|
[عَبق الشَـذى في مَعرفة كنى أعضاء المنتَـدى] . .(الجميع يشارك)
. أهلين وسهلين . وقبل كل شيء السلام عليكم . .. .. .. .. .. .. بما إن كل شيء له سبب مـدخـل / ولكل عملٍ حكمه . وزينة الموضوع بجمال أهدافه .ولكل ثورة زعيم ولكل كتيبة قائد ولكل مدرسة مدير ولكل فصل عريف ولكل سيارة سائق ولكل قسم مشرف ولكل موضوع هـدف . بل أهداف . ولاتزين الأهداف إلا بتواجدكم ياحلوين :106: أهداف هذا الموضوع . [عَبق الشَـذى في معرفة كُنى أعَضَاء المنتَدى] في الحقيقة بعض الأعضاء تعجبك مواضيعه وأطروحاته ولما ترد عليه ودك تناديه بكنيته لإن من إكرام الرجل مناداته بكنيته فكل الناس كبار وصغار وكل الجنسيات مصري بنقالي هندي << على طاري هندي به سالفة ذكرون به تكفون :d كل الناس يحبون هالشئ لكن المشكلة إذا ما عرفت كنية العضو وش تسوي !! أذكر إني أبرد على أحد مواضيع الأعضاء فبغيت أناديه باسم الولد ونخلت مواضيعه كلهن أدور كنيته وللأسف مالقيت كنيته ومير أهون أرد على الموضوع كله :d ولعل الموضوع يكون هذا مرجع للشباب لمن أراد معرفة كنى الأعضاء ولن يخلو هذا الموضوع من فوائد في باب الكنى وستأتي الأيام ! س1/ وأتمنى من رجال الساحة والأقسام الأخرى . المشاركة ومن لم يشارك فسنرسل دورية بقيادة العريف أول/ دحوم بن جرّوح ويحقق وبأمره ويتأمل في ملابسات القضية واسبابهـ ثم نصدر تقرير مختّم ونصكه بمخالفة (تغلي) .:021: ومن تغلى يخلى;) طيب اللي اسم معرفه كنية وش الحل معه ! وإلا تغير الأجواء قلب الكنيه .ج 1/ إذا كان متزوج نسأله هل كنيتك قبل الزواج هي هي بعد الزواج ! يعني ماتغيرت <<== هاه خلك صريح;) لإني أعرف كم نفر تزوجوا وتغيرت الكنية بعد ما جاء المولود . صاحبي يقاله أبومعاذ . . بعد الزواج أصبح أبوعـزام . واحد ثاني كنيته قبل الزواج أبوعلي . . بعد الزواج صار أبوأسامة . نفر آخر كنيته قبل الزواج أبوسـامي . . بعد الزواج أبومحمد . نفرآخر كنيته قبل الزواج أبوبندر . . بعد الزواج صار أبومحمد . وأقصد بعد الزواج يعني بعد قدوم المولود . عجيب . . المرأة عندهـ اساليب إقناع مادري كيف ! يا أخوان اللي ما أعرس يعرس ترى راح يحس بتغير بحياته . << إيقاله معرس :113: يا أخوان مانطول عليكم . .ومثل ماقلت عطونا الكنية . وياشباب أي واحد كنيته أبوريّان راح أعقد معه عقد صـداقة مدى العمر . أكيد سميي :106: اقتباس:
أي رد يحوم التسبد . . راح يقوم حضرة النقيب / خوي بن سروّر بقص الرد قص . والجميع يوحي إن شاء الله . والموضوع هذا على بساط كشكولي يعني الرسمية خلوه عند باب القسم وإذا بغيت تطلع لا تنسى تأخذه معك . / عَبدالرحمن / . |
الصراحة من مبط وأنا أفكر أكتب موضوع ثقتي موجده قلت لعل أحد يكتبه عن الموضوع لأني انا زول كسل أخربط عليكم لكن سبقتني وأشوى انك سبقتني لان في ألآونات الآخير فيه ناس اسمه الصقيق ولا حرام كسر الخواطر<<<<تراي ماقلت ذولاإلا أبي كناهم:d بس أبيكم تنادونن أبو مالكـ الصراحة |
. ^ ^ ^ شكراًُ إلك أبو مالك . . :rolleyes: . |
مادامي فضحت روحي وقلت الصراحة علشانك قلت أبغير توقيعي من أبو أسامة إلى أبو مالكـ |
والله من يوم طلعت على الدنيا و أنا أبو عبدالعزيز ..
