بريدة ستي - احذروا النصب من شركة عبداللطيف جميل

بسم الله الرحمن الرحيم
السلام عليكم ورحمة الله وبركاتة

سلام شباب ....... مسيكم بالخير

أكيد بعضكم راح وكالة تويوتا ولقى سيارات موديل 99 و 2000 في صالة العرض وإذا سألت مندوب المبيعات يقول لك إن هذي السيارات مخزنة وأن سعرها معقول جدا وإن هذي فرصة المشتري و و و و و .... الخ

يعني مثلا أنا لقيت كامري موديل 99 قراندري GTX جلد وقير عادي بدون فتحه بـ 51 ألف ريال من الوكالة .

ومثلا اللاندكروزر موديل 99 VX-R جلد وفتحه وقير عادي أخذه واحد من الشباب أقساط بـ 136 الف ريال بس

لكن في الحقيقة إن 80% من هذي السيارات الـ ( المخزنة ) هي سيارات معيبة تصنيعيا وفيها مشاكل ... وأنها كانت في مستودع كبير في جده يحوي الكثير من هذي السيارات بعدين تم توزيعها على مدن المملكة ويتم بيعها بأسعار معقولة عشان تمشي

وعندكم هذا خوينا راعي الـ VX-R بعد أول شهرين خربت عليه البطارية ( يعني فيه خلل في الكهرباء ) بعدها يمكن بشهر واحد عزم السيارة صار ضعيف جدا جدا .. كأنك تسوق جيب بمكينة 4 سلندر وراح الوكالة وسوى زحمة وهوشة وقالوا أنتظر علينا اسبوع ونطلع سيارتك وهي تمام مافيها أي مشاكل ...وراح الأسبوع وكلمهم قالوا فيها جزء من المكينة خربان اللي هو رأس المحرك
بعدها صارت حالات من الكر والفر بينه وبين مندوبين المبيعات ومسؤولين الورشة .....بعدين قالوا لا لا لا مهب المكينة .

وشيكوا على السيارة وطلعت فيها التانكيين حقت البنزين مصدية كاملة السيارة ماكملت معه 4 شهور وتصدي التانكيات ( يعني أكيد بلا في السيارة ) المهم تدرون كيف صلحوا السيارة ...راحوا وفكوا تانكي حق VX-R موديل 2002 وركبوه ؟ ( شغل أي كلام يالله رووووح )

الجدير بالذكر <<< مايمديكم عليها
المهم الجدير بالذكر أن سيارات تويوتا زادت نسبة الأعطال التصنيعية في الموديلات الحديثة وذلك حسب نظريه عبنشل في سيارات المقربين له

والسلام ختام
http://www.swalif.net/sforum1/showth...hreadid=147312