|
ll ~ [ مواقف ] + [ مقال نفسي ] ذ ذ ذ ذ ذ ذ ذ ~ ll
هلا بالحباايب.. هلا بالعرباان .. هلا بالشنباات .. هلا با ........... << لا يكثر وواللي يرحم والديك :d قبل أيام كنت أقراء في أحد كُتب علم النفس .. شفت الخربطة والتوليف قلت في نفسي ووش ناقصن ما أولف قصدي ما أؤلف في علم النفس فكانت هذه الحروف أول خطوة في هذا المجال ... :095: نبدأ بأول مقال لي في علم النفس .. :096: كما هي حياة الإنسان يبدءا بزراً ثم بزقة ثم مراهقاً ثم شكشاً ثم عجوزاً فمن المعروف أن مرحلة المرهقة هي مرحلة النجااسة .. والشطاانة فما أن يطلعله شعرتين فووق اخشيشته .. إلا وتلقااه يجمع من المفاتيح مفاتيح سيارات ، مفاتيح بصطات ، مفاتيح شبوك حمام ، مفاتيح تجوريات :113: وبعده تلقااه يدوور حول السياارات يجرب بمفااتيحه اللي مجمعهن من ماهب ودب ويكثر دورانه في وقت القوايل ويقل نومه في الظهرية وتتطور هذه القضية حتى تصل إلى سرقت سيارة والده ففي هذه المرحلة ينصح أن تعلم ابنك القيادة المنضبطة (إقاله السكيتي:d) .. قبل أن يصبخله أقرب مااصورة .: :. طيب يا عربان خلص المقال النفسي ، ونبي ندخل لصلب الموضوع :113: .: :. الكل أو الأغلب في مرحلة تدريبه على السواقة أو بداياات السواقة تحصل له مواقف تقطع التسبد من الضحك وبعض الأحيان مواقف تررحم عليه ..!! يااا ليت كل واحد يعطيناا من هالمواقف .. بس بدوون تسذب :067: بنسبة لمواقفي كلها كانت السيارة هولكس موديلها 81 غمارتين :p : ~ (1) ~ في مرحلة تدريبي على السواقة أجد صعوبة في تقويمة السيارة وتوقيفها وفي أحد الأيام كنت أسوق وعن يميني الوالد وفي الخلف أخوي الأصغر من ومعناا بيض تووناا شارينه من البقالة وحاطينه بجنب أخوي في الخلف وخوي اخذله غفوة في السيارة قال الوالد امسك فرامل خلاص يكفي ماا سقت.. وبناء على الطلب الوالد مسكت فرامل قوووووي (غير مقصودة تعرف تووي باادي اسوق) وينط البيض تحت الرجلين ولا رجعناا إلا بثلاث بيض .. والبااقي الله يخلف :eek5..!! ~ (2) ~ كما هي عادتي في صغري سرقت السيارة دون علم الوالد ولا أي فرد من أفراد الأسرة الموقرة :106: كنت أسرقها الفجر بعد أن ينام الوالد بعد صلاة الفجر .. فأتسلل إلى المخبآت واسرق المفتاح وبعدها لا تسأل عن الدوراان على الفجرية .. وفي أحد الأيام طنت في الرأس إني أجرب التفحيط أنا أعرف أفحط أو لا .. ولا عاااااادت عليه من تجربه .. مسكت جلنط ولا دريت إلا وأنا فوق شحنة .. ربك ستر وجلس ابرح ونسم .. ولا دريت إلا والحرارة على النصف .. واجلسلي تقريباً نصف ساعة حتى نزلت الحرارة .. وبعدة حاولت بالسيارة ومن رحمت الله طلعت بعد عنا.. وعلى طووول للبيت ووقف السيارة قبل يقوم الوالد للدوام ورجع المفتاح لمكانه ولا من شاف ولا من دري . .: :. الموقف لا تنتهي ... .: :. ~ وبعد هذا نسمع منكم .. بمواقفكم في السيارة في الصغر :037:~ :08: |
اقتباس:
اقتباس:
اقتباس:
تخيلت شكلك وانت بللش ماتدري وش تزين:d .. .... أبو شباصة ياحلو ستكون لي عودتن ومتشكرين على مواضيعك الحلوة اللي ذكّرتنا بالهر - الله يفك أسره - << طلّع اشاعه:d |
اهلا بك ابو شباصه
انا تعودت السواقه على مازاد بوقس 83 يعني ما احد يشره علي الي يشوفن يقول مصري صدمت وطعست بالشحن وخربت وصحلناه بالنهايه خبطت :bad واذكر صار لي موقف فيها كنت بالحاره ادور وفيها بيت تعمر وفيها شحنه عنده ومير تتعلق المازدا بالشحنه :( وقدم ارجع وبرح لا تبرح لين فرجه الله وطلعت وبس |
موضوع يقطع التسبد << ياقدمك :d
مشكور على الموضوع |
موضوع جميل يا عالم النفس
لي عودة قريباً جداً |
~1~
