// _ سالفة خويي مع العج - ادخل وسع صدرك _ //.
 

أحيي أعضاء المنتدى والمشرفين والزوار، ويا هلا ومسهلا بالشنبات كلهم،
مشتاقن لكم كتير يا قسم الكشكول، ويا حبي لقسم الكشكول قسم الصرقعه،

نرجع للموضوع:

تعرفون جانا عج هاليومين يا دافع البلا، وما أقول إلا يالله إنك لا تعاقبنا،
ويالله إنك ترحمنا برحمك يارب، وهذا الحدث أرجوا أن لا يمر دون أن
نراجع أنفسنا ونستغفر الله - عزوجل - وأبدأ بنفسي أولاً،


* طبعاً هذي السالفة صارت بالرياض، كان خويي يمشي بالدائري ووصل
مخرج 13، وكان هو يبي مخرج 15 يبي يصلي بجامع الراجحي، وتعرفون
الظهر بالرياض انقلب الجو أصفر - وسبحان الله - صارت الناس يالله يالله
تشوف، المهم خويي مشى بالدائري وتعدى مخرج 13، ويقول وأمشي وأفرق
مع هاك المخرج وأثره المخرج اللي فرقت معه به إشارة، ويقول لي: ما خبرت
أنا مخرج 15 به إشارة، ويقول وأوقف، وأفتح باب السيارة وأناظر يمين ويسار
وأثري بمخرج 17، والله يا أنا بتلت أضحك عليه.

* أكيد إن فيه أحد منكم صار له موقف مع العج، فاللي صار له موقف
يلزخه لنا بهذا.

* نلتقي في هذا القسم لنوسع الصدر.

* ودمتم جميعاً بود.

هههههههههههههههههههههههههههههههههه
والله من زين الامور :113: !

أنا ماعمري صار لي موقف بالغبار
داي توافق أصير ماطلعت :d

مشكور ياكريم :080:

وعليكم السلام

حياك الله يالغايب

يحمد ربه أنه ماقش له شي معه ولا طلع برا الرياض

زين أنه عدت على كذا وانا أخوك وش رأيك باللي تتفخ عيونه لاجاء العج ولايشوف بهن


وعندي سالفه صغيره أنا وأخوي جايين من صلاه الفجر والجو عج
وأخوي قاعد يسولف على وأنا متلثم وهو لأ مير يجي هوا ويكوح على أخوي تراب ودخل بأثمه

أكل تراب وسكت ولها اليوم لاسولف علي أقوله كل تراب..أدري أنه بايخه بس حبيت أقوله

تقبل مروري..

ههههههههههههه أجل جاء لم 17 :113:

أنا تسد صار لي موقف ببريدة قبل ثلاث سنين يمكن ..

طالعين من بيت خوالي أنا وبعض عيال الخوال ونمشي رايحين لمطعم بعيد شوي ..

تعشينا وحنا راجعين للبيت رجليّه ..

فجأة بدا العجاج ..

حنا أنخرشنا وبدينا نمشي بسرعة راجعين للبيت ،، وعجّ مب صاحي ماتقوى تفتح ألا شوي من عيونك " غادين تقل بالصين " ..

المهم أنا أمشي مادريت ألا طراااااااخ :113:

صدمت جمس مع جنب ، كان واقف يبي يلفّ للشارع ..

طبعاً اللي معي ماتوا ضحك http://www.aburenaz.com/smilies/smilies2/7zn/cry.gif ، وراعي الجمس رحمنا قال أوصلكم http://www.aburenaz.com/smilies/smil...zn/schmoll.gif

تقبل جغفاتي يالشايب .. من أخوك الصغير .

اقتباس من مشاركة الفارس:
شفت وشلون.
ما شاء الله أجل حظك تصير ما طلعت بالعج.
العفو يا أكرم واحد.

أبو فارس أشكرك على مرورك الكويس.

* ودمت بود.

يا هلا والله وغلا بالغايب الغالي ..~

وينك عنا ياخي ..؟

كم لنا ما ندري عنك ..~

اما خويك ذا سلّـم لي عليه كثير السلام ..~

هع

ظايع اوضح من النهار ..~

دمت بود اخي كربة ..~

ــــــــههههههههههههههههههههههههههههههههههههههــــ ــــــــــــ


زين ما وصل الخرج <<<<<<<<<<<<< :113:

اقتباس من مشاركة nama-الشامخ:

وعليكم السلام
الله يحييك، أنت اللي غايب وإلا أنا موجود.

إي والله إنك صادق، وإلا لو تشوف طريق الملك فهد أنواع الحوادث هاك اليوم.

يا ساتر الله يكفينا الشر، يمكن تصير حساسية وإلا شيء.


ههههههههههه، بالعكس والله رهيبة، حلوة كل تراب، أجل طالع وهو يسولف
ما دريت إلا وقطم السالفة علشانه أكل تراب.
مرور أكثر رائع، والموقف أروع وأروع، وأشكرك على مرورك.

* ودمت بود.

من مخرج 14 الى مخرج 17 . . وشي هالعجة !!!!!

اقتباس من مشاركة خوي السرور:
إيه يقول لي أبد فتحت باب السيارة وأناظر وأثري بمخرج 17،
عاد خويي هذا دب لو تشوفه وهو يقص علي السالفة إن تبتل تضحك.

ههههههههههه، أجل صبخت بالجمس الله يقطع إبليسك، يا حبيلك يا أبو سر،
وأم عيونكم تقل بالصين هذي بلحاله.
أول شيء تراي أستحي لا تقول قدام الأعضاء تقبل جغفاتي، ترى يحمرن خدودي،
وثاني شيء أنت الشايب، و إلا أنا صغير عمري يمكن 15<< مهب كلاك أبد.
أبو سر أشكرك على مرورك الأكثر من كويس،وموقف ولا أجمل، ومرورك أسعدني كثيراً.

* ودمت لنا مشرفاً عزيزاً.

اقتباس من مشاركة رئيس التميز:

موجود وأنا أخوك، لكن أنتم اللي قاطعين الله يهديكم، وإلا أنا ما أقطع عن المنتدى،
يوصل إن شاء الله، الشكوى لله وش يزين ما يشوف شيء من العج، أنا كنت أسوق
السيارة ما أشوف شيء يالله يالله أمشي، وتعرف الرياض أعوذ بالله مهب زحمة أبد.
وأنت كذلك يا رئيس التميز.

رئيس التميز أشكرك على مرورك الجميل، وأشكرك يا غالي على السؤال،
وهذا من طيبتك.

* ودمت أخاً عزيزاً.

اقتباس من مشاركة المتميز:
إيه أشوى اللي جت على مخرج 17 مابتل للخرج ثمن تصير ضحك بقوة.

المتميز أشكرك على مرورك الكويس.

* ودمت بود.

اقتباس من مشاركة سوالف:
شكلك ما شفت العج اللي جاء، والله يا هو عج انقلبت الدنيا صفراء الناس
ما صارت تشوف شيء، لكن الله الحافظ.

سوالف أشكرك على مرورك.

* ودمت بود.

هههههههههههههه


بعذره خويك اللي ضيع


العج اللي بالرياض موب صاحي



أقوى من اللي بالقصيم



والحمدلله ماقد صار لي موقف بالعج