رمضاننا هذه السنه بلا نكهه ولا طعم!!!
 

السلام عليكم,,,,,,,,,,,,,,,كل عام وانتم بخير ورمضان مبارك علينا وعليكم إن شاء الله


اليوم المغرب زارني واحد من الربع ومن هرجه لهرجه ومن سالفة لسالفة وجاء الطاري

على رمضان وقلبنا سواليف رمضان كلها الأسواق الأكل الشوارع ومن الأمور اللي قالها

إنه اليوم بعد صلاة العصر مسك إمام مسجدهم وقاله ياخي ودنا نسمع كلام الله عزوجل يصدح

بالحارة قاله يعني إيش قال ياخي إفتحوا المكرفونات الخارجية خلوا الناس تطمئن قلوبها

بذكر الله واياته وهالمحاضرات اللي تلقى بهالمسجد قال الإمام مانقدر قال صاحبنا ليش

قال جاينا تعميم من الأوقاف يمنع هذا الشي ويقول صاحبنا قلت إيه حسبي الله ونعم الوكيل

ويقول ويوم أقفيت وهو يناديني ويقول يابوفلان تعال يوم رجعت قالي الإمام شف راعي

هالسيارة اللي وقف عند المسجد هذا مراقب من الأوقاف ورا ماتكلمه قلت مامثله

رحت وسلمت على المراقب وقلت ياطويل العمر ( عجزنا ) يعني جمع عجوز طالبينك

طلبه قال وش يبن بعد؟؟ قلت بعضهن ما يقدرن يروحن للمسجد وودهن لو تفتحون المكرفونات

الخارجية علشان تكمل فرحتهن بهالرمضان قال لا مستحيل قلت يابن الحلال هذا قران ومافيه

شي قال إنسى الموضوع ,,,,, وش يضمن لي إن الجيران مايشتكون ؟؟ قلت أنا أضمن لك

أجيب تواقيعهم كلهم قال لا لا صعبة قلت يابن الحلال أنا قاري تعميم قبل يومين بالإنترنت

يقول مسموح للمساجد بالصوت الخارجي في محيط المسجد قال ما وصلنا شي

المهم يقول صاحبنا قلت إه الشكوى لله إنا لله وإنا إليه راجعون.....

وش رايكم ياخوان رمضان هذه السنه بلا طعم سنفتقد والله هذه الماذن التي تصدح بذكر الله؟

أرجو من لديه قريب مسؤول أن يحثه على هذا الأمر على الأقل في رمضان فقط وبعد ذلك تغلق

أنا أعلم أن أن هذا الأمر من الوزارة ولكن لابد أن هناك من أحد يعرف أحدا فيها..

كما أطالب رئيس لجنة أهالي بريدة أعتقد الشيخ إبراهيم الربدي حفظه الله بالسعي بهذا

الأمر.,,,,,,,,,,,,,,,,,,,,وفق الله الجميع وكل عام وانتم بخير.

صاحب ذووووووق شكرا لك ولمشاركتك كلها ذووق

أعاننا الله أخي الكريم

حسبي الله ونعم الوكيل
فتن كقطع الليل

نبي نسسمع القران يااناس


لا اله الا الله

مدري ليش مسكت معهم ع المساجد

وينهم عن أزعاج التفحيط و تطويل المسجل ل أخر حد لماذا لا يضعو حد لها


أم ليرضو .................؟

هذا الي يقدرون عليه حطو دوبهم بدوب هالمساجد

لوهم صادقين كان قدرو على الشباب المتهورين !
لاكن مانقول الى حسبنا الله ونعم الوكيل

اتوقع رفع صوت الميكرفون فيه ازعاج على كبار السن والمرضا

قرار فاشل بماتحمله الكلمة من معنى ومانقول الا حسبنا الله ونعم الوكيل

أول مرة أسمع إن القران يسبب إزعاج للجيران ..

والله فيه الطمأنينة والروحانية والراحة النفسية..

الله يعين بس!!!

لو نا منهم والله لافتحهن ولا به احد يبي ينزعج من صوت القران؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:mad::mad:

الورود الناعمة,,,,,,,,,,,,,شكرا لمشاركتك ومانقول إلا كما قلتي أمين أعاننا الله,