|
لاتفوتكم سالفتي مع القطري يوم قلت له أن الكهرب عندنا كل ساعة طافي
فيه قطري تعرفت عليه ، رجل محترم وخلوق ومؤدب مثل أكثر أهل قطر ، مرة من المرات كنت اسولف معه على الماسنجر، وسواليف ووناسة واخبار وسعة صدر، وحنا في غمرة السواليف فجأة وكالعادة للأسف :( انقطع الكهرب :i121 ، وياشين لا انقطع وانت خاش سواليف وسعة صدر ، المهم ضاقت بي الدنيا وشتمت شركة الكهرب ألين دخت وزاد الطين بله أنه وقت الانقطاع كان العصر والحر على أشده :eek5 ، المهم شفت الاخ القطري من بكرأ على الماسنجر ، قالي سلامات رحت فجأة من الماسنجر ليه والرجال يقول خفت عليك احسبك جاك شي :confused: ، قلت له ياقلبي أنت ماتدري حنا من شهر وحنا والكهرب شيل وحط كل يوم طافي ، قالي ليه وش فيه قلت مادري يقولون شركة الكهرب فيه ضغط ، قال أنت تكلمني من السعودية ولا من دولة أفريقية :oo ، قلت لا من السعودية وش فيك ، قال حرام عليكم دولة عندها فلوس وعاجزين تحلون مشكلة الكهرب ، قلت الشكوى لله خلها بالقلب تحرق مابقى ، قال تصدق عاد ، قلت وشوووو :eek: ، قال الكهرب عندنا بقطر ابلاش ولا ندفع ولا ريال وابيوت اهل قطر تقل بالقطب المتجمد المكيفات كلها شغاله والانوار ماتطفى ولا ندفع ولا ريال للشركة كل هالشي متكفلة فيه الحكومة ، والله ومير وأحك راسي مادري وش أقول ، ماقلت ألا يحق لكم والله موهب حنا الله يخلف ، قال وأزودك من الشعر بيت , قلت وشووو :eek: ،، قال أن الدولة قبل ثلاث سنين زودت سعة الطاقة الكهربائية بسعة تستطيع انها تشغل مدينة كاملة بحجم الرياض ، يق، سألته متى آخر مرة انقطع الكهرب عندكم ؟؟، قال من يوم انولدت ماعمري شفت كهرب عندنا منقطع، حتى لو صار فيه اعمال صيانه يشبكون المولدات على مولدات احتياطية ؛ بعدها انجمت :096: قلت اللهم من الشكوى لك شركة الكهرب تمن علينا والكهرب غالي وانتم ابلاش وبيوتكم تقل ثلاجات ماشاء الله ولا فيه أمل ينقطع الكهرب , بعدها أقام المسجد قلت بعد اذنك بصلي وبطلع عندي كم شغل ، رحت صليت وخلصت شغلي ويوم جيت للبيت لقيت الكهرب طافي . . .. . . :eek5 :eek5 :eek5 :eek5 :eek5 :eek5
|
ذي دولة بني تميم موب دولة الحراميين
|
قالت أنت تكلمني من السعودية ^ كلامك متاقض لاحول ولاقوة فضحتنـا عن اهل قطر ~ |
ويقولون ليش مآتصير وطني :bad |
هههههههههههههههه حسبي الله عليك ياقليل الدسم :)، والله يا أنت ماتخلي أي ثغره ، ياخي والله انه خطأ مطبعي , ياشين النية الشينة ترك كل شي وراح للخطأ المطبعي ، يالله اللحين بعدله الله يسامحك بس :)
|
^ نيتي موب شينه بس مجرد ملاحظه كلنـا شباب سلام.. ~ |
مهما تكن نيتك، فقد تقبلت كلامك بصدر رحب :) ، فقد أضحكتني ملاحظتك ويكفي أنها أدخلت شيء من السرور على نفسي
|
مرحبا اخوي علي
شف ياخوي مايصلح تطلع فضايحنا عند أهل قطر:102: مرة ثانيه اذ بغيت اتسولف سولف مع اهل بنجلاديش لاننا ارفع منهم بشوي.. واذا مالقت احد من بنجلاديش تعال سولف معي طبعا اذ ولع الكهرب:04:..عشان نواسي بعض ونلقى حل لهاالمشكله وبعدين يوم قالك ان بيوتنا ثلاجات كان قلتله ياقلبي حنا سخانات..:d |
اقتباس:
أضحك الله سنك ، ياخي نسيت أنهم ناس يعيشون أرقى حياة بالعالم :d وعلى فكرة دراسة عالمية تقول أن الشعب القطري سيكون أغنى شعب بالعالم ومتوسط دخل الفرد عندهم سيبلغ 150 ألف دولار للشخص :) . يالله ياماجد شلق |
.
. بَلِّغ سَلآميْ لِصَاحِبِكَ القَطَريْ ، وَقُلْ لَهُ يَقولُ قَاهِر / . . |
ههههههههههههههههههههههااااي مانقول الا لا حول ولا قوه الا بالله ^_^
|
اقتباس:
على الأقل يرأف بحالي ويشري لي ماطور:d |
حبيبي قطر كلها على بعضها حي من احيا بريده ولا فيه مقارنه كلهم مع الاجانب مايجون 800000 الف نسمه شي طبيعي بعدين عااااااااااااااااادي لو شغلو كهربهم على ماطور يتحمل مو مثل عندنا الله يخليك كم مليون ومع ذالك انا معك زودته شركة الكهرب ...................................
|
اقتباس:
يابعدي والله لاكن... نيتي ملاحضه فقط الله يسلمك وان شاء الله دوـوم سلام.. ~ |
| الساعة الآن +4: 01:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.