|
الاثنين ابو تفلة يطفى مرتين وياقلب لاتحزن
احفظ ياتأريخ واكتب يازمن اليوم الاثنين 22/6/1430 انطفأ الكهرب مرتين الاولى مع أذان الظهر الساعه 12’5 حتى 1,14 دقيقة وإنطفأ مرة أخرى الساعة 3,00 حتى الساعة 4,48 دقيقة ومشرفيننا الاعزاء الاعضاء يعبرون عن انفسهم ومايخالج انفسهم فلذات اكبادهم لم يتعودوا على الحر الشديد ولله الحمد والشكر مادام اننا اشترينا العداد الكهرب بفلوسنا والفواتير ندفعها بفلوسنا دون تقصير منا فاتورة الجوال لست بمعذور اذا قطع عنك الارسال لآنك لم تسدد نقوووول قلعك هذا استهلاكك لكن الكهرب لاغنى عنه ودعونا نعبر كل مواضيعنا هذا الاسبوع عن ابو تفلة اعزكم الله |
لااله الا الله زين الحين يشتغل لايطفي بس <<خله يذن ونروح نصلي وندعي ان الله لايوفقهم اشكرك ~ |
إلا صدق يا إخوان ما فيه حل لها الشركة . ما فيه أحد يوقفهم عند حدهم وتلاعبهم . اتصلت عليهم وقلت لهم ليه طافي الكهرباء قال عطل وإن شاء الله يصلح قلت والله إنك تكذب يا أخي أخبرني ما هي الحقيقة أنا مواطن ومن حقي إني أعرف ما هي حقيقة إنطفاء الكهرباء لمدة أسبوع كل يوم قال عطل قلت مصر على الكذب . وجلست أدعي عليهم . وقلت بكرا وبعد بكرا يبي يكون فيه عطل :41
لكن هل يبي يخصمون قيمة هذا العطل من الفاتورة أم لا ؟ |
آآخ بس .. حسبي الله ونعم الوكيل .
تو قبل شوي طافي علينا من عقب صلاة العصر مباشرة ..ماولع إلا الساعه 6 إلا ثلث .. أنواااع الحر ..وإختبارات . : |
المولدات تعمل بكل طاقاتها 16 + 5 = 21 مولد تغطية القصيم عموما ومنطقة حائل وجزء منها الى منطقة الرياض لكن لاجديد من المولدات منذ افتتاح سلطان بن عبدالعزيز قبل 15 سنة ولامولدات جديدة وضرب من المقويات كيفما شاء وعند كل مسجد |
الحمد لله حنا ماقد طفى عندنا الكهرب
اللي يطفى عندهم الكهرب ترا المجلس مفتوح<<امزح والله اني رحمتكم ياخي المفروض نطلع نسوي مظاهره بشوارع بريده<<اسكت بس لايطفونه عليكم |
خخخخ
تدعون عليهم ان الله مايوفقهم بيصير الكهرب ينقطع خمس مرات اقول لو المليارات اللي راحت لبوشكيب خلوها بكم مكينة مهوب ازين او العبارات اللي راحت هدية لمصر او او او اسكت لا تنقهر زيادة اليوم طلعت من البيت منحاش من الحر قلت اروح العصر عند خوينا راعي محل ولقيت الكهرب طافي عنده آخر شي جاء وركب معي بالسيارة علشان المكيف وقال خذ فينا كم لفة نخلص شغل اصرف من قعدة المحل واللي زاد الطين بلة اشارات طافية تحس انك عايش في بلد فوضى اليوم موطبيعي ابدا اول مرة اشوف بريدة كذا ان دخلت حر وان طلعت غبار ما الك الا السيارة خيو ياحظ اللي عنده فان حق طلعات مكيف وتلفزيون ونوم باي مكان ومنة الله ولا منة خلقه |
اقتباس:
حطوا الغلط على المواطن 100% لنا الله يالمواطنين الله ينتقم مما كان السبب |
| الساعة الآن +4: 01:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.