|
صَوّرتنا وتهدد "حسبي الله ونعم الوكيل" ...!!
السلام عليكم ورحمة الله وبركاته .. بيني انا والمقدمات عداوة فلذلك ببدأ مباشرة .. قررت أترك الجامعة وأترك الدنيا وأعتزل الأماكن النسائية والسبب جوال الكاميرا بنات انا اليوم حالتي والله ماأقدر أوصف الضيقة اللي فيني تخيلوا بنت بقاعتي مصورة وتهدد حسبي الله عليها الله يجيب لها الهم اللي ينسيها اسمها .. لاتلوموني بس السالفة موهيّنة :eek5 أحنا مادرينا عن شي الا لمّا جت وكيلة المركز الله يقويها وكانت معصبة وحالتها حالة دخلت وسألت من معها جوال كاميرا؟ <-- قولي من اللي مامعها :oo .. المهم مااحد جاوبها قالت وين فلانة الفلان " حسبي الله عليها والله لو تشوفوها ماتصدقون " قالوا انها طالعة قالت تراها مصورة وتهدد وجت وحدة بلغت عنها :eek5 .. ساعتها ماادري وش جاني مااقدر اوصف شعوري البنات انجنن , قامت وحدة من البنات بصوت عالي تهاوش وكانت معصبة وماالومها وربي قالت استاذة تدرين انه منتشر مقطع عشر دقايق :eek5 مصورين فيه بنات الجامعة ومنتشر بالنت وامس شايفته .. ياناس وش السوات والله شي مقلق ومتعب يعني كيف نداوم وحنا هذا وضعنا كل يوم منتشر مقطع وصور وروايات فيها قذف وظلم لبنات الناس ومايهمهن ينشرنهن بالنت حسبي الله عليهن ,, ليه الناس صارت ماعد تهمهم الفضايح .. ليه صاروا يستمتعون بهالشي ليه ..!! حرااااااام عليكم والله حرام يعني انا مثلاً لو اكون طالعة في هالمقاطع "الله لايقوله" وطاح بيد واحد من اخواني وش بيصير أكيد بيكون آخر أيامي بالجامعة هذا غير الهم اللي بيجينا .. بنات تكفون تكفون اي صورة بنت عندكن او مقطع فيديو لاتنشرونه واحذفوه ورب البيت ماقد فكرت في هالشي صحيح اني ماأحب انقلها لجهازي بس كنت اطالعها بأجهزة البنات وماكنت أنصحهن ولا شي بس لمّا صارت هالمشكلة اليوم وفكرت بالأوضاع ووش بيصير حسيت بهالبنات اللي اكثرهن مثل حالة بنات جامعتي :eek5 .. . وبعدين انا اشوف انه مهم انهم يحطون بكل الجامعات والكليات جهاز كاشف الكاميرا حتى لو شغلوه يوم وسكروه عشرة بس علشان البنات يخافون ويلزمون حدودهم وكمآن كاميرات المراقبة أحس مهمة بالجامعات وتكون المسؤولة عنها إنسانة موثوقة وملتزمة والله لو يسوون كذا ان نحس بالراحة ..<-- ادري انكن مثلي مابيديكن شي بس علشان تقولن "يارب يطبقونه يااااارب .." الله يستر علينا فوق الأرض وتحت الأرض ويوم العرض .. وحسبي الله على كل من هوى الفضايح ونشرها الله يفضحهم ويجعل سيرتهم على كل لسان .. مجرد فضفضة حتى ماأنفجر من الضيقة :eek5 .. كلام طالع من القلب فلا تدققون بالأخطاء : ( .. .. |
يا أختي الله يفرج عنك وأنا بصراحة أحمل معاناتك
