|
للأهمية صديقتي تنتظر اراء منتدانا لاتخلونها
الاخوه والاخوات أعضاء المنتدى الكرام السلام عليكم ورحمه الله وبركاته حبيت اليوم اطرح عليكم مشكله تواجهها احدى الصديقات وبودي اشوف ارائكم لعلها تستفيد لانها في حيره من امرها وهذه قصتها بأختصار صديقتي عندها بنت سنه اولى جامعة وضع العائله المادي متوسط يعني مبسوطين والحمد لله البنت (المشكله)منذ كانت صغيره تلبس وتاكل من احسن شي ومن وصلت الثاني ثانوي وهي بمدرسه اهليه لان الوالدين يبون لها مستقبل حلو بأذن الله المهم دخلت الجامعه هالسنه وبدت المعاناه قالت ابغى نقل خاص ماابغى الحكومه قال الوالد لبيه وانا ابوك مالك ومال دوخه الراس طيب الكتب غاليه قال ابشري بسعدك ولاتقولين بكم اهم شي النجاح ابغى ملابس ماركه وعطور وشناط وجزم وووووو المشكله انها تستلم شهري 1000ريال مكافئه وتصرفهم على توافه امها تحلف وتقسم انا تسحبها العصر ماتجي صلاه العشاء الاوهي طايره اقترحت الام عليها انا تساعد ابوها شوي مثلا تحملي مصروفك اليومي اواجمعي قيمه النقل لان النقل ياخذ شهري 700 من والى الجامعه وليتها ماتكلمت انفجرت البنت بانكم بخلاء وانكم مستمنيني بالمصروف وياليت ماعندي مكافئه علشان اشوف وشلون بتصرفون علي الام تقول يعلم الله انها من استلمت مكافئتها عمرنا ما قلنا لها عطينا اوسوي لنا مثل بعض الناس الي فاتحين بيوتهم من مكافات بناتهم حنا نعطيها فوق المكافئه المصروف اليومي يتراوح مصروفها من 10الى 15 ريال هذا من غير قيمه الملخصات والاوراق الي تنزل شبه يومي بالجامعه المهم ابغى رايكم وش يسون الاهل وكيف يقسمون ويصرفون لها المكافئه لاني ابغاها تطلع على ردودكم لعلها تحس بالمسئوليه ولكم مني خالص التقدير |
اولاً هلا والله بختي
أسأل الله ان يهدي الفتاهـ اوجه رساله إليك يا أختي العزيزهـ واتمنى ان تقبليها بصدر رحب اولاً اقول لكِ احمد الله ان والديكِ على قيد الحياهـ لولاالله ثم هم لما عشتي بهذا الحال أختي ارحمي والديكِ افرضي انهم ليس على قيد الحياهـ حفظهم الله لكِ والله ثم والله سوف تعيشين بمذله .. أختي لماذا لا تأخذين نصف المسؤليه عن والدك حفظه الله لكِ لصار عندك مصروف شهري لماذا ابوكِ لم يتذمر ويجزع منكم شوفي والله ما نحس بالتعب الي يتعبه ويشتغل علشاننا وكل يوم صباحا ملزوم انه يذهب إلى الشغل شوفي نفسك قبل أختي ما ودك بالعطله وتفتكين ولا بالتخرج بقولتس والله لو هو وحيد ما شتغل الشغل هذا هو يشتغل علشانكم فأرجوكِ اختي ارحمي ابوكِ بسألك سؤال هل الناس ينفعونك او يساعدونك إذا بغيتي مال كل يوم لا والله لن يساعدونك ولا يعطون لموضوعك إي اهميه نصيحه من اخت لاختها بادري بالاخلاص لوالديك ولا تعصين امرهما وتقبلي إي شي منهم وساعديهم .... هما جنتك ونارك.. تراى غيرك يتمنون ان عندهم اب وام أختي كما تدين تدان أسأل الله ان يفتح على قلبك وينر دربك ويسر عملك ويطيل بعمرك على طاعت الله ووالديك.. أختك **الصداقه رمز** |
بالعكس حلو الانسان يشارك لمّا يكون عنده سواءً أهله حالتهم المادية ممتازة او عادية .. أنا ماأقول انها كل شي يكون عليها لا بس المفروض الكتب والملازم والمصروف اليومي من مكافأتها وحتى أغراضها مو عيب انها تشارك لو في بعض الأشياء , أما النقل بصراحة أنا أشوف ان الأهل هم المسؤولين عنه لأنهم يا يجيبوها يا يدفعون , طبعاً أنا أتكلم عن الأهل اللي يقدرون والا اللي مايقدرون الدولة ماقصرت الحمدلله .. وبعدين الشخص إذا جرب انه يشارك والله ينبسط وربي يبارك له خاصة لمّا يكون هالعطاء للوالدين , حتى لو كان الأب غني وعنده والأم نفس الحالة يعني مو محتاجين والله اللي من الولد أو البنت له طعم ثاني .. أعرف وحده ابوها حالته المادية فوق الممتازة ماشاءالله تبارك الله وكل شهر لازم تذوق امها وابوها من مكافأتها تقول احس انهم ينبسطون الله يبارك لها .. الأهل احياناً يخربون عيالهم يسرفون في امور تخرب ماتصلح ,, الله يصلح حالهم ... بالتوفيـــق :) .. |
أختي وحبيبتي الحين ابوك وامك هم الي كبروك ودخلوك المدارس الأهليه وصرفوعليك مبالغ غاليه للمدرسه واخرتها يوم صرتي بالجامعه تبخلين عليهم بألف ريال المفروض أنك تعطينهم وتشوفين وش يبون بدون قول هذا أبوك وأمك أذا مساعدتيهم من تساعدين والله أعرف وحده اذا طلعت مكافأتها على طول تصرفها وتوزعها على أخونها الله يهديك ويفتح على قلبك وينفع بك أبوك وأمك أمين يارب العالمين ودمتم بود |
اقتباس:
ماقصرتي يامتهاب كلامك يدل على وعيك ,,ماشاء الله عليك.. الله يوفقك ويعطيك على نيتك ويخلي لك أهلك.. |
لاازيد على ماسبق الا ان المشاركه يكون لها طعم اجمل من الانانيه ولله يستر عليها |
الله يهديها ويستر عليها..
