|
للمتزوجات فقط
[حيث ان هذا الموضوع نسمعه كثيرا بالمجالس وسبب في كثير من المشاكل
فلنبحث عن الحقيقة معا وبكل عقلانية وبعيدا عن المجاملات وبدون افراط ولاتفريط كم المصروف الشهري المناسب للزوجة |
اذا كانت تبي تدفع فاتوره الجوال 1500
بدون جوال 1000 اذا كان فيه اولاد يختلف على حسب النوع والعمر |
اذا كان الزوج مقتدر عليه االعطاء بكل سخاء
يعني انا ارى ان الحاله الماديه هي اللى تحكم |
والله بالنسبه لي مافي مصروف شهري مثلا" الشهر هذا فيه زواج وابشتري فستان ووو...الخ اخذ منه الفين وفوووق شهر مافيه لامناسبات ولا شئ مااخذ الا ميه ريال اذا احتجتها اما سالفه مصروف شهري شايلتها من بالي :)
بس ماعندي بزارين لو كان عندي اكيد بيتغير الوضع ... |
تصدقون مااخذ ولايعطين الا اذا طلبت وليته يعطين مثل الناس مشكله لاصار الزوج يدري عن اهل زوجته تجار وحالتهم زينه يتكل عليهم ويدري انهم بيعطون بنتهم
تصدقون انو جوالي من الجوالات القديمه من سنه وانا اترجاه جوال زي الناس؟؟ |
ما عندنا مصروف شهري
متى ما إحتاجت يعطيها ماله داعي كل شهر وين بتودي الفلوس وخير وبركه إذا كانت موظفه |
على حسب ظروف الزوج .. وإذا كان مقتدر 500 ريـال من غير المواسـم .. ماأردى منه :113: للمرأة فقط من غير عياله .. |
والله بالنسبه لي اذا كان فيه مناسبه يعني عيد او زواج عطيتها وخليتها تشتري احسن شي
معاان وضعي المادي صعب شوي الا اني اضغط على نفسي ما ابي زوجتي تصير اقل من غيرها ........ اما مصروف شهري لا ما اعطيها يكفي اذا سددت الجوال واذا بغت تروح مع خواتها او صاحباتها |
اقتباس:
|
المفروض ماتطلع لسوق الا مره---في الشهرين----ويعطيها500
ويسدد فاتورة الجوال ------احس هذا الواقع---- اذا كانت لحالها---اما اذا كانت معها عيال كل شهر 500 |
اقتباس:
الله يرزقك من اوسع ابوابه هذا هو المفروض اما بكرى اكيد احلى اهم شي ان الحرمه تكون بأحلى حله من يدفعها ابوها او زوجها لايهم وزوجك تعود على ذلك والله يسخره لك اهم شئ العشره ويارب تشوفين ضناك طولت..معليش |
^^ لا موهذا المفروض ولو جينا للحق مايصير الزوجة تكلف زوجها مالا يطيق من باب ماتبي تصير أقل من غيره !! والله هرج ,,,, وراه ماتنفض غبار الكسل وتخفف أطنان النوم وتتوظف مثل غيره ثم تشتري كل شيء براسه . حريم كسولات اللهم لاشماته .. .. بالنسبة لك ياصاحب الموضوع فأعطها حسب ماتستطيع ولا تضغط نفسك من أجل توافه نسائيه . ,, بالتوفيق للجميع . ,, |
اقتباس:
كلامك في البداية صيحيح بس خربتيها خير ان شاء الله وشو تنفض غبار الكسل ؟؟ ومن متى والمره هي اللي تشتغل ؟؟؟؟؟؟؟؟؟؟؟؟؟ بالعكس انا من اشد الراااااااااااااااااافضين للوظيفه بالنسبه للزوجه لانه رااااااااااااح يتكل عليها بكل شي ولاتقولين لا الاغلب وانا عندي عيناااااااااااااات كثيره ..وكلمت ناس بهالخصوص ولهم تجربه وقالوا بعذرك لو خفتي حتى المصروف بعد يكلفني فيه ؟؟؟؟؟ أنا احب الشغل وأحب الحركه ..بس اذا تذكرت اني بخرب على نفسي ..شلت الفكره من راسي نهاااااااااااااائيــــا ..فيه احد يخرب بيته بأيده ؟؟ وشوفي الاخت اللي تقول عارف ان اهلي مغنيهم ربي وصار يهملني ..اجل كيف لو توظفت وش راح يصير ؟؟عساي انا اللي بكد عليه ؟؟؟ ــــــــــــــــــــــــــــــــــــــــــــــــــ ـ وأنتي يا اختي اللي تسالين عن المرتب الشهري ..الامر راجع لك ولطلعاتك ..واحتياجاتك واولادك يعني انتي اعرف بنفسك ..وكل زوجه ومرتبها المناسب لحالتها ربي يوفقكم كلكم ويسعدكم |
بصراحـة أظن الزوجـة التي بمجتمع كمجتمعي تحتاح بالشهر العادي مالا يقل عن 3000 هذا اذا مافي مناسبات ولا أعياد .. بس مو شرط تاخذ الفلوس ديـ من زوجها اذا ماعنده او مايقدر يعني ياأما تكون هي عاملـة وتصرف ع نفسها ولا ابوها يكون يده مبسوطـه ولا تجمع ولالها ورث ولا ولا الخ ووالله ماتلحق بعد كل شي غالي وحنا نبي الزين وحريم بعد وش خليتو؟ :d الله يعييييييييين |
| الساعة الآن +4: 09:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.