|
انتي طاااالق بالثلاث ( مزحة من رسالة جوال )
بسم الله الرحمن الرحيم الحمد لله والصلاة السلام على أشرف خلقه نبينا محمد وعلى آله وصحبه أجمعين وبعد... السلام عليكم ورحمة الله وبركاته بعض الناس ما اتعرف تمزح من ثقل مزحهم الله يستر علينا وعليكم من هالمزح الشين والله يكفينا شر من فيه شر وقبل أن أبدأ بالكتابة أقول لكل زوجة : الا تتسرع في الحكم على هذه الرسالة ، بل يجب عليها ان تتأكد منها ومن مصدرها ومن صحتها والله يستر علينا وعلى أخواتنا وبنات المسلمين . افرض ان واحد من الشباب سوالك هالمزحه ذي مع زوجتك هذا واحد من زملاك غالباً يجلس معك ومع بعض الشباب ، وين ما رحتوا هو معكم وبعض الأحيان ما يكون معكم وفي كل مره يرن جوالك يظهر اسم المتصل ، ومن دون شعور تقع عين هذا الزميل على شاشة جوالك ( الشي هذا طبيعي عندنا إذا رن جوال اي احد على طووول اعيوننا تطيح على شاشة الجوال ) المهم الزميل هذا شاف الاسم كم مرة ، وخطط انه يسويلك فيه مقلب ، وشلوووون ؟ رحتوا إلى البر ونمتوا وقال هالحين هذي فرصتي في المقلب ابو الشباب قام واخذ جوالك وكتب رسالة نصية إلى زوجتك موضوعها (( انتي طااااالق بالثلاث )) ارسلها وقعد الجوال وراح ونام الكلام هذا بالليل ، ومن بكره الصبح وعقب صلاة الفجر اتصل ابوها عليك وقالك : عسى ما شر ، اشوفك طلقت بنتي . انت في الحالة هذي تبي تقول : الله يستر ، المزح هذا ما يطلع من ابوها إلا انه فيه شي!! المهم ابوها شب عليك وسكر السماعة في وجهك . انت بديت اتهووووجس وزميلك اللي ارسل الرسالة يناظرك وهو نادم ولا تدري انه هو اللي ارسل الرساله هذي ولا اصلاً انت تدري انه ارسل رسالة ولا حتى فتحت جوالك وتناظر انه فيه رسالة ولا ما فيه رسالة. السؤال : ماذا تفعل في الحالة هذي؟ أنا آآآسف إذا كان الموضوع مكرر ، وآآآسف أذا كانت طريقتي في الكتابة والتنسيق ليست جيدة ولكن هذه خاطرة احببت ان أن قلها لكم. |
هذا داخل بالحمى ولا يعامل معاملة صديق ,, |
ooo1الله يستر من هذا الزمن الغريب
:41ومن الناس الذين لا يعرفون ان هذا من المزح الثقيل والله يعطيك عافيه اخوي على الموضوع فانه به تنبيه للجميع من الاصدقاء ذات المزح الثقيل :014::014: |
هذا اتمسكه ووتدفنه وما تطلع الا راسه علشان تشوفه الذيابه وتبدا براسه اولا هذا مايشرف اي واحد يكون صديق له
|
مستحيل شخص بكامل قواه العقليه يسوي هالشئ هي مو مزحه هذا قصده خراب بيوت الله يستر من المزح الثقيل:d |
هذا مايسمى المزح الثقيل....
لآنو يمكن يسبب فعلا الطلاق... مالقى الا الطلاق .. ليش مايقول مثلآ : اشتريت لك طقم آلماس <<< توريط ولآ آحلى .... شكرا لصاحب الموضوع |
والله يهي قويه معقوله هذي مزحه
|
جزاك الله خير أخي مكي علمتنا وعلمنا بعض ناس المزح الثقيل مانبغاه |
خوش مزحه
شكرا اخ مكي موضوع جميل بس قوي يمكن يعجب بعض ضعاف النفوس ويجربه يحسبها خفة دم سبحان الله وبحمده سبحان االله العظيم |
يوجد شريط اسمه ( مقلب ) للشيخ صالح العصيمي ... ذكر قصص مؤلمة مثل هذه القصة ، و ذكر بعض التوجيهات .. أنصح به . تحياتي يا أبو دانة .. و بالله اصرف مطخة لدانة على حسابي .. :d |
يوووووه من جد مو صاااحي ابد هذا طلاق مره وحده ,,
امسكه والزخه,, وانصحه انه يترك هالطبع الشين ,, >>> اصلح مرشده خخخخخ,, يسلمووو ع الموضوع |
يمكن أذبحه :015:
ما ادري يا ملكي احس أنه من المستحيل أحد يسويه ... |
^^ مافيه شي مستحيل والمستحيل يفعل ارسال الرساله هع والله مصيبه ومشكله اشكرك على طرحك ~ |
الطلاق هنا لايقع ولكن اخلي وجه خرايط الله يكفينا شره شكرالك |
| الساعة الآن +4: 01:53 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.