|
abo fahad in uk Britain ..(in School of beet)0
welcome to burayadah city وش عنده اللي ماينفس السلام عليكم يا أحبابنا أبشرك تم أبتعاثي إلى بريطانيا .. من العمل والحمد لله دخلنا المعهد ودرسنا .. وتعلمنا والآن أمورنا تمام وقلت ودي تشاركوني المتعه .. والتعلم في اوربا - بريطانيا - لندن - برينموث جنوب لندن قرية من قرى لندن الأجواء عندنا .. بررررد شديد لكن منعش مهب مثل بردنا يصقع بالعضم بالنسبة للتقرير.. او الموضوع مابي اسميه تقرير ابيه كشكول مفتوح ماعندي رسميات لأن كل طاقتي راحت لتقرير حق ماليزيا اما هنا إذا فضيت ابصور لكم .. وأنزل لكم الصور وإذا مافضيت هارد لك ههههههههه معين تبون أبدأ ..؟ الحمد لله وصلت المدينة يوم الأحد 15/3/2009 والأمور تمام طيب قبل نبدأ .. هناك من يدور بذهنه عدة أسأله وانا راح أقرأ تفكيركم واجاوب السؤال / هل رحت لحالك أو أنت ورزوجتك ؟ الجواب / لا رحت لحالي السؤال / كم مدة البعثه الجواب / شهرين إن شاء الله السؤال / متى تبي ترجع الجواب / إذا قضن الشهرين السؤال / طيارة ولا سيارة رحت ؟ الجواب / طيارة السؤال / كم ساعة بالطيارة الجواب/ 6 ساعات بالضبط السؤال / ساكن لحالك ولا عند احد؟ الجواب / ساكن مع فملي هاه قضن الأسئلة؟ الجواب / لا اصبر السؤال/ وش اسامي العائلة وكم واحد الجواب/ شايب وعجيز صغيره هههههههه اسمها لينا والشايب اسمه (مايك) ==>> عقباله الكام وفيه بنت وولد صغيرين .. شكل هذولا اجدادهم البنوته عمرها 6 تقريباً وتعرف قلينزي :d اسمها كيت والولد .. الصغينوني شينة نفسه شوي عجزت اهرج معه وعيا يعلمن اسمه ههههههه انا ساكن بالدور الثالث .. غرفتي وفيه غرفة بجنبي .. فيها واحد تركي وواحد استرالي وواحد برازيلي ههههههههههههههه تجميع الشباب وانا لحالي .. طبعاً .. استقريت واموري تمام الحمد لله .. لكن فيه بعض العرب بالمعهد .. لكنهم محترمين فيه ماس ضعيفين بالمرة من الصين واليابان وافريقيا (الدقر) المهم مانطول عليكم .. خل اوريكم بعض الصور .. من البيت واللي حوله طبعاص الصور ملخبطة نوعاً ماء لأني توي بادي فتحملوني هذا الهاوس مي وهذا النمبر حق الهاوس 59 http://www.albjadi.net/uk/01/01.jpg جهه اخرى طبعاص اللي يسار الباب الأبيض مهب تبعنا http://www.albjadi.net/uk/01/02.jpg هذا وانا توي طالع من المعهد وقت المورننق:d http://www.albjadi.net/uk/01/03.jpg http://www.albjadi.net/uk/01/04.jpg سيارة لينا :d ماتلعب .. مثل سيارتي:d http://www.albjadi.net/uk/01/05.jpg منزل فخم هذا .. قليل من يملك مثله http://www.albjadi.net/uk/01/06.jpg باص التوصيل .. رخيص http://www.albjadi.net/uk/01/07.jpg عجوز (اتحدا واحد يدري هي تبي تدخل ولا تبي تطلع) طبعاص هذي مهب عجوزي:d http://www.albjadi.net/uk/01/08.jpg ترا المشرف اللي بيحذف هالصورة ابحذف وجهه:d رقم مميز 99 http://www.albjadi.net/uk/01/09.jpg هذي دريشة غرفتي مثل غرفة هايدي بالضبط .. اللي بالجبل صح؟ http://www.albjadi.net/uk/01/10.jpg المهم خلونا ندخل ونشوف هذي جلسة التلفاز http://www.albjadi.net/uk/01/11.jpg والله من تطير العيون والتقريب للشاشة الحين إذا بغيت تعرف الشروف وره هالصورة http://www.albjadi.net/uk/01/12.jpg يدور عذاريب منا ومنا :d:d:d:d:d اقلب راسك شوي هذي الدفاية المدخنه يحطون خشب بوسط الدولاب الحديد ويصكونه همن يدفي البيت كله http://www.albjadi.net/uk/01/13.jpg جهه اخرى ويظهر فيه لاب توب مايك ولينا تكلم بالتلفون وهي بالمطبخ http://www.albjadi.net/uk/01/14.jpg طبعا.. بيتهم بسيطة جداً لكن تصميمه روعة كل شي بسيط هذي صورة من اعلى الدرج http://www.albjadi.net/uk/01/15.jpg وهذي صورة من الدور الثالث إلى الدور الثاني http://www.albjadi.net/uk/01/16.jpg من الدور الثاني إلى الدور الثالث والدرج تقل جبال http://www.albjadi.net/uk/01/17.jpg هذا باب غرفتي http://www.albjadi.net/uk/01/18.jpg وهذي غرفتي http://www.albjadi.net/uk/01/19.jpg دققوا بيديكم ورجليكم اخيراً وليس آخراً هذه مقتطفات بما أني فضيت شوي .. وقلت نسلم على الربع ارجوا كل من قرأ موضوعي ان يدعوا لي بالتوفيق والسداد .. في دراستي وان الله يسددني لما يحبه ويرضى هذا طلبي الوحيد فلا تبخلوا علي به جزاكم الله خير أبو فهد بريدة ستي لندن:d |
.