خلاص راكبة .. اعرف أنه إذا قال واحد ( عبدالعزيز ) ألتفت له .. طبعًا على الوالد الله يغفر له و يرحمه ، و الشيء الثاني معجبن الاسم مدري ليه ..! و بالنسبة للمدام خله تجي أنت و يصير خير .. مع إني مستحيل أتنازل عن هالاسم .. <=== نشوف لا جا الصدز .. بس ماعليك .. عندي أساليب إقناع .. أول مولود عبدالعزيز .. و الباقين بكيفه هي اللي تسميهم .. إن بغت تسمي فرغلي <=== تخيل ولدي اسمه فرغلي عاد .. (فرغـ .. لي ) <=== فرغ لي ولا عب لي .. <=== الصمصام شوقي بريدة :113: عاد تصدق أعرف كنى لكثير أعضاء المنتدى .. بس والله إيدي توجعن ولا كان حطيت لك قائمة طويلة .. لكن أغدين إذا أشويت أضبط الأمور .. ياملحك يابو ريان و ياملح مواضيعك .. تسيف إني أغليك بالحيل .. و ليخسأ الخاسئون <=== هجت به :d |
والله انا كل شوي لي كنية
يوم انا بزر , صرت ابوريان , ولاجازت لي , كتبت أبوزياد ,بس ماش الاسم مايركب وبعد مادخلت الحلقة , ينادوني ابو عبدالله على اسم الولد , وركبت , طبعا من عام 1418هـ وأنا أبوعبدالله , الى يومك هذا , الا اذا حصل شيء جديد بعد العرس , ماندري عاااااد أقواااه ولا تقاااااون .... |
أبويزيد ... ءء ياسعدي :)
أنت جب المرهـ وان بغت تسميه ( مدح شوقي بريدة ) :113: |
والله مع إن أصابعي متعفطات .. لكن لازم نكتب الكنى ..
و أبسرد اللي أذكره .. و لعلي أجيب الباقي دفعة ثانية .. المشرف العام : أبو مهند . بريماكس : أبو خالد .. و جته بنت اسمها جوري .. أســد العقيدة : أبو مالك .. وولده مالك موجود .. أبو محمد النجدي أبو محمد و محمد موجود .. و المسفهل أبو فهد .. و المنخرش أبو فهد .. بدر بن عبدالله أبو فيصل .. جيدا أبو صالح .. الفارس أبو فارس .. إبراهيم اليوسف (أبومحمد) و أنا ما أسميه إلا أبو خليل .. عمر اليحيى أبو عبدالله و كذلك عمر الصمعاني .. مدحت شوقي أبو إبراهيم .. خوي السرور أبو عبدالعزيز .. الجني العبد (أبو آدم ) <== الاسم الحركي لكن الصدز : أبو سليمان . قرناس : أبو سليمان .. المستشار : أبو محمد .. وحيد المعنى : أبو علي .. نور الصباح : أبو عبدالله .. شلقة : أبو سليمان .. الصباخ : أبو ريم <== اسم الحركي .. و الحقيقة أبو سليمان .. نبوغ الفكر : أبو حكيم .. وهج السنابك : أبو خليل .. السمو : أبو سلمان .... و أبو لجين : أبو خالد .. و دعبل نجد : أبو عاصم .. و التويجري أبو عاصم .. و ليث الغاب أبو عاصم .. ووحيد الخلان أبو عاصم .. و العاصف : أبو قاسم .. و النهيم أبو معاذ .. و الشجاع ابو خطاب .. و مخاوي7الصمت أبو عبدالرحمن .. و almotmaeez أبو أسامة .. و نظراً لتلف الأصابع أترككم في الحلقة القادمة .. :) |
. هلا بالجميع . . هلا هلا . بي نوم الصراحة . ولـي رجعت,, وجلسة خاصة مع الحلو صمصام أفندي :094: أبوعبدالعزيز <<==هههههه وراك إلتفت :d . . شكرياتٌ كثيرةٌ لكل من حضر من أبوريان سابقًا والشلة كلهم . وجلسة مع كل واحد بحول الله . . |
مشاء الله عليك ياأبو العز هذا ويدك لك عليه كتبت ذا مشاء الله عليك الله لا يضرك وانت مالك أسم الحركي؟؟؟ |
,’, أبو الدرداء..!@ ,’, |
أهلين أبوعبدالعزيز .
