... المهم انا حبيت اطرح موضوع قالقني حييييييييل.. ان بعض الناس ماعندها ضمير.. وتسرق عيني عينك وقدام الناس يعني ياخذ الشيء وكنه له!!!!!!!!!!!!!!!!!!!!! والله ماتصدقون كيف؟؟؟ انا بقولكم سالفتي.. زوجي مدرس وكنت ساكنه عرعر المهم وجانا نقل لشرقيه وطبعا جبنا كل عفشنا من عرعر يعني غساله وملابس ومواعين و و و و والخ طبعا سيارت زوجي هايلوكس.. جينا لبريده على طول..ونزلت وسلمت على اهلي وتقهويت مع امي وامي لزمت نتعشى عنده طبعا اعتذر زوجي لكوننا ورانا سفر وخط طويل .. المهم طلعت من اهلي ومرينا مطعم الطازج ونزل زوجي جاب وجبات ومشينا.. وصلنا اشارت الكبري وحنا رايحين لطرفيه.. فجئه يكبس لنا واحد من الشباب الله يجزيه خير..وياقف زوجي له وينزله... قال الشاب ان عفشكم طاح وانتم مادريتو انا طاح قلبي قلت بنزل اشوف وش اللي طاح ..واثاريه عفشي كللللللللللللللللللللللللله يعني انا كنت عروس يعني جهازي كله راح بغمضه عين..يجي حوالي 20 الف؟؟وزوجي همه الغساله اللي شاريه ب700..طبعا طاحن بخط اللابديه.. مامدانا نرجع مانلقى شيء!!!!!!!!!!!!!!!!!!!:eek: وندور وندور ونتلفت ونسأل ونبلغ نقطة التفتيش حقت الطرفيه... زوجي ايس منهن..بيكمل مشوار السفر... وانا اصايح عليه قلت ماتسافر الا وحنا لاقينهن..وطبعا ماعطان وجه ومسك الخط... وانا طول الطريق ضاايق صدري وادعي على اللي ماخذهن... والسالفه ذي تقريبا له حوالي سنتين.. .................................................. .................................................. ............. والحين بتقولون ليه توك تكتبينه او ليه توك تذكرينه اقولكم اللي ذكرن به اني قبل شهر صارتلي نفس السالفه كشتنا بروضة ابا الدود وطلعنا ومسكنا الخط ويوم وصلنا ام عشر كل واحد فينا يقول لثاني عساك ماجبت الشنطه.. المهم وندق على قريب لنا ببالدود ونوصيه يروح يجيبه..فجأه قالنا مابه شيء.. ومالقيت شيء:eek: بعد صحت... لان به ككككككككككككككككل ملا بس طفلي واغراضه.. انا اقول ليه بعض الناس كذا بجيحه وتمد يده على اشياء مب لها... كيف تسمح نفسه بذالك.. طبعا الحين حرمت اجي للقصيم الا كل شهرين..كله اني خايفه تضيع اغراضي... وياحول ياميمتي تاله علي ولا اروح له... ابي رايكم بهالناس اللي تاخذ شيء الغير وامام الملا... ناقشو من دووووووووووووون جدال وعراك.. متعوده عليكم وعلى ردودكم ...................... انا ادري بتقولون البلا منك ومن زوجك... بس احمدو ربكم على العافيه..بنا نسيان ولا بناس عمره تسعين سنه.. المشكله كلنا ماتعدينا العشرينات...بس بلوى هالنسيان |
مب بجاحة ذي ياخيتي ذي سرقــة عينك عينك
مايضيع شي على الله أحتسبي ياوخيتي |
يابعد تسبدي انتي والله شكلك قوه حاسه فيني..
|
عسى يده لترمس الشاي اللي ينكب عليها واذا اشوت عساها ينكب عليها زيت حااااار واذا اشوت عسى اصابعه تنفرم بفرامه البصل واذا جت تشوي عسى يده للكسار>>> اقول انثبري بس
وانتي انتبهي لعيالك بس لاتنسينهم :d |
.. استودعي الله اي شي خاص فيك او خفتي عليه من الضياع او السرقه وبإذن الله مايضيع لك شي :) . |
متكيه
والله العظيم اني كد نسيت ولدي عند ناس ويوم جيت ابطلع مع الباب امير يلحقونن ههههههههههههههههههههههه المشكله ماعندي غيره |
توولي
اي والله صدقتي بس انسى اقرى الدعى... الا ماعندك حل لنسيان والله قد دخلت المدرسه حوالي عشر ايام وانا مامعي شنطه...ناسيته |
احسن حل تغيرون السياره وتاخذون سياره خصوصي علشان ماتكررون النسيان وماتربطون العفش
|
اقتباس:
مستاجرين دينه شايله المطبخ وغرفة النوم والمجالس والمكيفات و و والخ بس هالذهينه قالت عفشي انا بشيله معي اخاف يضيع بدينه هههههههههههههه لعلي انا اللي ضيعته |
يــــااعــمــري انــت واللـــه رحـــمـتـكــ وحـســـيت فــيــكــ . دمــــتي بــخــير |
وه ترى النسيان مرض<<<<مثل أختي ذابحتنا ياقليبي انت الله يعوضك ان شاء الله مثل ماقالت اختي استودعي اغراضك وان شاء الله مايضيع شي أختك :صاحبه السمو |
حبيبتي ام الموذي .. مثل ماقلت اختي الغالية توولي واختي الغالية صاحبة السمو استودعي الله نفسك وابنائك حتى اغراضك الذي لاتضيع ودائعه واقرأي الورد صباح مساء واستحطي على كل شي وعلى من تحبين والله هذا عن تجربة لي شخصيا ً وكل من أعرف حفظك الله حبيبتي من كل شر ووفقك الله دنيا وأخره انتبهي تنسين الموذي .. ! ... • |
والله انك ياام الموذي فله>>>>>>>>>>>>>جازتله القصة :p الله يعوضك خير الي فات انسيه لكن لاتنسي الدرس الي اخذتيه الله يكون بعونك على هالنسيان عندنا وعندك منه خير,,,,,,,,,, لكن احرصي على وردك واستودعي نفسك وذريتك واغراضك الله وبإذن الله مايضيع لك شي والإمانه للإسف شبه معدومه بعض الناس ماتلقى تضفه>>>على قولة مصريه منه من ربنا:( اقتباس:
|
اقتباس:
أم الموذي ماقصرو الأخوات كفو ووفو ماتشوفين شر |
| الساعة الآن +4: 10:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.