يا أنا يالماسنجر ببريدة ! :@ :@ :@
 

السلام عليكم ورحمة الله وبركاته !

هلا بالشنبات !

أنا الماسنجر له اسبوع جايه فايروس ورافعن ضغطي ولد اللذينا ! :(:i121
يرسل روابط للي عندي بالقائمة ويحط ابتسامات ومدري إيش ..
ومن زود ميانته ونذالته يرسل ملفات مضغوطه باسم النك نيم للي بيرسل له !
يعني مثلاً عندي واحد بالقائمة اسمه محمد .. يسمي الملف محمد ويرسله له من إيميلي !! :eek5
وإذا فتح الملف تجيه نفس الحالة !

تصدقون تو قعدت أهرج به عند واحد عندي بالمسن أبي حل
يوم جبت طاريه وأمر يرسل لخويي اللي أشكي له !
حشا ذا جني !! :(:i121

اللي عنده حل يدبرنا اولااااه ! :eek5

طلع إيميل جديد وترتاح من هالفيروس :)

أنتظر حتى يجيك السعودي أو ميقا أو الشباب اللي خبرة بهالشيء !!

^

لا ياحبيلك ماهوب منه المشكلة !
لأني لافتحته باللابتوب مايرسل !
بس المكتبي يبلان ! : (

مشكور ياعديشوه ..

أحذف الكاسبر .. ويظبط ..
وإن ماسار عندك الكاسبر بالجهاز .. حمله .. ونصبه .. ثمن أحذفه ..


ذاك الداء وهذا الدواء .. فأختر لنفسك الشفاء :d

حسبي الله عليك يا أبو فارس، حست كمبيوتري علي، دام جهازك به فيروسات
ليش جاي تبلان الله يبلى عدوك، كمبيوتري وش حليله لكن أنت جيت وخربته
الله يعطيك الصلاح، هو خلقه من أول به فايروس وجيت أنت وزدت الطين بله،
يوم كان أول به فيروس كان يمشي حاله، لكن جيت الله يغربل عدوك وحستنا
بروابطك جعلك للعروسة الللي تملا عينك، لكن أنا لي تقريباً ست شهور ما جيت
لبريدة، هالمرة أبجي علشانك وأبدخل عليك بالمؤسسة وأكوفنك.

يا شباب لا أحد يستقبل من الفارس شيء تراه مجرم.
لكن ما أقول إلا: كود كمبيوترك ما يزين أبد ويخرب ولا يشتغل، يعني وجوده كعدمه<< حمق

هههههههههههههههههههههههههههه
أبو آدم خلّك من التصميم وجاي تفكى :113:

آخر من يهرج عن المسن أنت :d

ياعيال من خبر لي فايروس أقوى من ذا ؟ :113:

إيه جاء دوري يالفارس يالتعبان أبكز لك فايروس تبي تجدع كمبيوترك بعده،
بس اصبر علي، شغلك عندي يالدب.

.




.

المشكله هذي صارت لي قبل فترة وقالوا لي المفروض انك اول ماتعرضتي للفيروس فصلتي المودم لان المخترق عرف الاي بي وكلام مدري ايش:confused:

المهم صار جهازي ماله حل الا الفورمات:oo

ما أعرف الباس يابعدي أنت ..
تراي جاهل بهالامور ! :p

الله يجزاك الجنة ووالديك ..

لا هو مو اختراق !
فايروس بس منين جاء ما ادري !

مشكورين ..

أخي الغالي أبو مارس حفظه الله وسدد خطاهـ ..

ثم أما بعد .. فأعلم أن هذه الأمور هي مما يتعرض لها من ركب في لجج المسنجر ، وخاض في غمرات المحادثات ..

وأعلم بأن دوائها بسيط .. وشفائها أسرع من مقتل المرء من لسانه السليط ..

فإياك أعني واسمعي ياجارة ..

إجعل الله هو ملاذك ومستجاركـ .. ثم بعد التوكل عليه انهض بنفسك لفعل الأسباب وطرق الأبواب ..

فأطرق باب هذا الكريم :
http://www.trialpay.com/stores/bitde...8?tid=A7DWnt2l

ثم أعمل فحص الاونلاين .. ولا تكن من المستعجلين ..

فإذا انتهى فأسلمه لبرنامج المنتهى :

http://onlinecheck.emsisoft.com/en/

فإن لم ينفع هذا ولا ذاك .. فشمر عن ساعداك
ثم اذهب للوحة التحكم .. واحذف البرنامج ومجلده وأعدم
وتأكد من عدم بقاء أي أثر .. ثم أعد تركيبه بكل حذر ..
فإن لم ينفع .. فأعلم أن رمي جهازك هو الحل الأنجع ..

والسلام عليك ياصاحبي .