يا أختي إذا كان هذا الحال في الكلية من تصوير وغيره فالأولى أن تتركي الكليه ومرد المرأة لبيت زوجه لكن يا أختي نصيحة لوجه الله أنصحكي بالمحافظة على الورد صباح مساء وأداء صلاة الفجر في وقتها حتى تكوني في ذمة الله والإكثار من قراءة القرآن ويا حبذا لو أن تصلي الوتر قبل أن تنامي وتدعي ماشاء الله وبإذن الله ستجدين راحة نفسية وستجدين في داخلك طمأنينه وستنفرج مصيبتك بإذن الله ليست السعادة والله بالجامعة ولا بالملابس ولا بالأعراس وإنما والله السعادة بصلاة وصيام وقراءة قرآن لأن الحياة أيام فإذا ذهب يومك ذهب بعضك وقدمي لذلك اليوم الذي لاينفع مال ولا بنوم إلا من أتى الله بقلب سليم وشكرا.. |
. |
مرحبا أيتها الفاضـــلة /// فرج الله همك وطمئن فـؤادك وبعدين يااحبيبتي كلااام لايودي ولايجيب ويااكثر الإشااعااات بهالموضوع ..! رددي دعاااء الكرب والحزن وقولي بتيقن (حسبي الله لاإله إلاهو عليه توكلت وهو رب العرش العظيم -سبع مرات-) وسيكفيك الله مااهمك بكرمه ولطفه وأستودعي الله نفسك ولاتشغلين وقتك وتفكيرك بكلام لاتعلمي حقيقته ..!! لاتولمين العصاية قبل الفلقة دعي الأيااام تكشف لك الحقيقة وإن كاانت مره ..!! فمابيدك أنتِ فعلتيه والباااقي قضااء وقدر ولكن أنزعجت من تصرف قمتِ به ويقوم به غيرك،، لمااذا كنتِ تشااهدين بعض المقااطع ولو لم تحتفظي بها ..!مالهدف الذي تجنيه ..؟؟ أترك لك ولغيرك الإجاابة التي لاتهمني بقدر أن أذكر ..!! |
.. نصيحة لكل أخت سواء تدرس في الكلية او غيرها أن تقولي هذا الدعاء وتكرريه كلما حسيتي بالخطر في كل تجمع نسائي,, والله أننا صرنا نخاف على أنفسنا في مجتمعاتنا الاسرية والسبب جوال الكاميرا!! لانك تلاقيه حتى مع الاطفال ولا فيه رقابه من الام ولا كأن فيه شيء اسمه خزي أو عار فقط همهن الموضة حسبي الله عليهم..؟ وهذا الدعاء الذي كنت اقوله لبناتي عند خروجهن للمدارس (( اللهم اني أستودعك نفسي وجسدي وبدني واهلي ومالي وجميع ماأنعمت به عليّ )) فالله خير حافظا وهو ارحم الراحمين اللهم اكفيني اياهم بما شئت. |
(( اللهم اني أستودعك نفسي وجسدي وبدني واهلي ومالي وجميع ماأنعمت به عليّ )):41:41:41:41:41:41:41:41:41:41
|
اقتباس:
:41 اللهم اجعل كيدهم في نحورهم .. فسيكفكهم الله وهو السميع العليم .. اللهم من أراد بي شراً فااشغله في نفسه :eek5 |
~ اللـه يفــرج عــنك لكــن علــيك بكــثرة الأستغفــــار والــدعـــاء ~ |
|
توكلي على ربك
وقل لن يصيبنا الا ماكتب الله لنا حسبي الله ونعم الوكيل فيهم ان شالله ربي ينصرك عليهم ويوريهم يوم اغبر . |
حسبي الله عليهن
|
الله يكفيك شر من أراد لك الشر وللجميع
|
حسبي الله عليهن ( الله يستر علينا وعلى بنات المسلمين ) مو بس بالجامعه حتى أنا كنت أدرس بالكليه التقنيه وكانت وحده من البنات دااايم تجيب جوالها الكاميرا تقول ماعندي غيره وعادي الوحده تجيب جوالها الكاميرا توريه صديقاتها شي أنا شفته بعيني ولا حسيب ولا رقيب |
اختي ماتهاب لا تحزني ان الله يمهل ولا يهمل سبحانه ووكلي ربك ولا تخافي من في الدنيا لان ما يضر الا الله ولا ينفع الا الله |
| الساعة الآن +4: 09:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.