|
التلاعب بالإسعار الى اين .......؟
السلام عليكم ورحمة الله وبركاته اليوم حاب اتكلم عن التلاعب في الأسعار في بريدة بالتحديد وأخص بالذات الصيدليات والمقاصف أخواني انا اتحدث من تجربة شخصية ولا اقصد التشهير بأحد ولكن الحقيقية بعينها بما انني رب اسرة فإنني اشتري علبه الحليب بـ 51 ريال من أحد الصيدليات المعروفة ولكن عند دخولي كم صيدلية اجد السعر زائد اما 5 ريال الى 3 ريال ف كل مره وعند سؤالي لماذا اسعاركم تزيد عن الناس يقول المصري والله هذي اسعار السوق ياناس اطلع من عنده واشتريه من احد الصيدليات الأخري بإقل سعر وهو51 الى 52 وليس كما يقال انه 55 او 58 وايضاً بعض المقاصف اللى تبيع صامولي الجبن او البيض بـ 2 ريال والمتعارف عليه هو 1 بحجة ان الأسعار زائده ومن ذا الكلام المهم وبعد الإتصال بالبلدية وإجراء شكوى على تلك المحلات قام بإعطائي رقم لحماية المستهلك وبعد الإتصال عليه قال أخوي هذي تبع البلدية وضاعت الطاسة بينهم وبصراحة انا لا ألوم البلدية او حماية المستهلك بقدر ما ألقى اللوم عليك ايه المشتري فبعض الناس من يدخل المطاعم او الأسواق ولا يعلم ماهي قيمة الغرض المطلوب شرائه يعنى لو يقول البائع بالسعر الفلاني اعطاه وفوقها بوسه بعد لا وتحصه داج تحياتي |
هناك مشكلتان في الشعب السعودي ...
يجهل الأنظمة .. واللوائح التنظيمية .. ويجهل الأسعار ... لأن كل يسعر بهواه .. ضارباً بالتعليمات عرض الحائط .. ولكن لماذا ؟؟؟ لأنه لا رقيب ولا حسيب ... شكراً لك .. |
أنت تدري إن بعض تجار السلع التمونية أو السلع المستخدمة في البيت إن الواحد منهم يكسب 300%..
مع العلم بأنه متعارف عالمياً بأن المكسب المعقول في الربح هو مابين 25% - 35% أما بعد ذلك أو أقل من ذلك فيعتبر فيه خلل.. أنت تدري إن بعض المصانع تبيع سلعته بربح لا يتجاوز 10%!.. وبعض التجار من عندنا يشترون السلعة من المصنع ويبيعونه بربح 150%.. شفت التناقض واللعب على المستهلك كيف وصل؟؟ علشان كذا لو تلاحظ إن فيه ناس تتجر بسرعة خرافية يعني خلال خمس سنوات تلقى معه ثروة؟؟ ولو تقطست عنه لقيت إنه يشتري بضاعته من الصين بخمسين ألف ويبيعه هنا بثلاث مئة ألف.. وعلى هالمنوال.. والله يرحمنا من جشع هالتجار اللي مايخافون ولا يراعون هالمساكين من الشعب.. |
اقتباس:
|
بعض السلع يا إخوان تعتمد على العرض والطلب يعني ممكن فوال الطائف شاري الكبدة بسعر غالي وعلشان كذا رفع السعر..
طيب الحين راعي الكبدة أو راعي الملحمة ليش بايعه على المقاصف بهالسعر الغالي؟ ممكن يكون عنده مشكلة؟ ليش مانبحث عن السبب الرئيسي في ارتفاع الأسعار ونحاول إننا نعالجه.. |
ياصبااااااااااااااااااااااااااااااخ ماحولك احد أنالوصاحب بقاله ببيع الببسي بعشره ريال والي مومعجبه يروح يدورحماية المستهلك وأذالقاها يمروني
|
اقتباس:
|
تميمي قبل تنزله ودها لحماية المستهلك وخلهم يقرونها علشان بكره مايقولون موشغلنا شغل الأمانه
|
إلى الهــــــــــــاوية |
مادام الاجنبي يعتبرنا شعبا مغفلا ونحن افهمناهم ذلك
في سوق الجملة ياتي الاجنبي ويشتري الغرض ب17 ريال وتاتي انت يا سعودي وتشتريه ب 23 ريال لانك سعودي عندنا في الدمام شي يفطر الكبد يبيعون الكرتون اغلى من لو بتشتريه بالحبة من يوم دخلنا بجشع ابو يمن والبنقالي وحنا من جرف لدحديره كنا نجد انه ميزة لما تجد شخص باسط ببضاعة امام مسجد لانها بتكون ارخص لان ما وراه ايجار محل ولا رواتب عمال والله اصبح ابو يمن يبيع عند المساجد بضائع كاسدة فاسدة وباغلى من السوق وشيل ياسعودي والمضحك ان طريقة الحراج يقول (اليوم ابو خمس طعش بعشرة) وهو بالسوق والله ب8 والا عطر طاقته الشمس لما تحول لمويه والا ملابس من اسوأ الاقمشة البلاستيكية والتي تسبب امراضا جلدية هل البلدية ما تدري ؟؟ والا مكافحة الغش التجاري والا حماية المستهلك (محاربة المستهلك) ما نقول الا حسبنا الله ونعم الوكيل |
| الساعة الآن +4: 06:50 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.