آغديك تسقط بالعربي والإنقليزي .. :113: <<< محدن فآهمهآ غير آبو فهد .. :d .. بالتوفيق لك يآبو فهـد .. بس لو آنت معلمن آخآويك .. بس الشكوى لله .. ! آعآـنك الله .. :) |
تغطيه ممتازه والله يوفقكم
سلااام |
هلا |
وآخر من يدري يالعصل ... أوريك
|
,,
أبوفهد .. قد مورنينق :d مبروووووووووووكـ ما شاء الله جابك الله يالمنخرش بسألك كم سؤال .. تحمل أبطول معك شوي طبعاً أنت تقول مبتعث عن طريق العمل ماني سائلك وش العمل بس فيه كم سؤال عندي .. 1/ المكافأه من العمل ولا منك ؟ .. وكم تقريبا ؟ 2/ كم تصرف باليوم تقريبا .. بالباوند وبالريال السعودي ؟ واللي أعرفه إن سعر الباوند الواحد اليوم يساوي 5.29 ريال سعودي ,, 3/ كم أخذوا عليك العائله أجار السكن بالشهر ؟ 4/ بالضبط وين ساكن بأي مدينه ؟ لأنه تعرف يختلف الآجآر من مدينه إلى مدينه .. 5/ المعهد كم أخذ عليك ؟ وماهو المعهد ( وش اسمه ) ؟ 6/ إذا كنت ساكن بمدينة ( برايتون ) أبسالك عن الجو حالياً هل هو برد شديد ولا خفيف ..الخ .. 7/ رحت من السعوديه علطول .. ولا من طيران أبوظبي ؟ وكم تكلفة التذكرة ؟ الله يوفقك يا بعدي في ضل هذا الشعب المتعالي .. وفي ضل الغلاء الفاحش في بريطانيا ! الله يوفقك بدراستك حبيبي .. وترجع لنا بلبل انقلش :d أبرجع لك إذا احتجت شي كل الشكر :) ,, |
ترجع بالسلامه يا هايدي:d اوهـ قصدي يا ابو فهد:d الله يوفقنا ويااك |
ذز إز تقرير قوووووووووووووود :d
ثانكيو مستر منكرش ...:D |
حركات ابو فهد مشكور على التصوير الحلو والله يوفقك ويردك سالم
|
قود أفتر نون مستر عوسمان..
هاو آر يو دوينج إن يور كستمرتس.. هاو يو فيلنج إن أنجلند.. بليس قيف مي وتر.. قود باي.. <======== حاق اللغة الإنجليزية حوووووق :113:... |
الحمد لله على السلامة
تدري وش ودي , ودي المرة تشوف انك مصورن عجزهم , عاد تشوف واحد مستقبلته مرته بعصى مكنسة :) ترجع بالسلامة |
.. الله يوفقك يابو فهد .. والله لك فقده .. بانتظار جديدك .. ثم نحن بانتظار بعد نجاحك في دورتك .. من كل قلبي أتمنى لك التوفيق .. |
اقتباس:
:098: ??? |
ابو فهد :
أنا أقترح أنك تصير لاجيء سياسي , وتعيش مع هالعجوز ونرتاح منك أنت وهرجك الطلاسم , أنا بس أحمد ربي أنك ما تعرف أنقلش تسان تولى الشايب والعجوز , عاد الشايب كل ما رفع أصبع رجلوهـ الدوبي قلت له نزلوهـ , وأظن أنك تسويه بدون هرج معهم , وآخرته يبون يلبسون شراب , ما يدرون عن المعاناة اللي عشته معك أنا وأصبعي , أبو فهد أتحفنا بالصور وصور لي العجوز يمكن آخذهـ صبرهـ , ولا تنسى سيارته أنا أقول لو تقلب سيارته رسيفر تسان أبرك , لأني ما أتوقع أنه تمشي . نبي صورة إحترافيه للعجوز تصير زي النهيم طايحن بتصوير الشيبان . دعواتي الصادقه لك بالتوفيق والسداد , وإذا رجعت أنشاء الله تعال عندي بمكه كفر ذنوب وأرجع لبريدهـ وتعش من البيك . <-- أنت تلاحظ أني تقل هندي يكتب رساله لأهله ما خلى شيء ما كتبه :) سلامٌ على روحك إلى يوم الدين |
| الساعة الآن +4: 09:34 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.