لو كان زوجك مدمن ....؟؟
 

السلام عليكم .. وصباح الورد:cool:
اخواتي .. جميعنا يعلم ان التوفيق من عند الخالق الكريم في كل امور الحياة ومنها الزواج .. فهناك السعيد وهناك الشقي ووو .. وفي كلن حكمة
لكن الا ترون ان الزوج وحتى الزوجة الاتقياء العفيفين ومن يخاف من الله يطرح الله سبحانه البركة في بيته واهله واولاده ..

ولكــــــــــن ..
اوجه السؤال الى كل متزوجة ..
لو كان زوجك مدمن لعادة التدخين ؟
لو كان زوجك لايصلي؟
لو كان زوجك مدمن للمسكر؟
لوكان زوجك مدمن للمقاطع الماجنة؟
لوكان زوجك مرابي ؟
لو ولو ولو ؟؟؟؟؟
هل تتوقعين ان تكوني سعيدة في زواجك؟؟
هل تطمحين لاسرة صالحة في المجتمع ؟
هل تتأملين ابناء اصحاء وخلوقين؟
واخيــــــــــرا هل تقبلين الاستمرار في العيش معه ؟؟ وانتي تعلمين انه عاصي للخالق ؟؟ وان قبلتي العيش معه .. كيف تنظرين اليه ؟؟؟

اسئلة وددت من اخواتي مشاركتي بااجاباتها:018:

بما اني غير متزوجة اقووووووول:


كل حااااااااااادث حديث

والله ياوخيتي شوفي
بالنسبة للصلاة هذي مافيها كلام اذا انتي متأكدة انه مهب يصلي فانصحيه واذا مانفع معه فالطلاق هو الحل
اما عن الربا وما الربا فنص البيوت داخلها الربا بسبة الاسهم وغيرها ولو كل وحدة تطلقت البلد كلها تبني تطلق
والشراب اعوذ بالله لازم تنصحينه اذا كان يشرب وانتي متأكدة انه يشرب لانه خطر عليك ياوخيتي
ولا عاد التدخين مافيها شيء انا زوجي يدخن واسال الله يهديه بس ماتاصل الطلاق لاني احبه موت
عاد يبقى الافلام يمكن العيب فيك لانه مالقى فيك زي مالقى بالفلام مع المعذرة هذي مشكلتنا !!!!!!
وترى الحياة كلها عيوب مافيه زواج كامل واليي يبي يدور عيوب الثاني يبي يلاقي
انا اخوي جايني قبل فترة يقول ابطلق زوجتي قلت ياكافي لييييييييه ؟
قال حصلتها مرسلة لرجال من جوالها وطحت فيها صدفة ولما سالتها منهو ذا وش قصتك معه قالت مهب انا اللي مرسلة شكلها وحدة من صديقاتي مستخدمة جوالي بدون علمي بس اخوي ماصدقها يقول انها متعودة على الكذب حتى انه من ليلة الدخلة وهو مهب متطمن منها يحس انها لها سوابق وماضي اسود ولقى ادله على كذا ومع كل هذا ماطلقها يقول غدي ربي يهديها وانا نصحته بعد قلت يمكنه طيش بنات ايام زمان ومو دليل خروج الدم انها مو عذراء!
الله يعينه على هالحرمة ويوفق بينهم ويوفقك انتي

رابعة اشكرك والله يوفقك مع زوج خاالي من العيوب

ساريه اشكرك على مداخلتك واسال الله ان يهدي زوجك ويسخرلك ويديم الحب بينكم .. وانا موضوعي تناقشي ياوخيتي وليس حالة خاصة .. وشكرا على نصيحتك ...يبدو قانونك مسيطر على كل المواضيع !!!!
اما خوك فحالته غرييييبة والله يعين زوجته عليه

اوجه السؤال الى كل متزوجة ..
اولا:السلام عليكم جميعا....ثانيا:مرحبا اختي
لو كان زوجك مدمن لعادة التدخين ؟
إن شاءالله لا لاني سبحان الله

