|
من المسؤول عن هذا الامانة او المرور .....؟؟؟؟
بسم الله الرحمن الرحيم السلام عليكم ورحمة الله وبركاته في يوم بهيج وتحديدا هذا اليوم يوم الجمعة الموافق 22 / 4 / 1430هـــ امتطيت سيارتي في رحلة خلوية جنوب بريدة وتحديدا في بلدة القصيعة . انطلقت متجها لها من طريق القناة لطريق الملك فيصل ثم الى طريق حويلان الذي حصلت فيه الفاجعة نعم اقولها وملى فيء الفاجعة كنت اسير وبسرعة 100 كم واذا بي اصعد جبلا منصوبا في الطريق وثواني معدودة واذا بي اصعد اخر وثواني واذا بي اصعد اخر يالله انواع واشكال القفز المضلي .. الغريب انه لايوجد في الموقع اي لوحة ارشادية تبين ان هناك جبال صناعية من المسؤول عن هذا ...؟؟؟ انا اكلتها اليوم والحمد لله جت سليمة لكن غدا ماذا سيحصل اذا اكلها غيري وحصل مكروه ..؟؟ بانتظار لوحاتكم ...؟؟؟ صورة مع التحية لكل من : أمانة منطقة القصيم مرور منطقة القصيم دمتم بود:cool: |
كنت اسير وبسرعة 100 كم واذا بي اصعد جبلا منصوبا في الطريق ^^ ^ الحمدلله انك ماسرعت واجـد ولاكان ماكتبت هالموضوع بذا.. والله مشكله.. هالمره سلمت انت وبكرآ غيرك ماراح يسلم.. لاكن.. انا اعلمك متى يضعون:لوحات ارشادية وتنبيه او مطب او اشاره ضوئيه وغيرهـااا اذا توفى احد وانتشر الخبر بالمملكة العربيه السعوديه.. عـاد توهم يفطنون ويتنبهون ويضعون [لوحات ارشادية.........الخ] وعاد مافيه فائدهـ يضعون لوحات وتسذا لان العالم كلهاا عرفت الخط وانتبهت.. أعتقد المسؤل عن هذا المقاول.. |
مابين مطب ومطب مطب مستانسين أهل حويلان بالمطبات ليتنا على طمام المرحوم وزيدك من الشعر بيت ما تشوف خضرة حويلان ماتجي كاملة منكبة على أكتاف الطريق من المطبات |
يا حبيلك يا عمر ... أجل تبي الأمانة تحط لوحات وإلا المرور !!! أنت ما تدري أن الأمانة مشغولة في شمال بريدة .. من تزيين الشوارع .. والرصف .. والسفلته .. والمرور مشغول بوضع نقاط التفتيش .. وترك الأهم .. إلا أقول .. الله يعين على هالأمانة اللي والله لو أنك تاحتسي جدار تسان رد عليك .. لكن الأمانة أعتقد أنها في عداد الموتى .. شكراً عمر .. |
اقتباس:
بالنسبة للمقاول فا من رايي انه ليس له دخل بهذه اللوحات فا المسؤول الاول هو احد اثنين الامانة او المرور اقتباس:
ههههههههههههههههههههههههههه اقول وراه الطماط لوصل السوق واثر مترعص اثره من هالجبال الي حاطينها تصدق اني اشوف كوسة وخس منتشرة بالطريق اثرهم من هالاية ..... اقتباس:
صدقت فيما قلت الامانة والمرور مشغولين في شي لا يحتاج اكثر من كذا ااتجهت هذه االادارتين للشمال وتركت الجنوب للمقاول يلعب كيفما شاء اين ادارة المراقبة بالامانة واين ادارة السلامة بالمرور لكن ما اقول الا الشكوى لله سبحانه وحده متم يود :cool: |
كله بسبب ××××× الله لا يوفقه ولا من حطه بالمنصب |
اولا شكرأ يا عمر على كتا بة الموضوع واحب ان اوضح انك ذاهب الى القصيعه وليس القصيه كما ذكرت ثا نيأ الحمد الله على السلا مه بعد صعودك الجبا ل لكن الخفى عليك اعظم اذا نزل مطر با ذن الله احذر ان تسلك هذا الطريق الا اذاكا ن معك سفينه فأ نك باذن الله يمكن تعبر بسلام علمأ بأن الشارع قريب تم اصلا حه ولكن لا حول ولا قوة الا با الله حسبنا الله ونعم الوكيل الا مانه الاما نه الا ما نه والله المستعان
|
المسؤول الهواء اللي جمع الرمل
|
| الساعة الآن +4: 12:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.