|
ما رأيكم ؟؟ هل هذا ..(( حل مناسب ))..(( لغلاء المهور )) ؟؟
!!!؟؟؟ أرى المواضيع بدأت تضرب.. على وتر .. غلاء المهور .. والطلاق .. وقد حاولة بعض الدول العربية إيجاد حل لهاتين المشكلتين !! فحاولوا ضرب عصفورين بحجر وذلك بتقسيم المهر إلى مقدم .. ومؤخر .. وذلك بأن يدفع الزوج ((20% )) فقط قبل الزواج فيستفيد الزوج وتقل التكلفة عليه .. ويكون مؤخر ((80%)) وذلك عند الطلاق فتستفيد الزوجة ويكون هذا بمثابة الضمان لها من تسرع الزوج بالطلاق وعدم مبالاته فيه .. فإذا أراد أن يطلق حسب لها ألف حساب !! فإذا كان المهر مثلاً خمسين ألف يكون مقدم ((10 آلاف )) ومؤخر ((40 ألف)) ولإن تدخل الفتاة على بيت زوجها وهو ميسور الحال .. أفضل من أن تدخل وهو محمًًًل بالديون !!.. فما رأيكم أحبتي هل هذا حل مناسب ؟؟ وهل هناك حلول أخرى مناسبه ؟؟ أرجو الإفادة !!! |
ممكن في حالة ان المقدم اعلى من كذا
اسئلك بالله 10 الاف وش اسوي فيها.. لكن اشوف انكم مبااالغين كثير بمسألة غلاء المهور . والله ان الي رجل صدق ماحد بيشره عليه بقيمة المهر.. انت عطهم الي تقدر عليه واشرح الظروف وانتهينا خصوصا ببريدة والله ان اسهل شي الزوااج الحين الرجال الي بمناطق ثانية يجيون يخطبون من بريدة عشان يسر المهر .. لكن يااخي في الحقيقة لايوجد رجاال اصحاب عزيمة صادقة في الزواج.. موفق.. |
والله شكلك تبي هالحريم ... ترتسبنا ... علشان كل ماطق عود عود ... قالت طلقن ... وأنا ما عندي أسدد فاتورة الجوال ... لا والله خلنا على اللي حنا عليه ... وخلنا محملين بالديون ولا يصير للمرة مدخال علي ... |
اخاااف اذا تزوجنا يقول اصبري علي ولا يسدد لي الا اذا جاء يمووت خلني بس اتهنى فيها مره وحده احسن وع كلام رااابعه وش بتكفي الـ 10000 |
الله يعينكم بس
|
لا مهب حل ..
ياحبيبي يبي يصير المهر مثل ماهو 60 ألف مقدم و مؤخر 60 عاد دور احد يعرس ... |
حل ممتاز وفكرة جيدة وسوف تساهم في حل مشكلة غلاء المهور والبنت التي تقول وش تسوي عشرة الأف أقول لها تسوي الكثير اذا اقتصدتي وتركتي الي ماله داعي ويجب على أهلك مشاركتك ومساعدتك بالمال اذا احتجتي لشئ اضافي فكما يساعدون اخوانك الشباب فيجب ان يساعدوك وخصوصا الأسر المقتدرة ماديا يجب ان لايطالبوا بمهر ولكن بشئ رمزي واتقوا الله في الشباب والشابات وسوف تسألون عنهم يوم القيامه .
