|
هذي قصتي مع حارس الأمن الي بالحسون سنتر
السلام عليكم ورحمه الله وبركاته....
كيفكم حبايبي؟؟ بصراحه صارت لي قصه بالحسون سنتر...لها اسيوع تقريبا...والله العظيم اني مأكذب حبيت اقولها للبنوتات الشاطرااااات مثلي عشان ياخذن الحذر... ندخل بالسالفه دوووغري... لما أشتريت أغراضي وخلصت...قلت خليني اروح للمطعم أشتري على مايجي أخوي ولما جيت ابدخل المطعم كان واقف حارس الأمن وعنده عامل هندي... فقالي حارس الامن ..أختي ممنوع تدخلين الى المطعم وأغراضك معك... فقلت ليه ممنوع؟؟ فقال ..معليش ممنوع بأمكانك تنزلين أغراضك هنا... فجيت ابعطي الهندي اغراضي ينزلهن عنده..فاقمز حارس الامن بسرعه وصار بيني وبين الهندي... وقال عطينياهن اختي.أنا أحطهن عندي......ومسك اطراف اصابعي مع الأغراض...فقلت يمكن جت صدفه... المهم... نزلت للمطعم ..وجلست بأحد الطاولات ولما جاء اخوي اتصل علي... وبعدين طلعت من المطعم ورحت لحارس الامن وعطاني اغراضي..وقاعدن يطالعني من فوق لتحت.. وركبت السياره ورحت للبيت.... أخذت أغراضي...ونزلتهن بالصاله .ورحت..... ولما جت امي ترمي الكيسه ..شافت فيها شي نادتني ولما ناظرت وش وبداخله...أنصدمت.. تتوقعون ايش راح ايكون؟؟:dياحليله لقيت ورقه مكتوب فيها مدلع البنات وحاطن رقمه...مو بس بكيسه وحده بكل الأكياس حاطن أوراقه وبعدين انا استغربت من وين جاء الرقم!!!! فتذكرت اني وقفت عند حارس الأمن ... وانا قلت لأمي السالفه...والحمدلله ان اخوي ماشاف الرقم وطبعا مو كل حرااس الأمن سيئين...انا اتكلم بس على الي شفته من هذا الحارس وانا قلت خلين اقول هذي القصه لاخذ الحذر فقط.. وشكرا |
الله يحفظ علينا بناتنا وأخواتنا ...........
|
اهلين اختي ....اجل حارس امن مايشيله اللقب قليل الادب ......الله يهديهم ...وشكرا على التنبيه.......ودائما الوحده تكون حريصه على الستر وان شاء تبعدعنه القلوب المريضه امثال مدلع البنات......الله لايبلانا
|
~ طيب ليش البنات ياخذن الحذر ليش ماتنهي قصه هالحارس انتي بنفسك بلغي الهيئه عنه او اوصفي شكله لي وباي وقت حسبي يالله ونعم الوكيل .. |
اسالك بالله .. الحين يوم انتي كاتبه الموضوع هنا بتوصلين لشي وآحد .~ تفضحين بالرجآل لو انتي تقولين تحبين الخير للرجال في مركز لهيئة الامر بالمعروف والنهي عن المنكر .. تبلغينهم عن الرجل هذا وبالتآلي يتم التحقيق مع الرجل واثبات التهم وتخاذ الاجراء الازم لهذ1 الموقف هدآكي الله ^_^ تحيآتي .. ~! |
اختي انتي والله غلطانه المفروض علمتي اخوك او خذي رقمه وبلغي الهيئه عنه هذي مشكلة البنات اخاف اخوي يدري او ابوي انتي ماسويتي غلط الا انك رحتي وحدك لسوق والغبي اخوك قصدي الكرتون اخوك ليش مانزل معك او مايتشرف ياقف جنبك عيب ولا ليش والله مايزيديني وقوفي مع اختي الا شرفا وعزه وين الغيره من الشباب اصبحت الاعراض رخيصه الله يرحم الحال ويستر على بنات المسلمين ....
|
اقتباس:
اقتباس:
اقتباس:
اقتباس:
وش رايكم بطريقه الرد لاحد ايقلدني..:d. |
ماشاء الله عليك طيب ضعي رقم الجوال هنا ونتصل عليه ونشوف هل هو حارس أمن في الحسون سنتر ام لا القصص اليوم ببلاش وكل يصيغ على كيفه والحسون سنتر محل ثقة للجميع ولله الحمد ان كنتي صادقة ضعي الرقم وسوف نتأكد من الموضوع ومن هو صاحب الرقم وادارة الحسون سوف تتفاعل ان شاء الله |
ابويسرى ...أخوي موب كرتون...وبعدين اصلا انا مأخليه ينزل معي مأعرف اشتري واهو معي
واكثر الحريم مو معهن محرم...لأنهم مستعجلين...مايخلونا نشري على راحتنا... أخو دريحم...وأذ قلت لك ان الرقم مو معي...صح موب مصدقني؟؟ الرقم أخذته أمي وقطعته..أكيد صعبه أحتفظ به... وانا حلفت لكم اني مأكذب...بس أعتقد مو بس انا الي وصلني هذا الرقم أكيد وصل لبنات غيري |
اقتباس:
والله يحمي خواتنا من كيد الاشرار |
~ ولله الحمد والمنة ، منذ ما خرجنا على هذه الدنيا ، لم نرى من يُضايق أخواتنا لأننا نعلم ماهو مظهرهن بحال خُروجهن وهذا حال من يسرن بكل حشمة وعفاف ، يملئهن الطهر والحياء ، أما اللاتي يتسكعن بكل قلة أدب وحياء وتعطر وتبرج وعباءة سافرة ، ومخالطة الرجال والاحتكاك بهم ، وكسر الحواجز بينهن وبين المحاسبين بمُخاصمة بالأسعار ، أو مُحاولة استرجاع وتغنج وضحك وسفاعة خد ، فلتسال نفسها ، فإذا عُرف السبب بطل العجب . فمن يحفظ نفسه يعلم يقيناً وليطمئن بأنه لن يأتيه أحد حتى ولو كان وحيداً في هذه الأسواق وبدون محرم يسير بِجانبها ، فكفوا شر الناس عنكم بأنفسكم . ~ |
اقتباس:
والله انك صادك ...... والله ياختي ليتك خبرتي اخوك علشان يمسحبه الارض:102: لازم تخبرين اخوك على شان ما يكرر الموقف مع بنت غيرك ..........الله يحمي بنات المسلمين من كل شر |
اقتباس:
ممكن اعرف أي مطعم هذا اللي يدخلونه الحريم ؟ وأي فرع للحسون ؟ |
اقتباس:
اصبت وصدقت |
| الساعة الآن +4: 05:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.