|
فزعتكم تكفوووون ..وإن كنتِ معلمه او معلم ضروري تدخلون
السلام عليكم ورحمة الله وبركاته الصراحه،ماعندي مقدمات ولا اعترف به انا بقولكم سالفتي وياليت تساعدوني بقولكم قصتي تخيلو انفسكم الحين جاء يوم الشهادات والواحد اعصابه متوترهـ نجحت مانجحت <<<انا المهم وادخل المدرسه وروح على طول للوحه اشوف اسمي من الناجحات ولالا والله يوم شفت اسمي تشققت من الفرحه :024::024: خلاص بلا شهاده بلا هم لحقين عليه والله ونسولف حنا والبنات قلت للبنات امشن ناخذ الشهادات المهم رحنا للمديره قالت فوق عند المعلمات ونمشي ونسولف يوم شفت البنات متحرجمات عند معلمه يطلبن منه الحل قلت انا وش حيثي بروح اطلب الحل.... وكنت قبل مادخل المدرسه بتحلل من كل المدرسات بس والله عجزت اقولهن يوم جت الصدز بس المعلمه ذي سالفتي معه قبل الاختبارات بسبوع اننا استهبلنا ولعبنا والله والله ماعندنا شي قاضين من الدروس وذي المعلمه الله يذكرهـ بالخير بس تلجلج علينا بس يابنات حنا فلاته بالفصل وانواع العب المهم ولجينا ننطلع نقوله عطشانين من القرق نبي ماء تقول لالالالالا مافيه طلعه فصلتس نقول استاذه والله عطشانيين تقول لا حنا بلعناهـ عظم ودخلنا مقلنا شي مسالمين بس الي يقهرر راحت لمدرسه وجابته لنا عاد الله لا يوريكم بالتهزيئ:eek5 اهم شي دخلنا الفصل والخيبه بوجيهننا والله عطشانين ولا زود على ذالك حررر اهم شي جاء اليوم الشهادهـ:eek5 يوم رقينا وشفتهن مجتمعات عندهـ البنات قلت وانا معهن لي رب،البنات بنات فصلي اكثرهن //ابعدو عن جت ..... قلت استاذتي حللين <<الطامه الكبرى رده قالت لا مارح احلل اي بنت مأذيتن او بمعنى كلامه قايله بي شي او محسرتن به:eek5 قلت استاذهـ حلوهـ ذي اجل وشوله مجتمعين عندك الا علشان تحللينا واصلاً مانطلب الحل اكثرنا الا وقايلين شي او سابين انتم يامنتدى بريدهـ صح علي ولالا كلامي تكفون اكثر الي يطلبون الحل اكيد انه قايل شي ولا اي شي الزبدهـ من سرد قصتي ابي حل وربي اني متظايقه ودي تحللن حررررررام ماودي اموت ولا حللتن المشكله الثانيه منب عندهـ رحت لمرحله غير يعني انا انتقلت بس بنفس المدرسه ودايم اشوفه الي يفصلنا باب وجدار يعني مانعرفهم لنا إداره ولهم إداره اشوفهم وخاصه المعلمه مع الدربزين:eek5 فـــــزعتكم وش لون اطلب منه الحل تكفين يامعلمه ويامعلم لالالالالالالا يكون بقلبكم شي على طلالالالالابكم قابل الاساءهـ بالاحسان <<وياطالب وياطالبه ارحمو المدرسين جاين يكرفون لكم وانتم ازعاج وصجه ولجه وهم يشرحون ترى والله قهررررر بس سالفتي ماتعلق بالشرح فاضين ياناس ومن كلالالامي ماقول اني مخطيه وربي اتفه سبب زعلت علي لكن ماطهر نفس ان قلت هي المخطيه فأني اكبر تسذابه مادري افرح اني تحرجت من المدرسه ولالا اصيح واحزن انه ماحللتن:eek5 تـــــكفون وش اسوي طلبتكم وش لون اتحلل منه:eek5 وجزاكم الله الف الف خير اتمنى انكم تلقون حللل |
وينكم تكفون وش الحزهـ بسبات انتم ولا وش السالفه:061: وربي ابي فــــــزعتكم تكفووووون |
