بريدة ستي - الى اين تاخذنا سياسة حكومتنا واين العلماء

السلام عليكم ورحمة الله وبركاته

الى اين تاخذنا سياسة حكومتنا واين العلماء والمشايخ من مايحصل من حكومتنا موضوع مهم وهو موضوع المخالفات المروريه اللي كل يوم طالعين بقرار الى ان توصلوا بحل ربوي وهي دبل المخالفه خلال شهر رباء عينك عينك ليش هل الحكومه بحاجه ماديه لدبلها على المواطن الفقير بعدين ليش المخالفات دائما ماديه ليش ماتصير بدنيه كجلد او سجن او يفرض على المخالف عمل جبري باحدى الدوائر الحكوميه لمده محدوده على حسب المخالفه او سجن المخالف وحجز سيارته من زين امور المواطن الماديه حتى الدوله تفرض عليه دفع مالي معين مقابل المخالفه ومن بيدفعها اكيد ولي امره اذا مالفائده من عقابه لو كان مسجون ومحجوزه السياره كان تئدب طيب بعض الناس راتبه 1500 ريال لما ياخذ مخالفه ومايسدد بعد شهر بتدبل عليه راح راتبه تسديد مع العلم ان المخالفه ماتدخل الكمبيوتر الا بعد شهر يعني لارحت تسدد ماتحصلها ولادخلت الكمبيوتر تحصلها مدبوله عليك ليش ياحكومتنا ذا التعامل الربوي ومع مين مع ابنائك اللي اعتزوا بدولتهم وفخروا بها هل الحكومه بقراراتها تبحث عن افقار المواطن واشغاله بالبحث المتواصل وراء لقمة عيش له ولي اطفاله الدول الاخرى تسعى للبحث عن رفاهيه الشعب حتى لاينشغل الشعب بالكلام عن دولتهم اذا كان راتب حارس الامن بقطر ولامارات احسن من راتب المدرس عندنا وعساك تسلم من المخالفات المروريه اللي العساكر جالسين يتحدون من يخلص دفتر المخالفات بيوم واحد والضحيه المواطن اللي بيسددها مدبوله اخر الشهر اين العلماء والمشايخ عن هذا الموضوع الرباء عينك عينك والله يرحم الحال

:oo:oo:oo:oo:oo:oo:oo:oo:oo:oo:oo:oo:oo:oo:oo:oo:o o:oo:oo:oo:oo:oo:oo:oo:oo:oo:oo:oo:oo:oo:oo:oo:oo: oo:oo:oo:oo:oo:oo:oo:oo