بريدة ستي - اشتغل الكهرباء بعد انقطاع دام 12 ساعة ؟؟؟؟؟؟؟؟؟؟؟؟؟

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

اشتغل الكهرباء بعد انقطاع دام 12 ساعة ؟؟؟؟؟؟؟؟؟؟؟؟؟

السلام عليكم

الله لايجكم الي جانا

من الساعة 2 الظهر يوم السبت انقطع الكهرباء عنا في جنوب بريدة ( حي الفاخرية )

ودام الانقطاع 12 ساعة واثنين وعشرين دقيقه

واشتغل يوم الاحد الساعة 2 وعشرين دقيقه فجرا

اسالكم بالله يا ناس هذي حاله

قسم بالله لو حنا بتشاد ولا النيجر ولا اثيوبيا كان يمكن نقول مشيها

بس في اغنى دوله بالعالم وينقطع الكهرباء 12 ساعة قسم بالله مهزله وام المهازل

يعني مافيه الى طربتين يشغلن كهرب بريدة يعني كل هذا دجه

لو مافيه بترول يصب ليل نهار كان نقول يمكن الدوله ماعنده شي

بس اغنى دوله واخرتها يطفى الكهرباء على نصف مدينة 12 ساعة

((((استهتار بالمواطن اقسم بالله استهتار))

ياخوان اكتب الكلام وعيني ما شافت النوم من الحر ... قسم بالله ضاق خلقي

واعذروني على الكلام لانه من قلب ومشكورين

والله ماستغربها ..
منهم
واعلى مابخيلك اركبه
وش تبي تسوي يعني
إذا صار خصمك القاضي من تقاضي؟

الله يكون في العون ويصبرنا ونتحمل الحر
انصحك ماطور ومكيف صحراوي بالملحق اذا حدت الضروف

تعال للشقه وشوف الاهمال

طول الوقت يقطع هلكونا بالحر

اقتباس:

المشاركة الأساسية كتبها الحنان كله (المشاركة 1509873)

الصراحه انت كذاب انا في جنوب بريده انقطع الكرباء الساعه تقريبا 3ونص الى الساعه 4ونص والصراحه مافي احد قال 12 ساعه اصلا الكهرب ينقطع بس ساعه او اقل من ساعه------اعذرني على الكلام

حسن الفاضك العليا طافي من 2 الضهر وماشتغل الا 12 باليل ايش كذاب

ياحبكم للتشكي يالقصمان

واذا انقطع يعني ؟
ماقطعوه الا وفيه مشكله ، وقاعدين يحاولون يحلون هالمشكله !

تأكد انهم ماودهم بالخساير بعد ، يعني هم الرابحين اذا ماقطعوه لأنهم يمصعون منكم فواتير .

للمعلوميه الاسلاك او الكيابل بالشتاء تتقلص وبالصيف تتمدد يمكن تكون من كذا او من الحراره لا احتر قفل وهذا من اجلك انت واياه لكي لا ينفجر واذا انفجر يبيلك يوم على الاقل لتوفير بديل هذا اذا كان فيه بديل

لاحول ولا قوة الا بالله
هههههههههههههههههههههههههههههه
معليش اخوي عجزت امسك نفسي وشلون نايم امس بالحر هذا

طيب واذا انقطع يعني الملك ولا الامير قطع الكهرب تجي تتشكى وتقول مهزلة باغنى دولة بالعالم وبترول يصب ليل نهار؟؟

ماهي مهزله اذا كان فية عطل خارج عن ارادتهم .. وشركة الكهرب مو من السماء جاية عشان مايصير فيها خطاء خارج عن ارادتهم ..

وبعدين اغنى دولة بالعالم ماعيشتك تطر بشارع .. شوف غيرك واحمد ربك ..
ما اقول ان مافية اخطاء و اخطار الا نادرة وقليلة جداً .. ارخص دولة بتكاليف العلاج والدراسة ..
الحكومة وابومتعب ماقصرو لكن اللي فوق الشعب هم اللي يلعبون ويظلمون ولا الحكومة والله ماتقصر على احد خيرها علينا وعلى غيرنا..

مو انتم لحالكم الاسياح الان تشتكي من الانقطاع المستمر هذة الايام وخاصة في وقت الظهيرة والليل
لاكن الى الله المشتكى

الف شكر وتقبل طلتي

(( اللهم ارحمنا تحت الارض وفوق الارض ويوم العرض ))