لو كنت احب الشخص وشفته يدخن او شميت ريحته بصراحه بدون مبالغه احس مالي خلقه

ولاابي اتكلم معه...وإن شاءالله اقعد بيت اهلي (ولا اخذ مدخن اللهم لاشماته)
لو كان زوجك لايصلي؟
عاااد كل شي ولا الصلاه الصلاة عماد الدين كيف

اعيش مع واحد مايصلي وكيف تبي تصير حياتنا انواع العذاب واللي مايعرف ربه منعرفه والله يهدي الجميع

لو كان زوجك مدمن للمسكر؟
عوذب بالله إن شاء الله مب هذا فالنا:i125...الدخان متحمتله اتحمل

المسكر:oo ياااارب تعصم قلوبنا عن مايغضب وجهك

لوكان زوجك مدمن للمقاطع الماجنة؟
بصراحه اتمنى زوجي مايعرف هالاشياء ودي يكون مطوع ويعرف

حق الله عليه لانو له اثر علي وعلى اولادي بالمستقبل إن شاء الله ومب اني مااشوف

التلفزيون ودي يكون مثلي او احسن من بعد


لوكان زوجك مرابي؟؟
بعيد الشر عنا ابيه على قد حاله وربي بيغنيه ويرزقه من واسع

فضله وجوده وكرمه
لو ولو ولو ؟؟؟؟؟
تفائلو بالخير تجدوه
هل تتوقعين ان تكوني سعيدة في زواجك؟؟
توقعاتي وبكل تاكيد لا:bad
هل تطمحين لاسرة صالحة في المجتمع ؟
بـــــــــــكل تاكيد وإن شاءالله نكون اسره تطمح وتسعى

لزيادة الخيرفي حياتنا وحب الخير للغير
هل تتأملين ابناء اصحاء وخلوقين؟
نسئل الله ذلك وهذي تسوى الدنيا ومابه

ويافرحتي بهذا عندما تتحقق امنياتي
واخيــــــــــرا هل تقبلين الاستمرار في العيش معه ؟؟
إذا يحمل كل الصفات مستحيييييييييل كيف تصير عيشتي

وانتي تعلمين انه عاصي للخالق ؟؟
وهذي بدايهة النكد مو قلت انو مستحيييييل

الواحده منا تبي حياه إيمان وطمانينه وراحه وسعاده وهذا لايتتتحق والخالق سبحانه

غير راضي والله يسعدنا بالايمان وطاعة الرحمن
وان قبلتي العيش معه .. كيف تنظرين اليه ؟؟؟
اصلا منب متزوجته عشان افكر كيف اعيش

معه والله يكتب لنا الخير وين ماكان اللهم آآآآآمين
اسئلة وددت من اخواتي مشاركتي بااجاباتها:018:[/quote]

وبالنهايه اقولتس الف شكر لتس حبيبتي على الموضوع الرائع:42

تقبلي رائي بكل صراحه...والسلام خير ختام

والله ياوخيتي شوفي انا غير متزوجة

بس انا ابي زوجي يكون مثل اخي ع

معليش أختي أنا بس بتكلم عن التدخين

بنات ماتلاحظون أن أكثر الشباب هالوقت يدخنون والله العظيم أني كرهت الدخان كره موطبيعي حسبي الله على من صنعه ومن دخله لبلادنا وحسبي الله على الشباب السيئين اللي يغررون بشباب المسلمين

لأن بصراحة يتقدمون لي شباب مواصفاتهم رااائعة من جميع النواحي مكانة اجتماعية وظيفة مرموقة ويطابقون جميع شروطي بس!!!!!! يدخنون
لدرجة واحد من اخواني يقول لاتدلعين وتفوتين الفرص كل الشباب يدخنون بهالوقت

