بعد بعد.................... عروس بجينز

كان اعز صديق يتحدث ويكاد يطير من الفرح

اليوم أعطيت اخو خطيبتي مفتاح الشقة على شان تصف أغراضها

هي وأمها باركلي هذا الكلام قبل يشوف أغراض الخطيبة

يوم شاف الأغراض وش يشوف ملابس وأغراض له أول ماله آخر (الشقى على فلوسه)

سألته بشر وش الوضع قال: تمام قلت وش شرت ؟

قال ملابس واغلبها جينز قلت وشو جينز!!

صادق أنت قال الغبي أيه (وجعيه) قلت أنت اخذ مطلقة ولا بنت ؟

قال بنت قلت وش عرفها هذه الأمور حسبي الله ونعم الوكيل

قال عسى ماشر وش فيه قلت جينز وهي عريسه اجل لا راح سنة تلبس تنوره نص 0

قال عادي قلت ياغبي الأم مدرسة ما هي مجنزة (على وزن جينز)

وأدخلت بأفكاره وشكله اقتنع لكنه اختفى وقطع مره مرت الشهور

وحصلته بأحد الأسواق وكان معه حرمة قلت بشر تزوجت قال

:نعم واستحيت اسأله هي نفس أم جينز حاولت ادقق بزوجته عليها جينز أو لا0

(الشيء ذمه)ما قدرت العباه كانت طويلة قلت سير خلنا نشوفك ومشيت

وجلست بسيارتي انتظرهم يوم طلعوا مشيت ورآهم

أكيد لاجت تركب يبي يطلع الجينز والحظ السيئ يوم ركبت جت سيارة

وحجبت الرؤيا مشيت ورآهم بالسيارة وقف عند مطعم

ونزل هو بس وطلب عشاء ما ادري كم قيمته بس أشوفه عطا راعي المطعم خمس مئة ريال

(نجدعلك سدد اللي اطلبك ما علينا)

ورد عليه الباقي وركب السيارة وأنا ورآهم ومسك طريق مكة

وأنا ورآهم عسى ينزلون وأتأكد من الجينز الرجال ما عنده نية ياقف

اتصلت عليه جوال قلت ليش ما تعشا معي الليلة (والله من الصدق)

قال مشكور أنا رايح اخذ عمرة خلها لأرجعت،

اشو ما كملت الطريق ما معي أفلوس البنزين

ورجعت بعد أسبوع اتصلت عليه ابشوف متى يجي عشان انتظره

عند بيته لازم أشوف الجينز لنزلت من السيارة قال باكر أصل الساعة خمس العصر0

الساعة أربع وأنا عند بيته وما جاء الساعة ست

اتصلت عليه ورد قلت وينك قال بالبيت قلت أي بيت ؟

قال بيتي بالشمال للأسف مغير بيته اللي اعرفه (ما كتب الله نشوف الجينز)

قابلت الرجال بعد مده وسألته ويشلونك مع الزواج 0

وشلون تزوج ما عزمتني قال زواج عائلي

قلت هي نفسها أم جينز قال : لا صار خلاف ولا تم الزواج

وأخذت أبنت خالي قلت الحمد الله الرجال ماهو غبي

قام الرجال قلت اجلس قال لا والله مستعجل قلت

وش عندك قال : شريت جينز لزوجتي وطلع مقاسه غير مناسب وبرجعه للمحل .

بعد بعد ............... عروس بجينز salhfrf@hotmail.com