حررله جميع المخالفات لا يروح
 

قدر لله على وشديت الرحال من بريدة الى ينبع ابي اتونس أنا والعائلة الكريمة جلست ثلاثة أيام ورجعت يوم السبت الماضي القريب وأنا ساير على طريق المدينة السريع وبالقرب من عقلة الصقور نقطة تفتيش رجل أمن معه ورقة وجوال بين أذنيه ولابس قبعة سوداء غريبة الشكل قال رخصة واستمارة عطيناه الرخصة والإستمارة سفط على جنب , سفطنا على جنب , خير ان شاء الله وش صاير قال شوي بس ما تشوفني مشغول اوقف السيارات ,أعطى الرخصة والإستمارة لزميلة الجالس على كرسي وطاولة وقاله اكتب عليه مخالفة عنده سرعة . يا خوي تأكد أنا ما اسرعت , رد علي برد غريب قال لا أنا مشكك وصد بوجهه عني بكل استهتار قلت لوسمحت أطلب مواصفات السيارة من المبلغ ويتبين لك أني لم اسرع ابتعد قليل ثم جاب ورقة وقال هذا مكتوب شفه لون أخضر, قلت يا أخي فيه ثلاث سيارات أمامك تحمل نفس مواصفات سيارتي , قال وشلون تبي تسكت والا أبي أحرر عليك جميع المخالفات’ يا عسكري , يا عسكري حرر عليه جميع المخالفات لا يروح , رديت ياحبيبي المسئلة ليس تحدي أنا أسألك لأني متأكد أني ما أسرعت , رد علي ألزم الصمت وخذ سيارتك وأمش يالله )

الغريب والعجيب والأغرب أني لا أسمع جهاز يبلغ عن السرعات فقط حامل معه جوال وحاطه بين أذانه ومعه ورقة وقلم ولا عند ه أي استعداد يتجاوب معك أهم شيئ يكتب القسيمة قبل تنزل من السيارة معقوله يا ناس

ياليت يكون فيه نظام يعطي مصداقية تامة لأنه فعلن ملينا من تصرفاتهم وتعنتهم الغير منطقي في تحرير المخالفات يكتب المخالفة وأمسك الطريق والزم الصمت لاتكلم ليش

لاحول ولاقوة الابالله
كلنا نشتكي من نفس المشكلة
حسبنا الله ونعم الوكيل

سافرنا من طريق حفر الباطن على الدمام ومنها على الخبر ثم على طريق الرياض ولا نقطة تفتيش مرينا

أما من القصيم للرياض كذا تفتيش وكذلك طريق القصيم المينة المنورة وش السر

الله يعينك على المخالفه

لاحول ولاقوة الابالله
حسبنا الله ونعم الوكيل

الله يعينك

بس كان قلتله الله لا يوفقك دنيا واخره وانه ينقلك لديرتن ما تحبه وبعيده عن جماعك 3000 كيلو والله العظيم ان يعض الارض