|
جرير وعرضهم السخي ....؟ اشترلابتوب واحصل على 1000 ريال ..السر في ذلك..؟
السلام عليكم ورحمة الله وبركاته قبل كم يوم ذهبت لاشتري محمول من احد المحلات فدخلت عليهم وهالمحل معروف ولا ودي اقول اسمه ولقيت لي محمول طيب سونيVIO بسعر 3999 ريال ومواصفات اخر شي ومن افضل الانواع :41 فيوم رحت ابصرف علشان اشتريه لفت انتباهي عند الاشارة عرض لجرير وهي القسايم الشرائية اشتر محمول وتحصل على كرت ذهبي او كرت فضي ( الذهبي يساوي 2000 ) والفضي يساوي 1000 ريال ) طبعا هذي قسيمة شرائيه وكلنا نعرف جرير انواع الاسعار اللي تهد الظهر غاليه مرره مقارنة بالاسواق الاخرى :oo والقسيمة محدودة يعني موزعين الالف او الالفين عنك يعني لازم تشري مثلا بقيمة 100 ريال من قسم كذا وبـ400 ريال من قسم كذا :i121 يعني محددين وش تشري وهذا تسويق لمنتج اخر واكيد يبي يصير غالي المهم يوم رحت لمهم والقى نفس الجهاز اللي كنت ابشريه سوني VIO واناظر السعر :eek: ولاو موب اللي تبي كان سعره بـ4899 ....؟ قلت يمكن اقساط لاني اشوف الورقة تحت وبه بعض المعلومات عن الاقساط :re يوم رحت وسألت اللي عند المحاسب قالي لا هذا مو اقساط هذا سعره :d قلت طيب بكم اقساط قالي خذ السعر ورح لم اللي عند الباب البنك :eek: واخذت السعر ورحت لمهم قالي بـ6000 الاف ريال المحمول :i121 اقساط لمدة 12 شهر وباللوحة على الابتوب مكتوب 18 شهر << هذا غلط ثاني . واشوف المواصفات من جديد كان فيه فرق بينه وبين اللي بالمحل اللي رحت لمه الاول كان اللي بجرير 3 قيقا الرام وكان اللي بالمحل الثاني 4 قيقا الرام والباقي نفسه وهذا يمكن يطيح من 100 الى 200 ريال .... :i121 ؟ يوم انهبلت وقلت والله ما اخلي اهل ديرتي تستغل بالشكل هذا وكتبت لكم الموضوع فقمت ببعض الحسابات فطلع لي المحل الاول بـ4800 اقساط يعني ولمدت 6 اشهر يعني . القسط 800 . وجرير بـ6000 ريال القسط = 1200 ريال ولمدة سنة . وش رايك ..؟ يعني تدفع انت قيمة القسيمه . مما يعني انهم يجبرونك على شراء منتجات منهم وانت تحسبه هدية :( . هذا بمناسبة يوم الامانة :d واما اللعبه الثانيه من جرير يرضوه اخوي راح يبي يشري لابتوب من ماكنتوش وشاف حدا الابتوبات عندهم معه Ipod هديه . يوم راح لم جرير لقاهم مخفضين شوي على الابتوب وحاطين IPod يباع مو هدية ..؟ :eek: شرايكم الحين بجرير والتخفيضات :i121 . اتمنى عدم حذف الموضوع بسس ذكر الاسم وما ذكرته الا والله خوف عليكم من النصب والندم لاحقا . وهذا الموضوع على ذمتي اللي يريد ان يتأكد يرسلي على الخاص وسأعطيه المعلومات كاملة . والله على ما اقول شهيد : 12 |
معروفه جرير انه أم الاستغلال
لكن نبقى مجبورين نشري منها كثير من الاشياء |
الفروض يقلبون اسمه جرجير << صار نبات
دايم يجرجر الواحد اذكر ابي منه شي مهم كل يوم يقول قضى تعال الصبح اومير اجي لمه الصبح قال تعال الاثنين يوم جيت الاثنين الصبح قال تعال العصر يوم جيت قال مابعد جت والى الحين ماسالت عن هالشي بس وين يحط عرض ويقول قضى |
^^ حلوه بطلتي
الى الحين ما اظطريت اشري من جرير اي شي الا كم كتاب للجامعه بس والا الباقي والله اعني للرياض ولا ارسه من جرير تسذا احس اني غبي ... :( عوشاق بريدة صادز انت انواع التسذب اول ما يجيك العرض الجمعة من الوسلية رح لمهم وش ان لقيته لك اللي تبي ...؟ تسلمون على المرور |
الله يجزاك خيرا على التنبيه
|
^^
العفو اخوي وهذا واجبي ملينا من اللعب والغش |
اقتباس:
عندك الشامل ممتاز مره ورخيص بعد +عندكم الاستاذ بس غالي شوي + عندكم مكتبة العبيكان لابتوبات وكتب وعندكم مكتبات الى قبل لاكن مجبورين وعندنا غيره تسذا ماصرنا مجبورين صرنا نجبر انفسنا على غبى |
^^
منين تجيب الهرج والله ياهو بالصميم تسلم |
مشكور اخي والله استغلال
|
العفو ابوحسون
ولكن ان شاء الله يوضع حد له . |
السلام عليكم اولاً انا معك من ناحيت الأجهزة اللأكترونية ولكن مهب كلهن إيضاً الكتب عندهم يعني بعضهن أرخص من غيرهم ولكن أنت بولوهي ماغيره ...؟! :confused: أنت خوينا وإلا لا ...؟! ;) ما أدري لكن عندي إحساس أنه أنت ... :cool: |
^^
هلا والله بشير ومابه بولوهي بالعالم غيري :) وبالنسبه للكتب فيه تلاعب خاصه بالكتب اللي نحتاجها . يعني حقات التحضيريه بـ200 ريال 3 كتب ...؟ مايسوون . تسلم على المرور |
اقتباس:
لكن أنا ما اقصد كتب الجامعة إنما الكتب الثانية |
مكتبة جرير أنواع الاستغلال ورفع الأسعار..
غير الكتب لا تشتري من جرير.. وبشرط يكون معك كرت تخفيض بعد.. أما باقي الأشياء فخلها لأهلها وهم الأجانب في الغالب.. لأنك لو دخلت فروع جرير اللي عندنا بالرياض تلقى أغلب الموجودين أجانب إما عرب أو عجم.. |
| الساعة الآن +4: 01:59 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.