|
نزع الستار عن بعض مطاعم الفول والكبدة وغيرها<<صور>>
بســم الله الـرحمــن الرحيــم السلام عليكــم ورحمـة الله وبركاتــه ،، كل منا يعرف انتشار المطاعم في الاونه الاخيره وكان الانتشار ملحوظاً , فلذا ان 99% لا يعلمون عن مدى نظافة هذه المطاعم , والله اللي اشوفه انه يذهب العقل وانا جايب لكم اكثر من صوره لكي تفقهون ما يحدث داخل المطاعم وانتم لا تعلمون ( ليس كل المطاعم طبعاً ) أنا لا أقصد الإساءة أو منع الرزق ولكن بيان لوآقع بعض المطاعم في بلادنا والي بيتغدى يدخل بعدين -1- زي ما انتم شايفين كيف وضع الثلاجه هنا هي في حاله يرثى لها هل رأيتم كيف يتم التخزين !! واغلب المطاعم تكون ثلاجاتهم كذا -2- شوفو كيف فتحة الصرف الصحي مكشوفه جنب جرة الفول -3- وش رايكم بهذي الصوره والصرصور يتسبح في طشة غسيل الخضروات -4- شوفو يا احبتي وش يسوي اخينا في الله الباكستاني اكيد ما عرفتوا وش يسوي انظروا للصور اللي بعدها وتعرفون -5- شفتوو اخينا في الله صار يفرم البصل بقطعة قماش وتم اخذ مسحه طبيه من هذي القطعه وجدنا عدد البكتيريا 2800 بكتيريا والحد المسموح للبكتريا وبعدها تتلف 250 بكتيريا شفتو الفرق, كل هذا بخل عشان يشتري فرامه بصل ولا همه صحة الناس اللي تشتري منه -6- هذا احد التوانكي لدى احد المطاعم المشهوره وشوف التانكي تقولون ما فيه شي اوكي انا معكم ان ما فيه شي بس انا حاطه استهبال لالا دققو زين في الصنبور , شوفو الكوع اللي على اليسار تحصلونه من حديد وفي جوف الكوع يوجد صدا متراكم , وهذا الصدا يعطي نكهه مميزه من بد المطاعم -7- شفتوو لون الزيت ذهبي براق وانا اصوره انعمت عيوني من قوة البريق اعوذ بالله شوفو وشلون درجة السواد برضو هذا احد البخلاء عشان ما يغير الزيت -8- نفس خوينا اللي فوق -9- عاد هذي الصور انا بغيت اتهور واطق البكستاني يوم شفت معه الزقاره واقوله ليه تدخن يقول هذا سيجاره مافي حق انا , -10- هذي فتحة الصرف الصحي وموقعها داخل المطبخ يعني انواع القذاره في الاكل -11- نفس الصوره بس من جهه اخرى -12- شوفو الاكل الصحي << صحي ببطنك وش رايك بالمنظر يشهي صح وهو مكشوف يم يم << تقوطر سعابيله يوم دخلنا هذا المطعم كانت الساعه 11 الصباح ما طلعنا منه الا الساعه 12.30 دخلنا وطلعنا الاكل مكشوف الله العالم من متى وهم مصلحينه ومخلينه مكشوف وشف كم بكتريا وكم ذبابه اخذت لها لقمه وطلعت وااااااااو اكلاً شهي -13- يلعن خير ذا العامل اقوله وش ذا السواد اللي بظافرك يقول هذا من الشغل وربي انه كذوب ياخوفتي انه يشتغل في الورشه اللي جنب المطعم والمطعم نقصهم واحد وجابوه على طول ولا غسل يدينه وقعد يقطع الزلطه>> السلطه اللي يتكلمون بالاتيكيت وعلى فكره ترا هذا العامل يعمل لدى مطعم معرووف العالم منكبين عليه كب -14- انواع الامراض في يدين ذا العامل شوفو اليد اللي على اليمين شوفو اظافره واليد اللي على اليسار البثور اللي فوق السبابه -15- بالله هذي صاطوره يقطع بها لحمه ولا يقول هذي الصاطور من احسن الصواطير عندنا ولو تلاحظون ان اللحمه متجمده و من الغلط تقطيع اللحمه متجمده و وضعها في القدر وهو ساخن -16- لا تعليق الصوره تتحدث ودمتم ســـــــــــــــالمين بصحة وعافية:053: |
بولوهي
أععععععععععععععععععععععععععععععععععععععععععععععععع عع |
حسبي الله ونعم الوكيل رخيصه صحت البشر لديهم الى هذا الحد لكن سؤال لماذا لا يكون هناك تشهير بهذه المطاعم؟؟
|
قضيت من المطاعم
يحبيل صمولي السلمان جبن مثلث |
بولوهي .. أقسم بالله تستاهل التميز ..
الله يجزاك خير على هذا النقل المميز .. والناس إلا هالحين ياكلون من المطاعم .. يناظر الصور وبعد شوي تلقاه مفخي بالمطعم !! شكراً ابو لوهي .. |
مشكووووور ع الصور بلعكس ياريت نكثف منها حتى اصحاب المطاعم تطلع قلوبهم وينتبهو البلديه اكثر ..
ماقصرت يعطيك العافيه .. |
اقتباس:
ويليت تخبرنا عن إسم المطعم هذا وكل مطعم قذر مثله بارك الله فيك ومشكور على النتبيه ياخلفهم |
صورة لمدير صحة البيئة مع التحية
|
والله يا أنا كرهت الأكل..
اللهم لك الحمد.. |
جزاك الله خير ولكن لو اخبرتنا باسم هذا المطعم او البوفية
لا بقصد التشهير ولكن بقصد التنبيه والتحذير وشكراً |
الله يفكنا من المطاعم الوسخه
الله يبارك فيك على التقرير |
جزاك الله خير ياراعي الصور
|
حسبي الله عليهم وياليت تشهرون بأسماء المطاعم هذي حتى يبدون يتراجعون لو شوي عن بلاويهم
|
اعوذ بالله وش هالصور .. ياأهل بريدة لازم تطالبون بوجود بلدية .. ماينفع ديرة تسذا يكون مابه بلدية .. طالبوا طالبوا يحطون عندكم ببريدة بلدية .. تراه تصير مسئولة عن هالأشياء .. شفتوا يوم صار ماعندكم ببريدة بلدية .. صاروا حقين المطاعم تسذا .. ترى البلدية اذا صارت موجودة تحافظ على البيئة والنظافة .. ودوريات البلدية تدور على هالمطاعم وتراقبهم .. لاتنسون طالبوا طالبوا يحطون بلدية .. ويصير إسمه بلدية بريدة .. وتشوفون اذا مادعيتوا لي .. تراي ناصح لكم .. سي يو .. |
| الساعة الآن +4: 04:07 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.