|
غش وكذب الوكالات وخصوصآ عبداللطيف جميل ..!!
السلام عليكم جميعآ موضوعي بإختصار عن غش وكذب الوكالات وخصوصآ شركة عبداللطيف جميل لأنني تعاملت معها كثيرآ ,, وأذكر لكم على سبيل المثال وليس الحصر .. من كثرهن ..!!! إشتريت منهم جيب وطلع فيه صوت عندما إنعطف يمين وشمال وذهبت لهم بالصيانة وقالوا وقفه وجلس يومين وجيت وأخذته والصوت موجود لأنهم لم يعملوا به شيئآ وماناظروه أبد !! رجعت مرة ثانية ونفس الموضوع لم يذهب الصوت ثم ذهبت للشارع التجاري وبخمس دقايق مخلص وذهب الصوت اللي فيه مجرد ربط بسيط وأخذ خمسة ريالات !!!! وعند الوكالة أيام ولافائدة !!! وكذلك قبل فترة ركبوا لي أنوار في الصدام وصارت تجارية !! لابعد صيني وأردى نوع !! الله لايوفقهم ,, إذا كانت الوكالة تفعل هذا الشيء فما بالك بالمحلات !!! وغيرها كثير لكن هذه أقرب مواقف حصلت معي .. وأكيد أنتم حصل معكم مواقف كثيرة وكبيرة معهم !! والمشكلة الآن كثر الغش والنصب التجاري فما السبب ؟؟ فمايمديك تركب القطعة إلا وهي خربانة !! شيء غريب !! ودمتم بخير .. |
ولا ننسى الجميح
مرهـ رحت لمهم اجيب اليوكن حق الوالد "الله يحفظه" طبعآ اللي موديه الوالد .. رحت اجيبه الساعه 11 الصبح جيت وعندهم زحمه وناس طفشاانه من الانتظار . يوم سألوني عن الموتر عطيتهم رقم اللوحه عطوني اياهـ ؟؟؟َ! يعني رح شف لك موتر وشف لوحته واطلبه :d |
[bانصب منهم ماشفت
اجل واحد من اخوياي معه كامري جديده يوم راح يشيك عليه لانه مشت الف كيلو اثرهم ماخذين من سيارته قطعه هو يقولي بنفسه ان لونه يوم انا اشريه يختلف عن لونه يوم اطلعه من الوكاله وانا مشيك عليه اثرهم حطين له قطعه تجاريه وعقب يوم طلعه وهو مشيك عليه بس تخرب وانا ماعمري دخلته الوكاله لاني شاريه من معرض ماشالله زينه معي لانهم ماتعرضو له هو بنفسه يكلمن اي واحد يشري سياره لايشيك عليه تراهم ياخذون منه اشياء محد يدري ولا يخفيكم ان هالشركه تاخذ المسجل الاصلي من اليابان وتستبدله بمسجل اخر واذا قعدت شهر وانت مشتري السياره خرب خصوصا الكامريات الجدد اذكر بوه منتدى عن شكاوي اصحاب سيارات تويوتا بسببهم صارو مايروحون للصيانه بسبب الاستفزاز والسرق |
وأنتم مصدقين هالنصب .. شيك علشان تحصل على الضمان .. أي ضمان وأي خرابيط ..
والله أنه بس للنهب .. الله يعين على الجشع .. والنصب والاحتيال .. |
أكبر غلط إنك تودي سيارتك لوكالة أبو جميل أنا اشتريت جيب جديد ولقيت الجلنط مرتخي يوم رحت صيانه 1000كيلو قلت لهم يشدون سلك الجلنط بعد ماطلعت السياره منهم سمعت صوت غريب في الموتر رحت لحفرة البنشر ونزلت تحت الموتر لقية السلك بعده مرتخي والفني الغبي شاد الجلنط من عند القماشات اللي ورا يوم أرخيت على القماشات لقيت نصها رايح مع إن الموتر جديد. عقبها حرمت أطب عليهم |
اقتباس:
شكرآ لمرورك |
اقتباس:
الله يعين صاحبها وشكرآ لمرورك |
اقتباس:
والله صادق ياابوربا شكرآ لمرورك |
| الساعة الآن +4: 08:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.