|
فزعتكم ياربع
السلام عليكم ورحمة الله وبركاته
اخباركم طيبين ان شاء الله ابسألكم ياوجيه الخير انا صراحه وبعد تفكير عميق وبعد تسديد 950 ريال مخالفات قررت اطلع رخصه <<باركولي لكن بسألكم يقولون رفعوها الى 450 ريال الله يعين وين اروح وشلون وش المطلوب وش اختبارتهم وكيف الاختبار وعسى ماهو زحمه عندهم << الزحمات تذكرني يوم رحت اقدم بكلية الحرس وكم يوم تاخذ يالله الله يعينكم على اسئلتي ولايحرمكم الاجر |
الله يعينكـ قل آمين |
مبروووووك وعقبال القسايم <<<<< امزززح...
االي اعرفه كان عمرك فوق 18 كله يومين ومخلص بس ادا عمرك تحت 18 يبيلك طويل العمر والسلامه اسبوووع.... دعواتك |
اول شيء تروح لاستديو تصوير وتصور 4 صور شمسية ..
ثم تنقز للمرور وتقوله ابي نموذج تحويل للمستشفى حق رخصه يقولك عطن صوره من صورك .. تعطيه صورة .. ويدبسه بورقه التحويل ويختم عليه ويعبي بياناتك ويعطيه اياه .. الحين تروح للتخصصي يفحصون دمك وعيونك ويختمون عليه ثم تروح لمدير المستشفى يوقع على الورقه واذا خلصت تشري ملف علاقي اخضر .. وتحط به الورقه + صورة من بطاقة احوالك + باقي صورك الي من الاستديو ثم تروح لاقرب مدرسه تعليم قيادة وتعطيهم الملف وتسلمهم 450 ريال قيمه الرخصه وانصحك بمركز دله الي حول عنيزه .. الحين خلصت تقريبا اذا كانت عندك واسطه تسلمهم ملفك وتراجعهم عقب اسبوع وتختبر ويعطونك الرخصه اذا ماكان عندك واسطه تجي لمهم كل صبح تختبر وتدرس وبعد اسبوع يعطونك الرخصه طبعا اخر يوم بالاختبار الي يعطونك به الرخصه .. تقعد تختبر من 7 ونص ولا تطلع الا 12 الظهر ومعك الرخصه .. يعني قلق شوي المهم اخر خطوه انك تسدد بالصراف 100 ريال للمركز قبل ماتاخذ الرخصه يعني لاتسدد الا اخر يوم طبعا كل التكاليف الاجماليه تكون 550 ريال .. او 530 ريال تقريبا هاذي كل الخطوات من أ الى ي .. وش رايك مابقى الا اختبر عنك |
اقتباس:
ما شاء الله عليك ..ادعله يالهاوي الرجال وفا وكفا... |
اقتباس:
ماقصرت وبيض الله وجهك بس عقب هذا كله اتوقع اني بسحب عليهم شر سحبه :i121 وش اللي ادرس اسبووع اللي اعرفه يومين وتاخذ الرخصه :bad اما اني براجعهم اسبوع حامض على بوزهم :eek5 مشكور اخوي والله يوفقك بس انت مجرب هالخطوات والا لا :106: شكرا لك اتعبتك معي |
اقتباس:
يستاااهل والله بيض الله وجهك وجهه ماقصرتوا :41 |
ايه مجرب قبل فترة
وياكم هذا واجبنا |
اقتباس:
الله يخارجنا تووقعت الامور اسهل بكثير يومين واخلص :eek5 لاني مسافر الديره الاربعاء انت يوم طلعتها عمرك فوق الـ18 والا لا ؟؟؟ بس اخوي انت رحت لاي مدرسه اللي على طريق الطرفيه القديم والا غيرها؟؟ اتعبتك معي يالغالي بس تحملني:bad بانتظار ردك |
^
كله واحد سواء 18 ولا 17 .. بس يبيلك أسبوع وأنواع الزعبله والكسل والطفش وخويك ذاا اللي مطلعه بيومين أكيد عندة واسطه :d والمدرسه خابرة على طريق الطرفيه تروح لمهم من الساعه 7:30 إلى أذان الظهر ثم يعطونك ورقه وتسدد لهم 100 ريال ثمن تنقز للمرور وتسدد 450 ريال للصرافه ( صرافه الراجحي ) وإن بغيت به صرافه الرياض يزبطه لك واحد بــ 500 ريال ثم تروح لمركز الشركه وتعطيهم الايصال بعد 10 دقايق يعطونك الرخصه مغلفه :d ومنك الدراهم ومنها القسايم :113: |
, تبي واسطه راسلن بالخاص :113: <<< امزح الله يعينك بس .. , |
فيه رخصة بيوم واحد فقط ..
وأنا مستخرجها كذلك .. بيوم واحد .. على حسب طلبك وليست إلزامية .. |
^^
لا تصير حقت قيادة شاحنات .. |
اقتباس:
ههههههههه انت شكلك واصل ماودك نصير صديقين:d اليوم عندما اشرقت الشمس عند الساعه الخامسه انطلقت بسيارتي ددسن غماره 2003 وذهبت الى ابو علي اللي يبيع كبده بحارتنا >>دايم افطر عنده واجحده :045: الوكاد يوم جت الساعه 7 وانا محضر عند دله اللي على طريق الطرفيه والقى ذاك الموظف الاملح الوليده ((اخرب بيت المصطلحات)) قلت ابطلع رخصه قال خذ ورقه من قسم المرور الكشك اللي جنبه ورحت واخذت ورقة الكشف وورقه الاشارات اللي بختبر عليها كمبيوتر وقال تعال بكره ومعك الـ100 ريال وعلى التخصصي >> اخس مستشفى بالعالم ورحت والقى موظف استعلامات خشمه فوق ماهو شايف البشريه شيء قال اليوم مافي كشف نظر وسمع تعال بكره بس رح بنك الدم خلصه واروح بنك الدم قالي الممرض تعلرف فصيلة دمك قلت افا عليك فصيلة الحمير قال وش قلت O+ ويسجلها ويوقع ويختم واسوقها على بيتنا بكره بروح اكمل المستشفى والثلاثاء اختبر كمبيوتر وميدان واستلم الرخصه ياربع اي واحد يشوف تفتيش يدق علي يعلمني بفر عندهم خمسين مره خخخخخخخخخخخخخخخخخخخخخخخخخخ مايقدرون يعطوني مخالفه :074: بالنسبه للاخوان اللي يقول دراسه خمس ايام هاذي اقل من 18 يعطيكم العافيه جميع من رد وشارك بمعلومه |
| الساعة الآن +4: 02:52 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.