|
مطاعم بريده ما تعرفة وما لا تعرفة ادلي بدلوك
السلام عليكم ورحمة الله وبركاته
اخواني ممكن نتعاون على وضع اغلب مطاعم بريده على النحو التالي اسم المطعم : نوع الاكل : مكان المطعم ( الشارع ) : الرقم إذا امكن تقيمك : وشكرا الهدف للتعرف عليها انا والجميع عليها وسلامتكم :rolleyes: |
كنتاكي له فرعين الاول طريق الشاحنات والثاني طريق عمر بن خطاب حي الريان هرفي اربع فروع الاول بالفاخريه والثاني بالمنتزه والثالث بجانب العثيم مول والرابع بالرشديات كودو ثلاث فروع الاول بجانب العثيم مول والثاني بجمع بريدة افنيو والرابع بالفايزيه ماكدونالدز فرع واحد طريق الشاحنات صب واي بمجمع بريدة افنيو داجن بجانب جامع الراجحي طريق الملك عبدالله الشام شامك فرعين فيشون فرعين الاول بطريق عمر بن خطاب والثاني بجانب رشوش (وش رايك بالتوصيف :d) مذاقي بجانب ميد طريق عمر بن خطاب فيه ثلاث مطاعم بفندق موفمبيك واحد ايطالي والثاني لبناني والثالث مادري نسيت :d مطعم رشوش وقرية التوت والكوخ وفيشون طريق علي بن ابي طالب مقابل مرور الشمال :eek: عمو حمزة مقابل العثيم مول نسيت أهم مقصف قصدي مطعم هو مطعم ابو حيدر بالخبيب طبعا يفضل ان تأكل منه وتكون بجانب اسعاف مستشفى التخصصي :096:..! هذي بعض المطاعم الي اذكرهن تحياتي abo-sally |
.. .. .. عــرفــة صبة صاج :41 يؤؤؤ الطعم غير بس بدون مخلل طريق الملك عبدالعزيز |
نسيت اخوي مطاعم الفاخريه ياحبيلك
واشهر مقصف شاكر هع |
مشكورين وماقصرتو
الله يعطيكم الصحه العافية بأنتظار البقيه تكرما لا امرا |
مقصف جمال معلم الشاورما والله ياهي صح بعد |
هههههههههههههههههه مطعم البجادي احسن شي قدام المضمار هههههههههههههههههههه >>وانتي وش دخلتس هههههههههه |
اسم المطعم : هارديز
نوع الاكل : وجبات سريعة مكان المطعم ( الشارع ) : طريق عمر بن الخطاب بجانب مطعم كنتاكي الرقم إذا امكن لا يوجد تقيمك : 3 من 5 الموضوع لما يستفيد منه اللي داخل بريدة واللي آتي اليها |
[QUOTE=جريــــح1;1371587]اسم المطعم : هارديز
تقيمك : 3 من 5 شلون قيمت؟. من نفسك:eek: هارديز مطعم فاشل وشاكر لك |
1/ مطعم الديوان الناضج سابقاً يتميز بالفطائر الخضار والجبن السائل واللحم مع قمة ( الرخص )
الموقع : بالصفراء طريق الأمير سلطان بعد فلافل حدائق الشام بــ 3 محلات وجهك شرق لدوار النافورة : 2 / مقصف الحبيب بالساده معروف مقابل صيدلية السنيدي يتميز بالنظافة والشغل الممتاز 3 / مطعم بروستد الخيام بالسادة ة وبالفايزيه ومعروف 4 / بيت الدجاج حلو لكن مايقارن بالخيام أمـا المطـــاعـــم الأكــــلات الشعبيـــه : ــــــــــــــــــــــــــــــــــــــــــــــــــ ــــــــــــــــــ 1 / مطعم الخلوج يتميز بحودة الطبخ والنظافة لكن مازالت الناس ماتعرف قدره ذلونا عند الضباب الموقع : طريق نادي الفروسيه شرق ( المقطوع ) 2 / مطعم درة المطابخ جيد بس تعال بدري لأنه يخلص بسرعة الرز( قعيطي ) مهب يكثر الرز علشان يخلص رغم الزحمه عنده والناس كلموه لكن مافاد 3 / مطعم الضباب فاشل : البوادي متعجنه والدجاج كلهن دم واللحمه ماطبخت وترص ماتلقى مكان وكده . . لكن لقينه البدو مايعرفون إلا هو خصوصاً يوم الإربعاء يطلعون الدورة العسكريه 4 / مطعم الديره ممتاز وقمة الطبخ والجودة لكن اليمانيه كده كأنك تشحذهم فلوس 5 / منتدي الربيع ممتاز ومعروف له أكثر من 30 سنه موقعه بالشارع التجاري 6 / مطعم مركز المندي ممتاز الموقع : شارع القناة ودمتم بخير وعافيه أخوكم ( العنبر ) |
|
بالنسبه للبروست 1 داجن 2 الخيام الساده
وبالنسبه للفول مطعم فول بطريق المدينه وبالنسبه للشاورما عالم البيتزا مقابل النخيل بلازا وبالنسبه للفلافل 1 فلافل الاربعين 2 مطعم فلافل مقابل جيان وبالنسبه للرز 1الخلوج 2الصواني وبالنسبه للهمبرجر هرفي وبالنسبه للخفيف صب واي وبالنسبه للجامبوا رشوش ولا فيشون ومذاقي موب شين تحياتي |
1- مطعم :القرموشي
المكان : شارع الخبيب مقابل فندق السلام من الجنوب 2 - مقصف: الرساله المكان: طريق خضيراء جنوب مجمع البنات،، يتميز بالشاورما وتخلص بعد العشاء بنصف ساعه 3- مطاعم هرفي 4 - مقصف :فلافل الاربعين المكان: شمال اسواق النافوره[/size] |
أشكر كل من شارك كلا(ن) بأسمه |
| الساعة الآن +4: 09:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.