|
قريبا .. بريدة ستتحول الى مزبلة .. للأسف لايوجد "صور"
السلام عليكم .. صبحكم ربي بالخيرات وجمعة مباركة بريدة أحد اجمل مدن المملكة من ناحية الزراعة والتشجير وكثيرا مايقول احد اصدقائي من اهل الرياض "احسدكم يالقصمنجية على هالتشجير والحدايق" واللهم لاحسد .. ماكتب بالأعلى هو مجرد توطئة ومقدمة لموضوعنا :) واعتذر عن استخدام الفاظ مزعجة في العنوان لكن السوق عايز كده :p .. أخي الكريم اختي الكريمة .. أجل بطرفك في بريدة فمن شارع النهضة الى ماحول الملعب مرورا بالمضمار الرابط الوحيد والمشترك هو الخضرة والتشجير .. ولكن مع الأسف الملاحظ قلة حرص الناس وبخاصة الشباب على جمع نفايتاتهم بعد الأكل .. وانتم بكرامة أصبحت فلينة الروست حق رشوش ماركة مسجلة لبريدة :i121 تشاف أكثر من قواطي البيبسي .. من وجهة نظري المتواضعة أعتبر من يرمي نقايته وخصوصا نفاية طعامة أنه علم على هرم قمة التخلف حتى وان كان يعرف انترنت أو معه سيارة 2009 وجوال و وو و و الخ .. فلا الدين ولا العقل ولا السلوم ولا المراجل ولا أي شي يقر هالشي الا قل التربية والوصاخة .. بالأمس القريب الاربعاء كنت انا وبعض اخواني نتعشى عند الملعب (رشوش كالعادة لابديل متوفر) وكان فيه شباب يتعشون بسيارتهم جمب الزبالة ويوم انتهوا والله انهم راجمين زبالتهم عند السيارة ولم يكلفوا انفسهم عناء النزول ووضعها في القمامة .. أما مواقف كلية البنات فهي الشيطان الأكبر (كلمة مستعارة من القاموس المجوسي الايراني) .. وياقلب لاتحزن نهاية الموضوع .. أظني لست بحاجة لأن اذهب الان الساعة 1.15 صباحا كي التقط بعض الصور المؤسفة والمتخلفة لمدينتنا الغالية .. لأن الشق أكبر من الرقعه .. لكن ارجو ان يكون هذا الموضوع نواة .. ويكفيني منه أن اغير فيه شخص واحد فقط :) ولأن يهدي الله بك رجلا واحدا فالعبرة بالكم والكيف يلحق ان شاء الله .. ولو بعد سنين ومسيتم بالخير شيك :) |
رمي بقايا الطعام على الرصيف او الشارع كفر بالنعمه ....نسأل الله السلامة والعافيه .
|
أنـــا معك والله أنك صدق ...
المشكله أن الأمانه ماقصرت من اللهدهـ عند كل سياره زباله .. :098: |
الحمدلله على كل حال والشباب يبيلهم توعيه و بس .... وتشوف العجب لكن اذا شافو واحد اكبر منهم او اصدقائه يرمي القمامه وانتم بكرامه فهم اولى << فلا يزجره ولا يفعل شيء البلدية يشيلونه .... وانا لااعمم على اكثر الشباب ولكن القله من يفعل كذا ....فلذلك اصبح كل الشباب سيؤؤون .. ..... صحيح اكثر كلامك ولكن زايد حبتين .... شكرالك على الموضوع .... |
وعليكم السلام.....داخله بشدة احسب ان الموضوع فيه تهجم على البلديه,,,,,,لكن احسن الله اليك...... انا توفي السيارة طارحين القضيه....مرينامن عند الجلسات الشبابيه الي في الفاخريه الله يهديهم ويجمعهم على خير قايمين ومخلين اكياس واكواب ونفايات.....يعني الصراحه منظر مقرف مره....
|
الاشياء اللي ذكرت تحصل في كل مكان ومو بس الشباب حتى العوائل اللي يجلسون في الحدائق والمنتزهات اذا قامو اتركو وساختهم وقمامتهم وراحو هذا تصرف غير حضاري وكذا ان دل على شي يدل على وساخت الانسان حتى بيته فالمفروض يخلون المكان احسن مماكان فالنظافه من الايمان والف شكررررررررررررررر
|
والله انك صادز بس البلديه تضف الشوارع الفجر يعني ماهنا مزابل ان شا الله والانسان اللي وصخن بالشارع وصخ ابيتهم مشكور على حرصك ,, |
الانسان اللي وصخن بالشارع وصخ ابيتهم ويدل على عدم تربيته وضعف دينه وسوء خلقه وهو كمن يأكل ويبول اعزكم الله في مكان اكله وجلسته كالبهيمه .
|
اترك المكان نظيفاً كما تحب ان تراه نظيفاً
ودمتم سالمين |
لحضه لحضه لحضه لحضه بل قله الوعي لها دور كبير بأذن الله راح التقط صور اشكرك ~ |
واالله قهرر السراحه يعطيك الف عافية آخويـ |
بدر : اللهم لاتؤاخذنا بمافعل السفهاء منّا .. اخ بدر شاكر جدا لمرورك العاطر :) أمير بكلمتي : صح ان فيه زبالة بكل عاير لكن مثل ماتعرف المثل الشعبي صحيح لنا عليه تحفظ لكنه هو الواقع (**** يغلب مية عطّار) الف شكر للمرور الرائع جريح : بصراحة بعذري زودتها شوي .. والله من حر ماأوجس ولعلمك تراي مااشتغل بالبلدية لكن يقهرن مثل هالشي .. شكرا لردك وإن كان بلون الدم :) ورود المساء : عندنا وعندكم خير .. حول الملعب أهرام من الفلينات "رشوش طبعا" شاكر لك .. دمعة ألم : وهذا الشبل من ذاك الاسد :) يعني اللي متعود معه عايلته انهم يرمون القمامة بالأرض وش ترجي منه ؟ وشاكر للمرور العاطر وليد وابو فيصل : كلامكم صح 100% ومشكورين ثنينكم على المرور الرائع القمرا : شكرا على النصيحة ودمتم سالمين . مستر عزيز : أكيد قهر :( الأخ المصوراتي .. قليل الدسم .. أشكر لك سلفا قيامك بتصوير المناظر المخجلة .. وشكرا لردك وشكر لصورك اللي بتجي ان شاء الله . شيك :) |
للاسف هذا مانرااه حول مجتمعنا
فنحن امة محمد والدين الحنيف حثنا على النظافه وكما قال رسول الله صلى الله عليه وسلم النظاافه من الايماان وأيضآ امااطة الاذى عن الطريق صدقة / وأنتم تصعون هذه الزبائل فيه جلسات شباب المسسلمين خسسارة ياابناء بريده انتم متعلمين وأكبر من ذلك |
بيض الله وجهك ( ياشيك بدون رصيد )
وأشهد إنك بعد هذا الموضوع صرت ( شيك برصيد ) :d والحقيقة إنك تطرقت لموضوع بالغ الأهمية .. أمر مؤسف فعلاً مايحدث بالحدائق والأماكن العامة .. أطالب بحملة توعوية حول هذا الموضوع وعلى جميع المستويات .. أشكرك مرة أخرى .. |
| الساعة الآن +4: 07:10 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.