كان الله بعونكم... حقوق العبادة كبيرة والشيء بين العبد وربه قد يعفو الله عنه ولكن حق العباد كبير عند الحساب.. ولكن من تاب وعرف الخطأ ودعاء ربه بالتوبة والغفران لعل الله ان يتجاوز عليه.. ولكن أختي جزاك الله خير على الحديث على مثل هذا الموضوع وواضح عليك متربية وضميرك ونفسك لم تسامحك ... ويجب على كل مسلم محاسبة نفسه ويجب علينا أحترام الكبير من معلم وغيره وتقديره حتى يرتفع قدرنا عن الغير بالأخلاق ونذكر بالخير ولو بعد سنوات وأن لا ننجر وراء الأخطاء والتجريحات وبعدها نطالب بالعفو.... ولا نكون أجسام بعقول أطفال .. وأهم شيء المستقبل هو الأهم لا نكرر ما وقعنا فيه في الماضي فنحن مرجعنا هم الوالدين فهل يرضى شخصاً أن يذكر بالسلوكيات السيئة ويدعى عليه بدل ما يدعى له. تحياتي لك |
جزاك الله خير على تنبيهك لكن هذا حقها وهي بيدهـ تحلل اوماتحللن يعني اذا فات افوات ماينفع الصوت |
مادري والله وش اقولك بس اصبري عليها و ارسليلها اوحده وتقوله فلانه (الي هي انتي) مستحيه منك (مافيه امل)ودها تحللينها علشان ترتاح طبعا بسلوب رقيق علشان تدري ان هذا يهمك وتحللك ان شاء الله00بس توبي تراء الدنياء دواره لا تغلطين على احد فيه رب يراقبك000والله يوفقك ويسهل امرك ويستر عليكمن
|
اقتباس:
لا لم يفت الآوان وأهل الخير في كل مكان وعليك البحث عن معلمة فاضلة تؤثر في المعلمة وتقبل منها وبإذن الله تسامحكم تحياتي لك |
<< يقتل القتيل .. ويمشي بجنازته <<
الخطأ وارد .. وإبليس مارد ... أتذكر قصة للشيخ ابن باز رحمه الله .. فقد أرسل لشخص رسالة ينصحه .. فلم يستجب .. فكررها مئة مرة .. حتى استجاب .. فلا مانع من تكرار اعتذارك .. ولا يهمكـ المرجفين .. ومن تقول لك " لا تهمك و و و و . . . " .. فحق العبيد لا تسامح فيه ولا مغفرة إلا بالحل والعفو . . . رسولنا الكريم عليه السلام يقول " وخيرهما الذي يبدأ بالسلام " .. هذا فيمن أعتدي عليه فما بالك بمن هو الذي أخطأ . . . رأيي : تكرار الاعتذار مراراً .. وحتى لو تطلب الأمر إلى تقبيل الرأس ... تحياتي . |
السلام عليكم .... جزاك الله خير أختي على إصرارك أن تتحللين من معلمتك . ولعلي أدلك على باب عظيم ، تستطيعين بإذن الواحد الأحد أن تصلين إلى رضاها . عليك بالدعاء أن الله يشرح صدرها بأن ترضى عنك . كرري هذا الدعاء في صلواتك وفي خلواتك . فإذا علم الله منك الصدق في الدعاء ، شرح الله صدرها لك . وبإذن الله تتحللين منها . بالتوفيق . |
اتصلي على المدرسة واطلبي المعلمة أو خوذي رقمها ثم خليها تسامحكي ,, |
ان الله يحب التوابين وانتي تبتي وان شاء الله ربي يحبك الحلول واجد عندي حل ناجح روح لها لحالك وعطيها هديه باقه ورد واكتبي عذرك بورقه وكلميها وان شاء الله تبي تغفر لك سلام ~ |
اقتباس:
راح احاول إن شاء الله وصدقت الدنيا دوارهـ ومهما سويت يسوابي شكراً لك |
اقتباس:
جزاك الله الف خير شكراً لك |
اقتباس:
كلامك رائع شكراً لك جزاكم الله كل خير ولا راح ارتاح لما تسامحن الله يسعدكم بالدنيا والاخرهـ الشكر موصول للجميع شكراً لكم |
اقتباس:
لا ادري ماذا اقول لكم جزاكم الله خير وراح اسوي الي تقولون لي ربي يوفقكم وهذا عمل رائع والله ماراح انساكم من الدعاء لكم شكراًلك |
| الساعة الآن +4: 10:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.