|
قصتي مع سواق الليموزين ... ابو عياد وعياله ...
وصلت الى مطار الرياض في احد الأيام بالسلامـه ... : 12
وكنت متعباً واتحرى اي سياره اركب معها توصلني الي البيت ... اول ماقبلني (( ابو متعب )) مهوب الأمير عبدالله ... لالالا هذا ابو متعب راعي ليموزين سعودي ... قلت اركب معه احسن من ابو هنود وريحتهم ... ركبت مع الرجال ... قلت السلام عليكم ... قال وعليكم السلام يالله حيه وين تبا ... قلت ابي حي ((( .... )))) قال بخمسين ... قلت سم تستاهل .... وركبت معه .... اول ماركبت حاولت ان استسلم للنوم لكن اي هين ... ناظرن وقالي ... انت من وين جاي قلت من دبــــي ... قال : وش عندك هنـــاك <<<<<===== بدينا باللقافــه قلت : ابد عندي عمل رايح اخلصه ... قال : هاللحين الناس تجي تدور العمل بالسعوديه وانت طالع تدور هناك <<<== قلت حياء عقبه قفلت واسكت ماعاد تكلمت ... مشينا شوي الا الرجال مغير مساره ... قلت وراك وش فيه ... قال ابد ابمر العوال يبون لزوم للمدارس واباخذهم للكيتبه ... قلت لا ماعليش انا تعبان ودني للبيت ورح للي تبي قال يارجال هم هنيا ابآخذهم واوديك بعدين نروح للكيتبه ... قلت سم خذ راحتك ... مر البيت وطلوعو هاك البزارين ... يالله دخيلك ... ركبو معنا ورى ... هاه ياعيال سلمو على عمكم ... التفت اسلم وياليتي مالتفت ... انواع الطماله ... الحمدلله وكلش الا عياد الولد الصغير (( رقم احدعش طالع مع خشمه )) تكرمون .. وقلت ياليل مأطولك ... التفت علي وقال هذولا العوال ... قلت الله يخليهم لك ... مشينا شوي وتفوح هاك الريحه ... قال ابو العوال من وين جات هذي قال عياد هذي من مطلق ... قال مطلق والله ماهي مني هذي من مقعد ... قلت اقول يابو الشباب اغديك توقف انا ابنزل هنا ... قال ليه قلت خلاص يارجال نزلني هنا وخذ حسابك كامل ... وانزل واعطيه حسابه وهو يتهوش مع عياله .... وادور هاك الليموزين الهندي واركب معه ... قلت ريحك والا ريحة عياد واخوانه ... انتهى كلامه رحمه الله .............. |
إلا كيف جيتكس ؟
ليش ما أخذتني معاك ! الحمد لله على السلامة تدري .. والله عارفين لك الربع :) |
مـنـقول بـتـصـرف //
ركبت مع الرجال ... قلت السلام عليكم ... قال وعليكم السلام يالله حيه وين تبا ... قلت ابي ((( ..حي السلام.. )))) قال بخمسين ... قلت سم تستاهل .... وركبت معه .... !! وانا احسبك بخضيرا قلت احتك وثرك برياض ..!! |
////////// اول ماقبلني (( ابو متعب )) مهوب الأمير عبدالله ... لالالا //////////
ترى المنتدى يحتاجك ///// مدحت أنت له مصدر مميز بقلمك (( الجاد والهازل )) لا تتحرش فيهم ترى يؤذونك <---- واحد آكل مقلب فيهم ( وهم كثير اللي يحسبون الخير بأيديهم ) وعموما الحمد لله على سلامة الوصول <----- واحد حاسب الكلام جد مدحت بيه مسافر... ****************** وصح ألسانك مدحت ***** واقع شريحة كبيره من أهل التكاسي تقول يعرفونك ويتدخل حتى بنوع شنطتك النوعية الفلانيه ترى أحسن ******* ********** اللهم أنصر المجاهدين في فلسطين وأفغانستان والشيشان وكشمير والفلبين والعراق وأندونيسيا وفي كل مكان اللهم آمين اللهم آمين اللهم ىمين ....... |
العمده ..
وين احطك فيه ... مع عياد ورى ... والله تنحاش مع الدريشه .. |
هلا بالعاطفي ...
واهل الرياض وراهم ياخي يخوفون ... قلت انا سعودي ومن اهل ((( القصيم ))) صح انا ساكن الرياض ... بس قلبي وفكري ببريده ... |
شعاع الأسلام ...
هذا كان مجرد توضيح ليس الا .... وراعين التكاسي والله ياهم طلعون روحك بعد شكرا لميدك شعاع على التعقيب |
ائع
بس لركبت مره ثانية انت السواق وانا الراكب |
الجارح البطل
انسى اني ابركب مع سعودي مره ثانيه ......... لا ابوعياد ولا غيره .......... |
ههههههههههههههههه
أنسدحت من الضحك .... الله يرجك .. ============= لو كان بالطرائف أفضل .... تحياتي ... |
طيب أبو أبراهيم فيه .. أختراع أسمه اللطمه ..
وراه ما تجرب .. أو دق علي يا بعدي أنا أجي أشيلك من المطار لو تبي على كتوفي أنت تامر و حنا .. نطامر ,, كم عندنا من مدحت |
والله أنك صاز اللطمه اختراع من اهلي بررررررررررررريدة.
أقول المستشار يخاف إذا تلطم يتمخش وجه. |
يالمصري وين السعوده اجل
|
مدحت0000000 الحمدلله على سلامتك 90000000000
والله ابوعياد انه 00 ناويك نيه 000 يوم يبي يمر اعواله 000000000 بس ولو عرفتله انت _ انشحط _ نزلت بسرعة الصقر مو بس كذا 0000 من زود الكرم عندك 00000 عطيته 50 ولا كملت مشوارك على قول اخوي عاطفي ( لحي السلام ) _ طحت بك وين ساكن _ مشكله عاد هههههههههههههههههههههههههههههههههههههههههههههههههه هههههههههههه |
| الساعة الآن +4: 04:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.