اقتباس:
. . عاد تصدق ذكرتن بواحد كنيته أبومحمد سألناه يوم من الأيام كيف اخترت كنية أبومحمد . . قال: يوم إني بالمتوسطة كنت نايم بغرفتي وإتفق أبوي مع أمي إني أصير أبومحمد عاد جاء الوالد وقومن من النوم ! وقال : قم ياوليدي يسد نوم وترى كنيتك أبومحمد:d من هاك اليوم وهي ركابة معي . <<== أقصد الكناية هي اللي راكبة معه:rolleyes: حقيقة بعض الناس خلاص الكنية تركب عليه. . تحس إنه تفصال . ولافيه أمل تتغير.... مثلك ؟ ooo1 اقتباس:
ههه قالوه ناس قبلك . . يطق صدره بالمجلس . .أنا أغير كنيتي أنا أغيره مستحيييييييل . . ويوم جت المدام . وجاء المولود . تغيرة وجهات النظر .(يالله الثبات):d اقتباس:
بس انتبه,, الله يستر عليك ماتغير اسمك كله . عاد أتخيل أبوعبدالعزيز مغيرن اسمه من عبدالله . . إلى لؤي:113: اقتباس:
اقتباس:
والمسميات ماجت عبث لذا المولود الثاني سمه سلفي موب فرغلي .. و بعد زوجتك يكون اسمه زكية .. من أحد الحتتِ المصرية :090: وياسلام سلم ;) اقتباس:
زاد أنا أشوف التوقيع فيه صورة واحد يدعي أو إنه يناظر أصابعه .. الحقيقة صورة مؤلمة .. وبعدين عسى ماشر عسى موب صاك عليهن الباب:d . أذكر أخوي معه فورد 97 وكنت راكبن ورى .. ويوم نزلت حطيت أصابعي على حافة الباب القدامي .. جاء اللي راكبن قدام ويصبخ بالباب على أصابعي آآآآه.. يوم غديت ألوان ..:061: وأشوى أخوي سمع طقطقت الأصابع ووقف مامشى .. ويارب تشفي أبوعبدالعزيز .. وتخليه لنا اقتباس:
وياأبوعزّ والله يا بخاطري وبقلبي لك كلآآآآم معسول أهديه إلك :106: بس أخاف ماتصدقن .. مير بلاش أقوله .. وخلن أكتم حبي لك دون تصريح أخاف أقولك إني أحبك وتبدأ اتغلى عليّ .. اقتباس:
ويامال العافية .. الله يخلي لك أصابعك .. وكل اللي ذكرتهم حقيقة مودتهم بالقلب .. على إن ودنا إنهم يشاركوننا بكيف اختيار الكنية .. ويكفينا طلتهم مير أغديك تعجل علينا بالدفعة الثانية ,,,, أغدي أبومعاذ والبراء يحط على هالدفعات هذي مسابقة خفيفة //// تخيل المسابقة تكون كذا :d س1/ ماهي كنية ليث الغاب ؟؟ س2/ أبومحمد النجدي ماهي كنيته ؟ << سؤال تمويهي .. يعني الهدر مايعرف يجاوب ! :096: س3/ ماهو الإسم الحركي لأبو ريم ؟ ضع خطًا تحت الإجابة الصحيحة ؟؟ ماهي كنية بدر بن عبدالله ؟ ( أبوفيصل _ أبوبدر _ والسلام خير ختام _ جميع ماسبق):045: ..................... وطلتك حلت سويداء الـقلبِ ولامست شغافه فرفقًا بمحبيك يا أباعبدالعزيز . سلام . . |
أبو سليمان .. !
<<==== يفرد برد لحالوه للإيضاح .. :113: |
أبوعبدالله هـلا وغلا ..
اقتباس:
اقتباس:
أجل ماجازلت لك أبوريّان منةٍ عليك.. لكن يبدو ياأبوعبدالله إنك كشبارة معليش أبصير صريح:d .. لإن كنية أبوريّان تبي واحد مليح ومزيون وهادئ وأنت مادلك المِلح <<== بينجلد .:d تدري ليش مادلك الملح .. لإنك كلك على بعضك عسل و حلا + حلا= :106: وتسد شفت أحد يحتاج للملح وعنده حلا ;) اقتباس:
كرر كلمة أبوزياد تلاحظ كأنك تنادي واحد لابسن نظارات <<== ههه أقول كيف الحال :) اقتباس:
1/ معك هايلكس وتحب تركب به جنوط ! 2/ مدمن طلعات وكشتات . 3/ أي ديرة تطب به تدل بهـ بسرعة ماشاء الله عليك . 4/ تحوف القهوة خاصة إذا كانت من عزبتك ! 5/ السبحة والقلم والمسواك .. كلهن مايصبرن معك . 6/ تصلح قيادي .. يعني بكشتة ولاسفرة تكون رئيس . هاه وش تقول بالفِراسِة .. تبي صفات ثانية .. ياحبيلك َ:106: اقتباس:
ونشوف الوعد قـدام .. يارب إنك تزوج أبوعبدالله إمرأة صالحة ودينة ! وبعد جميلة ! آآآمين .:eek5 أباعبدالله مرورك هُنا عطر يفوح مسك وعنبرا . فَكن حَولنَا . |
| الساعة الآن +4: 10:37 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.