|
شباب بريده والمستقبل الزاهر
بسم الله الرحمن الرحيم كيفكم ياشباب أنشاء الله بخير حبيت أنزل هالموضوع لأني لاحظت على هالشباب هالتفكير مشاء الله عليهم الشباب عموما ينقسمون إلى نوعين: 1- شاب يفكر بأهداف بعيدة المدى . 2- شاب يفكر بأهداف قريبة المدى ( تفكيره محصور ) النوع الأول : شاب يفكر بعقلانيه كاملة يفكر بطموحات يحققها ويدري بعدين انه راح يفتح بيت ويكون عائلة ومسؤليات.:074::074: بالمقابل حرم نفسه من طلعات الشباب والروحات والجيات سيارته بالثانوية مانقول شينه كان تفكيره النسبه العاليه الي تدخله أحسن الأقسام النادره ( طب عيون ، هندسة بترول ، .......) تخرج وعين بعيد عن اهله جمع نفسه وظبط اموره وجهز نفسه للزواج رجع لأهله تقدم من العوائل المرموقة اشترى سياره فخمه وبيت ملك :115:....( قصة حياة ) النوع الثاني: شاب يفكر تفكير محدد اكبر طموحه يدخل العسكرية:112:( مو شرط العسكرية ) بعد الثانوي - طبعا الثانوية تخرج منها بالدف والدفيف - ويفك جيب ربع اخر الموديلات أقساط ، ويشبع رغبته الشبابية ( السربته والكشتاتـ :d.............وإذا جاء يفكر بحياته إذا وصل سن الـــ25 سنه وقف وبدأ يتنازل عن طموحه الصغير ويتخلى عنه لأنه أراد يتزوج ويكون أسره راح طلع قسط وباع الجيب اشترى سيارة على قد حاله أستأجر شقه-15ألف- حتى ينفذ طلبات الزواج تقدم من عائله اقل منهم حال ( لأنه ما فيه أحد راح يرضى يناسبه هو وراتبه ) يبي يقعد يسدد من قسط ورا قسط ألا وجايه عيال طلع من البيت وراح لبيت اقل آجار في حي من أحياء الطبقة الكادحة ( يعني كل جيرانه شقق عمال وشباب ).......اكيد مصير هالأولاد الاختلاط مع عيال هالحارات (( عرابجه )) بالنهاية لا ارض ولا بيت مُلك ولا سياره مثل الاوادم ولا وظيفة تبيض الوجه ولا تقاعد زين ........خله على الله ـ طبعا ما ننسى انه داخل العسكرية ومتخرج جندي:066: راتبه أن صار كثير 6الاف ريال منه للفواتير واجار واغراض البيت والبزارين مع غلاء المعيشه وارتفاع الاسعار:eek5.. زبدة الموضوع:ــ ـ ( لو يجلس مع نفسه ويفكر قبل ما يترك الدراسة ويقول انا لي 12سنه تقريبا أدرس ووصلت ثالث ثانوي راح يلقى ثلاث خيارات ): 1ـ إما يكبر المخدة وينام وما له ألا سوق الخضار .( راح يلوم نفسه بعدين ) 2ـ يدخل العسكرية.(راح يلوم نفسه بعدين) 3ـ يكمل أربع سنين ويتخرج بشهادة جامعية .( راح يلوم نفسه أثناء الدراسه وراح يرتاح بعدين ) طبعا الاول والثاني صاروا مثل ( رضاح العبس ألي يوم بقى عبسه وحده قال تعبت ) والسلام عليكم ورحمة الله وبركاته.. ودمتم......... [BLINK]I wish everyone the best in test[/BLINK] |
احبااااااااااااااط ولا واحد رد على الموضوع ... :oo طيب حد يقول موضوعك شين طريقتك شينه فيه كذا ليش ماسويت كذا اي شي :i121 خلوكم شوي ايجابيين ;) |
و خلها بالقلب تحرق مابقى
|
أخي الحبيب لماذا الاحباط .. الشباب الآن في وقت الامتحانات . أما بالنسبة لموضوعك جميل جداً اما النوع الثاني فا أكثر الناس يفكرون بهذا التفكير . وحبيت أعطيك معلومة . كل الناس وكل الشباب طموحين ومبدعين لكن العجز واليأس والاحباط وأحلام اليقظة وعدم الهمة والعزيمة منعت الناس من الوصل إلى هدفهم . وشكراً على موضوعك والله الموفق |
فله وربك يحله(لتجعل الدرسه تلهيك عن الوناسه)
|
اشكركم على مروركم الي اسعدني :024: |
يعلن برنامج الأمير فيصل بن بندر بن عبدالعزيز للتدريب وتوطين الوظائف بالقصيم للطلاب والطالبات الراغبين في الالتحاق في برامج التدريب الصيفي لعام 1430هـ عن فتح باب التسجيل في البرامج يوم الاثنين : 6/ 7/1430هـ إلى يوم الجمعة: 10/ 7/1430هـ وسيكون التسجيل عن طريق موقع البرنامج على الانترنت pfp.org.sa وذلك على مدار الساعة وسيفتح رابط خاص للتقديم على الدورات الصيفية علماً بأن شروط التقديم أن يكون المتقدم والمتقدمة منتظمين في الدراسة وأن لايقل العمر عن 17 سنة وهذه البرامج خاصة بطلاب وطالبات المرحلة الثانوية والجامعية وسيتم التدريب على برامج في الحاسب الآلي واللغة الانجليزية وسيمنح الطالب والطالبة شهادة حضور دورة معتمدة ومكافأة مالية وسيتم اعلان نتائج المقبولين والمقبولات يوم السبت : 11/ 7/1430هـ علماً بأن التدريب سيبدأ بمشيئة الله تعالى في معاهد التدريب المتعاقد معها يوم الاثنين : 13/ 7/ 1430هـ إلى يوم الأربعاء 7/8/1430هـ كما سيتم فتح باب التسجيل في برنامج التشغيل ( التوظيف ) الصيفي للطلاب بالتعاون مع مكاتب العمل في المنطقة يوم الاثنين : 6/ 7/1430هـ
للاستفسار (يمنع وضع البريد الإلكتروني) |
| الساعة الآن +4: 10:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.