|
[ساعدوني ياذيابة] أبي أعرف عن الميكروفونات؟؟ للضرورة
السلام عليكم ...
مساء المسرات ، حنا نبي نسوي ديوان صوتي لأحد الشعار... وجربت كذا ميكروفونات، لكن للأسف ماتكون جودة الصوت مثل جودة الصوت في الدواوين الصوتيه الموجوده في الأسواق! يعني مرة يكون حاد ومو صافي، ومره يكون غامض شوي وأيضاً مو صافي. اللي أبيه: أبي أعرف نوع المايك المستخدم في الأستوديوهات علشان يكون التسجيل واضح مررره، لأننا نبي يكون الديوان واضح جداً. بالمختصر، نوع المايك - تكلفته المادية - من وين احصل عليه؟ بانتظاركم يالذيابة !! |
حبيبي دندون .. أهلاً وسهلاً ..
بسألك أول .. هل شغلك فقط بيكون للديوان الصوتي ؟! وإلا ناوي تشتغل بالصوت شغل قوة ؟! موفق ؛ :) |
هلا بك الفارس...
ماني فاهم سؤالك بالضبط لكن بشرح لك زيادة شوي.... انا شغلي فقط دواوين صوتيه، ماراح يكون شغلي للأناشيد أبداً. وشغلي فيه فقط اضافة صدى وخلفيات صوتيه فقط. |
طيّب فاهمك ياخيي ..
شف .. أنت إذا بغيت تطلّع إصدار للناس .. لازم يكون الصوت صافي جداً .. والصفاوة ما تقتصر على المايك فقط ! لأن المايك الاحترافي لا يعمل إلا على مكسر ! والمكسر لا يعمل إلا على كرت صوت احترافي أو شبه احترافي ! وإذا اجتمعت عندك هالامور بقى الأمر الأهم وهو العزل ! لأن كل هالأجهزة ماتعطيك أداء حلو إلا بعزل حلو .. يعني التكلفة راح تصير تقريباً كالتالي: المايك الاحترافي لك من 900 إلى 9000 ـ كل ما رقيت كل ما زادت احترافيته ! المكسر من 1200 إلى مالا نهاية ;) كروت الصوت تستطيع أخذ كرت احترافي ورائع ماتزيد قيمته عن 1100 ! والعزل .. تقدر تفصل غرفة من خشب وتحط فيها صوف صخري + اسفنج وتعطيك عزل حلو .. وتكلفك من 1300 إلى 2000 .. حسب الحجم .. وتقدر تسوي عزل يكلفك 50000 ! |
أخي سؤال ..
هل التسجيل لايف ؟ أي بمعنى أنه أثناء الإلقاء يتم التسجيل .. ؟؟ أو التسجيل في البيت أو ما شابه ؟؟ فإذا كان أثناء الإلقاء فلن تكون دقة الصوت كما تلك التي في الأسواق .. أما إذا كان في البيت فكما قال لك الفارس . |
مثل ماقال الاخ الفارس,,
لازم طال عمرك تسوي لك غرفة بلحالك وتحط انواع العوازل مثل خشب وفلين.. بالعربي راح يكلفك الشغلات[المكسر والمايك والكرت] اقل شي اذا تبي شغلك مضبوط ويمشي الحال اقل شي 12الف ريال,,واذا تبي [topيعنيvip]بحدود 100الف الى 150الف ريال,, والله اعلم,, |
ياشباب انا لو معي خمسين ألف أو مئة ألف ماشفتوني على ام عراوي :113: << والله لو تسمعني الددسن تسان تزعل :113:
ياشباب المكسر والمايك وكل شي موجود عند واحد من الشباب لكن انا ودي أستخدم مايك بدون مكسر ... فيه واحد من الشباب يقول ان فيه مايك بلوري او كريستيال ... مادري بالضبط وش اسمه لكن يقول انه حلو ويشتغل بدون مكسر.... انا ابي مايك بدون مكسر ... مالي نفسه :( وبعدين انتم نسيتم تقولون لي وين احصل هالاجهزة ... بأي محل ببريدة ؟ |
متآبعين !
