بريدة ستي - خبر مفرح ....لمرضى الصدفيه...

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

- - خبر مفرح ....لمرضى الصدفيه... (http://www.buraydahcity.net/vb/showthread.php?t=153366)

خبر مفرح ....لمرضى الصدفيه...

اعزائي جميع اعضاء بريده ستي...
خبر مفرح...لكل من يعاني من مرض جلدي وهو مايسمى
بالصدفيه

لكل من يعرف شخص يعاني من هذا المرض
فليراسلني على الخاص
فلدي الحل القاطع له بأذن الله

وهو مجرب..وموثوق..

وببلاش..لاتنطون بي وتقولون تلعب علينا بس تبي فلوس..
ترى بعضكم ماعنده اسلوب...لابد من العاميه
فقط فعل خير..
والاجرعند الله..

طيب ليش مايكون العلاج ظاهر يعني ليش على الخاص؟؟؟؟؟؟

واحد من الشباب فيه صدفيه بكل مكان ..
ودي الله لايهينك تعطيني تفصيل أكثر عشان أعرض عليه ..
لأنه كل شيء جربه .. ربما يصير جرّب اللي أنتِ بتقوليه .. !

جزاكم الله خير ..

أرسلت لك ياليت تردين علي

ليش ماتضعين الحل هنا للعامة حتى يستفيد منه كل زائر؟؟!!!!!!

صراحه ماتوقعت انكم بتفاعلون معي..
بس بما ان فيه تفاعل والصباخ قالي حطيه وريحينا..
فأنا بقولكم السالفه من طقطق لمع السلامه..

انا شخصيا من عانت مع هذا المرض المخزي..الصدفيه..
عانيت منه حوالي12 سنه..
ماخليت علاج ولا ليزر ولا اشعات الا سويته..
تعبت..وشقيت وانا ادور لي علاج..
واخيرا قرأت عن علاج اكتشفته الباحثه والدكتوره المصريه
اغادير..
ولاكن اللي احبطني..ان العلاج لايوجد الا في مصر..
وهو عباره عن مرهم يحتوي على عصارة الصبار..يعني اعشاب طبيعيه..

وبما ان زوج اختي له اشغال كثيره في مصر..طلبت منه ان يحضره لي..
فجزاه الله خير الجزاء..
استخدمته وكلي امل بالله بأني سأشفى من هذا المرض..
وفعلا كانت نتائجه مبهرة جدا..والله اني ارى الصدفيه احترقت..
وتفتت وخلال شهر من استخدامي له...انقطعت عن جسمي نهائيا.والان لي سنه ونصف ولم تعود الصدفيه
.سعره 16 جنيه مصري
يعني ب11 ريال سعودي تقريبا..
..
اسمه مرهم (اللوريد)
لون المرهم الخارجي برتقالي بأخضر..ولون المرهم الداخلي اسود..
ولاصبغ بثوب على طوول بزباله وانتم بكرامه..لانه مايطلع من الملابس..
استخدامه كالاتي.
يوضع على جميع اماكن الصدفيه في الجسم..بعد صلاة العشى على طووووول
وترتدي بلاستك حتى لاتمتصه الثياب..انا وضعت سفره حقت الاكل..ونامو
حتى اذان الفجر..لا اذن الفجر تتروش من المرهم.وتددهن بفازلين او زيت زيتون
وهكذا لمدة شهر كامل..

واللي حاب يعرف اكثر عن مرهم اللوريد..يكتب بقوقل اللوريد..ويتعرف اكثر..

اخواني واخواتي ..انا عندي كميات بس محجوزه..
اللي يقدر يجيبه من مصر يريحني من المشوار..
واللي مايقدر..
انا احاول اجيبه ..
لاني انا بمنطقه..وانتم بمنطقه..واللي بيجيب المرهم بمنطقه..يعني صعبه علي شوي..
ومابي منكم الا الدعاء في ظهر الغيب..
واي استفسار انا حاظره..

الله يجزاك خير..
ويكتب لك الأجر..
ويوفقك دنيا وآخره..
والله مالي حاجه فيه بس أنا طلبت إنك تقولين العلاج علشان الزوّار اللي قد يحتاجون لمثله..
وبالتوفيق..

جزاك الله خيرا

ياليت تنقل الفائدة في منتدى ملتقى مرضى البهاق

http://www.vitiligoteam.com/index.php

فهناك أكبر تجمع لهم ,, وتستطيع إيصاله لأكبر شريحة منهم

شفاهم الله جميعا ,,, آمين :eek5

ياليت مايحذف الرابط :eek5

ايه بس يابو رزان...
ماله دخل الصدفيه تختلف عن البهاق..
وجزاك الله خير

ام الموذي

الله يديم عليك الصحة والعافيه

والله يجزاك الجنة على الموضوع

ام الـــــــــــموذي

قولي آآآآآآآآآآآمين عسى ربي يرزقتس من حيث لا تحسبين

ويوفقتس دنيا واخره ويعطيتس على قد نيتس وينفع به المرضى اجمعين

وتاخذين اجرهم والله انتس كسبتي بهم اجر والله لايحرمتس الاجر يالغاليه

انا الحمدلله مالي حاجه بوه بس افرح لفرح المرضى والله يديم عليتس ويشفيهم يارب

ام جحا..
نوني الحلوه..
تسلمن ياقلبي..والله خجلتوني بدعواتكن الحلوه..
ربي يسلمكن ويعافيكن..

الله يجزاك خير
ويديم عليك الصحه والعافيه
شكرالك