ذكرتن أول مابديت أسوق استاجرت كورولا >> لآن سيارتنا بالورشه << ومن زين الحظ صار جلنطه يفتح النفس مرت الأيام ومريت من شارع نهايه حرف t قلت خلنا نجرب الجلنط وأمشي 80 تقريبا وأسحب أبو الجلنط >> هجت بي السيارهـ وجات ردهـ وجه لا وتراي ناقزن مطب وأنا جادعه << أبووك يالحركات عاد لو تشوفون ألوان وجهي تقل قوس قزح عاد يوم صرت حريف >> من جنبها << بديت أسير على الشارع كل مافظيت >> تقل مابووهـ إلا هالشارع << ~2~ المره ذي له طعم غير وصتن أمي قالت رح مع السواق جب من البقاله عاد هاك الوقت مسوي فيها شنب وقيادي وأجي للسواق وأناظرهـ >> اللي شوفن يقول كفيله << وأقوله :: جيب مفتااهـ سيارهـ هو من الخوف عطاني إياهـ:41 المهم وأدعس للبقاله مارحت مع الخط السريع لآني خايف أصدم بس رحت من ورى بيتنا به طريق جلد ويطلعك على الدائري وأمسك خط الجلد ومعي أخوي ومنشحط عندهـ إقالي قيادهـ وأنا قاعد أجدع وأللف الطارهـ إلا وتنجين ذيك الفكرهـ وأنقز للرمل اللي جنب الجلد >> على بالي مهيب مغرزهـ << واستلم تجديع بالرمل ليييييين غرزت السيارهـ واااااوتس وش أبقول لآمي وأقعد أحفر وأحفر إقالي طير بر بس ماهنا فايدهـ وأتصل على فزعتي ولد عمي بس مايرد واااربيييه والله ياهي مشكله المهم ويمر إمام مسجدنا من عند الجلد ويشوفن مغرز >> وااااااتس يالفضايح << عاد هو معه جيب باترول >> أنواع النشاط قالي :: وين السوااق >> صرفته بحيلتي الخاصه ويسألن معك وااير قلت: له والنعم >>> فاهم غلط نرجع للسالفه ويسألن معك وااير قلت: لا ما معي شي ويروح للبقاله ويشري حباااال ويرجع لي سحبن وتقطعن الحباال >> عاد سيارتنا مشهوورهـ أكبر فان ببريدهـ ويرووح مرهـ ثانيه ويجيب حبل بقر >> خربت معه ويثبت الحبل ويحب ويسحب ويسحب لييين طلعت السيارهـ ويوم طلعت وطيرااااان للبقاله وأشري الأغراض يوم رجعت للبيت وأدخل على شوي شوي حطيت الأغراض بالمطبخ وأنقز للغرفه >> إقالي جاي من زماان قعدت شوي بالغرفه ثمن رحت لم أمي وأسلم عليه >> أشوا صارت رايقه << قلت له يالله تراي جايب الأغراض من زماان >> وشرايكم بالتصريف ننتظر فضايحكم |
اقتباس:
يااا الشين << قلب عليه نبي منك مواااقف .. لا تصير إلى الحين توك ما مسكت سيارة :09: << يبي يدبغ :d ووالله يفك أسر الهر :eek5 |
هههههههههههههههه
من اسمك تدري انك مصرقع انا ماذكر صار لي موقف لان طبعي هادي لا موقف واحد عجزت انسااه الصراحه كنا طالعين نصيد انا وعمي وابوي واخوي عااد ابوي واخوي نزلو يصيدون قال عمي قووه لم الطلاح الي هناك رحنا وحنا نمشي شفنا قميريه قلي وقف وقف وقفت وعلى يميني رمثه :bad قل رح يمين بس خلك مرفق لاتطير رحت يمين وخبرك توي باادي اسوق التقويمه دماااااااار والله وانط الرمثه:d وتطير القميريه ويقعد يهوشن عمي قال تعال اركب وسااق هو:eek5 وانا جتن الصيحه الصراحه سلام |
ختم تميز ولي نكسة ..
|
فــ 1998ـارس :
أجل مااااازدا .. لا وبعد 83 :113: ووالله من الطوووووول ووالله ياا أناا جخة عندك .. يااا الفغااني :093: متشكرين أوي يااا أبو فغن .. :080: وبإنتظاار المواقف من حباايبي قلبي :d |
انا اول مرة بديت اسوق بموتر الوالد
نبي نطلع لصلاة الجمعة على بالي تقويمة ويهج بي الموتر ويلحم بالجدار..انعفج الكبوت والصدام بس..:111: طبعا ماجان تلفيع لاشي:113: لي عودة ثانية وثالثة وعاشرة فمواقفي كثير>>لايكثر.. موفدزين يابوشباسة:113: |
كتبها الطرطعانه
اقتباس:
ايه تسثر لنا من الزين |
انا اذكر مره من المرات اني اول مابديت اسوق سافر ابوي وقالي خذ المفتاح ود اهلك وجب اغراضهم وتسذا المهم من باتسر رحت للبقالة وانا جاي لقيت عيال الحارة يلعبون كورة قلت بس جاء الوقت للدعدعة واجي الف لمهم وانحرهم يوم وصلت حولهم وارفع الجلنط وادخل عرض عليهم اثر السيارة هاجتنبي وتنحر حداهم وتصدمه واجيك قلت هج منتب ملزوم تلفع اماه تاقف السيارة واعدله ومشي العيال قالوا تعال تعال والله واروح للبيت يوم صار بعد شوي اماه يجي ابو الولد واخو الولد دقوا الباب واجي وافتح اماه يمسكن البو قال وين ابوك قلت مسافر قال يلله للمرور قلت لالالا تكفى اتوب قال لا عشان ماعمرك تفحط انا وياوا اماه قال لاعمرك تعودله اثر ولده ماجاو شئ مخوش بسيطه عشان تسذا قال خلاص وبديت لاشفت العيال يلعبون اروح مع الشارع الثاني اخاف اصدم احد وسلامتكم |
اقتباس:
وووووين موووقفك .. :( فاهم الكون : بإنتظاااارك .. :p |
| الساعة الآن +4: 01:50 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.