|
اقتباس:
إي فيه مايكات تشتغل بدون مكسر .. بس ماتعطيك كوالتي حلو ! يعني لو خلص إصداركم ورحت بتبيعه على تسجيلات عشان يفسحونه ويطلعونه لازم تكون الصفاوه تواجه وإلا والله مايناضرونك ! ولا تستطيع أنت تصدر أي إصدار بدون ما تفسحه عند الإعلام ، ولا تقدر تفسه إلا إذا صار عندك رخصة إعلامية ، ولا تقدر تطلّع رخصة إعلامية إلا لازم يكون معك بكالاريوس ع الأقل ، وعمرك فوق 25 وابتل عاد ! :eek5 أنا أقول إذا بغيت تطلع إصدار منافس ، وأضمن لك إن المؤسسات راح يشترونه منك لازم تطلع شيء يواجه .. وبهالحالة لازم توفر ستديو احترافي وإلا تستسلم للواقع ! أعرف أرفع بك وأوهقك .. بس أنا ارف الشغلة من أولها لآخرها !! وبالنسبة للأجهزة فلا تشتري من بريدة .. لأن اللي ببريدة غاليات على غير سنع .. ! فيه شركات بالرياض وجده أرخص وأضمن من محلات بريدة الخايسة ! الله يوفقك يارب ؛ وأي استشارة موجود انا .. |
عندك الفارس هو اللي يعرف الشغلات على مااعتقد,,كل اللي اعرفه قلته لك وناخوك مافي اليد حيلة,,وانا من الرياض مب من بريدة..
لكن في شي ثاني ضروري,,اذا تبي تطلع لك اصدار,,لازم احد يدعمك ولا ترى ماتقدر تمشي بلحالك تسذا,, |
المايك : akg2000 وهو حساس بالمرة والتقاطه لصوت قوي .. وصفاوته عالية ... قيمته تقريبا 1100 ريال ...
http://up.graaam.com/p10ic/2b4e9bc190.jpg المكسر : ياماها وهو من شركة معروووفة ووظيفته التحكم برفع صوت المسماعات والمايك عن طريقه (( تووصيل الاجهزة الخارجية به )) قيمته تقريبا 2000 ريال http://www.lemanski.com.pl/photo/m_410.jpg هذه صورة الكرت وهو مكون من قطعتين داخلية وخارجي ويربط بين الاثنين بكيبل شبكة وهو كرت احترافي ... نوعا ما : قيمته 2000 ريال جديد .. http://media.zzounds.com/media/fit,3...1585c0eac8.jpg سماعات الهيدفون ... وهو خاااصة للمنشد ... وليست مخصصه للمكساج ...قيمتها 850 ريال http://www.sweetwater.com/images/ite...1mk2-large.jpg سماعااات خاصة للمكساج ... قيمة الحبه 1200 http://www.zikinf.com/_gfx/matos/dyn...maha-msp5a.jpg هذه مكونات الاستديو الاساسية ... واضافة الى ذلك غرف العزل للمنشد ... لمنع دخول اصوات اخرى مع صوت المنشد ... اي استفسارات انا بالخدمة ... |
أخي الغالي
من ناحية الصفاااوة ... فهي تعتمد على كرت الصووت قبل المايك فالكرت هو من سيصفي لك الصوت وليس المايك ... وانما المايك يضيف لصفاوة صفاوة ثانية وهذا على حسب جودة المايك ... اخوك : مهندس صوت ... |
اخوي مهندس صوت,,
وين احصل هالشغلات في الرياض؟ هل المكسر فيه ترددات اقدر اعدل فيها؟ |
المكسر مكون من 16 فلتر (( محسن صوت ))
منها الريفيرب والديلاي ... لكن سؤالي موجه لك ... ماهو عملك بالمكسر ... |
| الساعة الآن +4: 05:24 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.