يارب وش الحل يابنات؟؟
شرايكم بالمدخن؟؟

ياليت اللي زوجه مدخن ترد علي وبكل صدق وأمانة

الله يعصم شباب المسلمين من الفتن ماظهر منها ومابطن

أخيراً أشكرك أختي بالعين المجردة على موضوعك وتقبلي مداخلتي بصدر رحب

لنونة الحلوة الف شكر ياعزيزتي والله يوفقك ..
هايين شكرا الف على ردك وانا ايدك بوجهة النظر عن اخو سارية .. والله يوفق الجميع يارب

الشمس المقمرة وحرة بنت احرار الف شكر على المرور الرائع

حرة بنت احرار انا معك واستمري بالرفض لانك ترفضين شي لله وربي بيعوضك .. صدقيني يااختي اللي يدخل بفمه شي حرام مايوثق ..
والحين بعد يهون الدخان عند الشيشة الخايسة من جد واللي للأسف منتشرة جدا بالفترة الاخيرة .
. واحب اقول اني مااتكلم عن حالة شخصية انما هو موضوع للمناقشة والجدال فقط فليفهم من لم يفهم ..
الله يبعدنا عن البلاوي يارب ويرزقك العبد الصالح اللي يخاف الله ويخليك اسعد امرءة ..

شوفي ياختي ..انا زوجة مدخن.. وخواتي 3 كلهم ازواجهم مدخنين..
وزي ماقلتي نااااااادر تلقين شاب مايدخن..لا هالحين البنات يدخنن مب بعد الشاب.
بس شوفي..اكل الربا اكيد بتاكلين معه ربا لان مقاضي البيت بتكون فلوس حرام..
واللي يسكر..تحسين انك عايشه مع حيوان..يعني مابه عقل
وتارك الصلاة كافر مايجوز تجلسين عنده..
ومع احترامي لكاتبة الموضوع.ماتقارن هالأشكال بشخص مدخن..
اولا ان المدخن هذا شيء راجع لصحته..
انتي مالك دخل فيه..ثاني شيء هو حرام كباقي المحرمات..
يعني تجيك وحده تلبس عاري وتحش بالخلق ليل ونهار وتجيك تقول مابي مدخن..يعني تحلل اللي به وتحرم اللي بغيره..




اسمعي اختي..والله اننا خمس خوات.ازواجنا.3 منهم مدخنين وواحد لحيه وثوب قصير ومايدخن..
المدخنين..حسن تعامل ولايقصر معك بشيء واخلاق والصلاة ماتفوته
ويحرصون على ان الاولاد لايرونه يدخن..

واللي له لحيه الله فك اختي من شره..سهر وسفر ولسان بذيء واخلاق زفت..
ولي قريب اكبر سربوت ومايدخن..

اللي اقصده ان ليس كل مدخن قبيح..وليس كل من لايدخن صالح..

وماتدرين يمكن يترك التدخين بسببك..
وانا احاول بزوجي يتركه وهو الحمدلله يحاول..


اقول لك لاتردي المدخن فقد يكون احسن من لا يدخن..
فقط استخيري..

عفوا حبيبتي ام الموذي الله يهدي زوجتس ويسعدتس معه:d

بس ابوضح لتس شغله بعد إذنك طيب إذا جاني مدخن وافقة عليه ولمن حاولت بوه

قال لي انتي مالتس دخل بي وانتي من الاساس عارفه اني ادخن من قبل

ليش وافقتي علي ومن الحتسي اللي ماله نهايه وش تبي تكون ردة فعلي

اكيد ابنقهر قهررررر اني وافقت عليه:(

والله العظيم اني اعرف وحده اخذت واحد تارك الدخن قبل زواجه وبعد فتره

بداء يرجع له والله ياهي تبي تموت من القهر ولاتكلمت معي عنه احس شوي وتصيح

والمشكله تقول انو مايقتنع بكلامي ويقول مالتس دخل انا ابخص بنفسي:confused:

عسى الله يهديهم ويصبر المسكينه بعد عمري هي الله يفرج همه يااااارب