|
وبدأت رحلة هروب المزارعين من السوق بعد قرار الأمانة المتسرع
ذهبت إلى سوق التمور بعد صلاة العشاء من هذا اليوم وفوجئت بطابور طويل من السيارات المحملة بالتمور تريد الدخول للساحة ، فالساحة لم تنتصف بعد فلماذا منعت هذه السيارات من الدخول ؟
فنزلت لأستوضح الأمر فوجدت العائق وهم حراس الأمن فقد كان معهم متر يقيسون الكراتين المحملة هل هي مطابقة لمقاس الأمانةالمعتمد أم مخالفة فالمخالف يسفط على جنب ويؤخذ عليه تعهد بعدم تكرار ذلك وإلا سيطرد من السوق تطبيق المقاسات شيئ جميل وهو حماية للمستهلك ولكن هل التطبيق للمقاسات مطبق في جميع أسواق منطقة القصيم أم انه فقط في سوق بريدة ؟ إن كان الجواب في سوق بريدة فقط فمعنى ذلك أن 50% من المزارعين قد اشتروا من الكراتين المخالفة لمقاسات البلدية ومنعهم من دخول سوق بريدة معناه الهروب عنها إلى الأسوق الأخرى في المنطقة . فالذي يجب أن يلام هو من أصدر القرار وهي الأمانة فلماذا تسمح ببيع الكراتين المخالفة لمقاساتها في أسوق القصيم عامة ؟ أتمنى من الأمانة مراجعة القرار إو تطبيقة بصرامة في جميع أسواق منطقة القصيم عامة ومنع بيع جميع هذه الكراتين في اسواق القصيم وتقديم شكوى ضد المصنع المنتج لها . |
الله يرزقهم
طيب والبضاعه المحمله ماذا عنها التمر اذا بدلت كراتينه ينهرس ويخرب اذا هو مستوي ... |
لا بد من ضبط النظام فهذا أقوى دعاية ودعم للسوق لأن أهم شيء ثقة المشتري.
أنا بعيد لكن الملاحظ هو كثرة العرض رغم أن المساحة ضعف العام السابق. يبدو لي أن هناك هجر لأسواق الجوار واختيار هذا السوق لذا لابد من ضبط السوق حتى يكون اختيار كل من أراد الشراء. |
ياخوي صار لي نفس الشي جاء لمي حق الامانة الله لا يوفدزه وقال لي هذا مو الكرتون قلت شف المحل ذاك واغز له على المحل رح تفاهم معه هو اللي باع لي ذولي ولا وشوله هو يبيعه يعني اغلقو المشكله من اوله تسانكم صادزين . قال اهم شي تعال باتسر بكراتين ثانيه ولا ما تدخل يعني الحين انا خسرت تقريبا 100 كرتون بس الحمد لله لاني كنت ناوي اشري 1000 كرتون واقول الله يعين اللي شرو وبعدين اللي يبي يشري يناظر ويدري ويسأل اكيد هو يبي يناظر الكرتون وباين انه اصغر من العادي ويبي يسومه على انه بهالكرتون بس ما عندك احد هالامانهة علتن علينا وعلى بريدة لاكن الله لا يوفقهم لا دنيا ولا اخره . |
اقتباس:
يجب على الأمانة أن ترسل مراقبين لهؤلاء وتصادر تمورهم إن كانوا فعلا يريدون حماية السوق وضبطه وتحسين صورته أما مقاس الكرتون فالمشتري له عيون ويشوف والدلال يجب أن ينبه لذلك بالنسبة لكثرة العرض نعم كثرة العرض قبل صدور قرار التمتير لكل كرتون وألايام القادمة ستشاهد هروب كبير لمن اشترى وتورط بكراتين لم تطابق المقاس المطلوب |
اقتباس:
علمهم واحمد ربك غيرك اشترى أكثر من 20 ألف كرتون غير مطابق |
اقتباس:
لكن وين اللي يسمع ..!!! اقتباس:
على فكره لو هم صادزين بعد تسان بدال ما يشغلوننا بالدعايات عن الراعين الرسميين والخرابيط ذي وبكل مكان بالسوق حاطين لوحات ..!! تسان حطو باول السوق احجام الكراتين والطول والعرض بدال ما يجون بعد اسبوع وتهوقو نص الناس بشراء كراتين كثيره مرره |
مشكووووووووووووور
|
يابن الحلال الدعوى زيطة وماله داعي نكتب هرج ماله داعي اللعبة ماكملت صح
والله قهر انا الحين شاري مزرعة والكرتون قيمته 1.80هللة والخراف ب3ريال وش صفا لنا بالبيعة اذا كنا نبيع نبوت مثلا الصطل يسوى 10ريالات الله يكون بالعون |
الغش حرررررررررررررررررام...............وللظلم نهاية...............
|
يالغالي تعبنا من هالغش
وربي كثير ما اسمع عن الغش بسوق بريدهـ (اللي الناس كانت تقوله عنهم صحابه) لابد للمعارك من خسائر معاً ضد الغش |
مشكوووور
وبصراحة خطوة جيدة |
شكراً لك أخي .. |
طيب هل تم الاعلان قبل عن هذا الشي وعن المقسات المطلوبه !!!
ولا بس دعم لاسواق القرى الي حولنا !!!!!!!!!!!!!! |
| الساعة الآن +4: 07:23 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.