|
الصركه حل رائع بس المشكله من اهالي الزوجات مايبغون الا كاش يعني يبغون المهر كامل لو تقولهم 10 قالو لك اقضب الباب انت جاي تبي تخطب ولا جاي تبي تسدد سعر الفستان حق الزواج |
السلام عليكم ورحمة الله وبركاته ... حقيقة من وجهة نظري أن هذا الحل تم النظر إليه فقط من ناحية حفظ حقوق المرأة وعدم طلاقها . مع العلم أن الطلاق قد يكون حل للبحث عن الحياة السعيدة سواء للرجل أو للمرأة .. كم من حياة أصبحت مستحيلة كان الطلاق هو الحل الوحيد .. ذهب الرجل لحال سبيله فوجد المرأة المناسبة .. وذهبت المرأة لحال سبيلها فوجدت الرجل المناسب . الحل الذي أراه من وجهة نظري أن يخفظ المهر ويعطى للمرأة ويتم تخفيف تكاليف الزواج الباهظة .. ويبقى الزواج ويبقى الطلاق . فكل له رسالته ، وإن كان الطلاق مبغوظ فهو في النهاية حلال يحتاجه الجميع . تحياتي لك يالغالي . أحب أشوفك دائماً فلا تطيل . |
لا ليس حل ,,, عشر الاف وش تسوي ..! والرجل اذا صار مادفع الا عشرة وماحب زوجته او ماارتاح ووده يغير مارح يرده المؤخر عن الطلاق لأنه يقدر ينكد عليها لين تطلب هي الطلاق وفي هالحالة مارح تكسب لا المقدم ولا المؤخر .. |
برأيي أن الشاب صادق العزيمة لن يوقفه شيء ..
حتى لو وصل المهر إلى 80 ألف ! وبقدر ما صدقت نية الشاب بقدر ما تيسرت له الأمور ! طبعاً لا يعني أنني مؤيّد لغلاء المهور .. كلاّ .. لكن لماذا دائماً تكمن المشكلة في المهور ؟! دائماً من يتكلم عن المهور لا يعلم مايدور حوله ! الحقيقة الذي أراه في مجتمعنا (البريداوي) أن المهر لا يتجاوز 50 ألف ! وإذا رأيت من يتضجر من هذا المبلغ ويتوقف عنده ويجعله متنفس له عندما يسأله أحد عن تأخره بالزواج .. تراه يمتلك سيارة بقيمة 80 ألف على الأقل ! مممم .. اللي جاب السيارة يجيب الزوجة ;) المشكلة كذلك تكمن في عدم ثقة الشاب في نفسه وكيفية تصرّفه في دخله ! تجده يبلغ من العمر عتياً ولا يعرف التصرف فيما يرزق ، ولا حتى إيجاد مصروف لنفسه !! مثل هذا كيف سيستطيع تحمل المسؤلية والمصاريف عندما يتزوج ؟! من أصلح نيته وعزم أمره وأوكله إلى ربه سيتكفل به الله ولن يضيعه ! أحد أصدقائي متزوج ويعمل براتب لا يتجاوز 2500 ريال فقط .. مستأجر دور من دوبلكس يحدثني بأن راتبه يغطي الآجار والفواتير والبنزين وجميع المصاريف ! سألته باستغراب معقولة يغطي ؟! لأني بصراحة بنظري أن 2500 ريال قليلة جداً في هذا الوقت ولا تكفي لشيء ! قال والله ما عمري [ انزنقت ] إلا تنفرج بوقتها .. ولم أضطر إلى الدين أبداً ! والقصص اللي زي كذا كثيرة جداً .. لكن وين اللي يتوكل ويصلح نيته ؟! مممم .. ياكثر قرقي :$ شكراً إمامنا ! :) |
الحين لما تدفع ال10 الاف
بتفتح ليك مليون باب بيطلعونها الباقي من عيونك تعال شوف الصاله من 20 الى 50 الف بيقولون لازم كروت خاصه بخمسه الاف والعشا مفاطيح بوفيه وما يلزمه من مشروبات وحلا تجهيز العروسه طق و و و الخ الا انت في ميه الف |
بناتنا يستاهلن أكثر والحين الخمسين ماتسوي شي كل شي غالي
|
والله ياهي فكرة الحقيقة بس وين تبي تلقى ناس يسمحون لك بكذا
الله يعين كل متزج ,,,,,,,,,,,,,,,,,,,,,,,,,,,,,,,,,,,,,,,,,,,,,,, |
| الساعة الآن +4: 05:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.