|
يا بنيتي انتي شتبين بالماركات مالهن داعي ينصبون عليكن وتصدقون هذي الاف مألفه مب لعبه وانا اختس تخيلي تجيتس الليله السوده شبتسوين وانا اختتس في ناس يدورون الريال والخمسه وانتي تروحين تحذفين على المحل من 1000 و 2000 و اكثر وتشترين شنطه تلبسينها شهور وبعدين بتخرب ورااه الاسراف والتبذير قال تعالى ( ولاتسرفوا ان الله لا يحب المسرفين ) يابنتي احمدي ربتتس على كل شيء .. مب زيين تقولين لأمتس و ابوتس انهم بخلااء امتس وابوتس اغلى ما عندتس مايصير ترفعين صوتتس عليهن قال تعالى ( وقضى ربك ألا تعبدو إلا إياه وبالوالدين إحسانا إما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما واخفض لهما جناح الذل من الرحمة وقل ربي إرحمهما كما ربياني صغيرا ) الله يهديتس يا يبنيتي ويرزقتس الرجل الصالح ويخلي لتس والديتس --------------------------------------------------------------------------- خيرا فعلت وردة بلادي .. الله يعطيتس العافيه |
أحس البنت تسمع كلام وتجي تطبقه.!!
أولاً على أيش هم بخيلين.؟ إذا موفرين لها كل احتياجاتها من ساندويش الصباح لـ كوب ماء الليل وين البخل.؟! أو لأنهم بغوا مصلحتها أتهمتهم بالبخل..!! كان الأفضل لو مصروفها اليومي و فاتورة جوالها و طبع ماطبع هي تكون مسئولة عنه وهذا راجع لـ مصلحتها أولاً وأخيرًا. أما أنك تحتاجي منا مشورة تنفع الأهل فلا أملك أيش شيء يفيد. لأني أخشى أن أقول شيء فـ تعايرهم بالبخل.! |
هذا خطاء الام الاب هما الي دلعوه
الله يـــــــــهديه امـــــــــــين انا عندي اقترح مدري يمكن ميعجبكم ( يزوجونه) ويفتكون من مصريفه تروو ا قترح بس00000000000 |
مآشآء الله تبآرك الله البنات كفوا ووفوا ..
لكن سأقول مالدي زيادة على ماقيل , ان تحاول ان تكتب جدووول للمكافئة بحيث جزء منه للمذكرآت ولوازم الجامعه , وجزء لو بسيط [ صدقه لوجه الله ] لوحتى كان ريالا [ فرُب عمل تُكثــِرُه النية ] سترين البركة به ياغالية لأنك لم تُأخذي من والدك من أجل أغراض الجامعه , وجعلت ِ منه صدقه .. حبيبتي انت ِ بنعمه كبيرة ركزي على الإيجابيات في حياتك واتركي السلبيات أتركي أيضا ً تفكير أنك تشعرين بنقص إذا لم تشتري ماركة فا النقص الحقيقي يا غالية هو نقص الدين والأخلاق المهم ان تخصصي شهر تشتري ملابسك سواء ً ماركة او غيرها المهم أن تكون جميلة فهناك ملابس لم تُذيل باسم الماركة في قمة الذوق حتى لاينزعج فلذات كبدك والدك ووالدتك من كثرة الخروج لتسوق حبيبتي تقبلي كلمات أختك نورة فقد كتبتها من أعماق قلبي ليس من أجل أحد بل من أجلك انت ِ فقط .. أختك نورة حبيبتي .. وردة بلادي وفقك الله دنيا وآخره على أهتمامك بأختك وإبنتها كثر الله من امثالك |
اهلين خواتي.....الصراحه انه مشكله....هالحين هذا جزاهم الاهل لكن المفروض انه تفرح نفسه وتذوق اهله من مكافئته وتصدق وبعدين تشوف لوازمه وتقيسهن بدون ماتاخذ من اهله ياااااااخزياه بس تبتل تاخذمنهم ومتى تبي تعطيهم.....ياخي يقهرنن بنات هالزمن قل عونه للام واخذ دراهم بدون تقدير الظروف وياويل الابو لويعتذر ويقول ماعندي ان كان يسير بخيل ...
|
ما ازيد على كلام اخواتي الله يعطيهم العافيه كفوا ووفوا والله يوفقها دنيا واخره ولك ياكاتبة الموضوع الشكر |
من تصرف البنت أشوفه مددددددددلعة بزيادة
تبي توعيه في الدين والاخلاق وحسن معامله الوالدين واشوف فيه جهل في بعض الامور وخطأ عليه تثقل على ابوه المصروف وهي عنده مكافئه انا يوم كنت في الكليه كنت اعطي ابوي وامي من مكافاتي مكفيتني والله اسوي فيه اشي كثثثثثيرة اخخف على ابوي المصروف ومااطب منه شي الله يهدي البنت ويعين والديه عليه .................................................. ..................... |
| الساعة الآن +4: 12:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.