|
بعض المسات للأئمة والمساجد ببريدة؟؟بدون زعل
السلام عليكم باختصار شديد هذه لمسات سريعة لبعض الأئمة والمساجد 1- المروتي صوت رائع وأفضل الموجودين برأيي ينقصك تكرار الآيات والتحبير ودعاء القنوت قصير والمسجد يحتاج زيادة تكييف وخاصة آخر المسجد السماعات رووووعة جدا 2-البصيلي رائع وممتاز بس السماعات مرفوع عليها جدا تحتاج قصر كذلك لوترجع لصوتك السابق زي الأحمد أفضل 3-المبرك روعة وإبداع لكن خففوا من الصدى شوي بس مو كثير كذلك غيروا قوارير الماء الموجودة لأنها مو صحية حسب ما سمعت 4-أحمد البصيلي قمة الروعة لكن اسرع شوي وقلل من حركات المدود 5-مسجد الراشد ليش المحاضرات بعد التراويح المفروض من منتصف المغرب ليبكر الناس لصلاة ملاحظة/بدون زعل بس مجرد لمسات لكي يتجه الأئمة للأفضل ونستأنس نحن المأمومين |
هذه الملاحظات من أروع الأشياء ..
لكي يعرف الأئمة الملاحظات التي عليهم .. كل الشكر عزيزي .. |
أنا أفضل الأئمة عندي هو عبدالعزيز الجاسر لأن صوته رائع وأفضل تجويدا
|
الصراحه انا عندي افضل الائمه انا عندي الرشودي الصراحه يجنن الصوت اليوم صليت معه الصراحه داخل المسجد براد استغفرالله استغفرالله استغفرالله استغفرالله استغفرالله استغفرالله استغفرالله استغفرالله استغفرالله تحياتي ...مجنون القصيم... |
صرآحـة مسجـد عبدالله بن رواحه,, الاسكان حي ـ6ـ’’يمين بقالة(الثويني سابقا ً ـ سنام الغذاء)
الأمــام الشيخ الداعية/سليمان علي الربعـي’’ قراءة راعة صوت اروع خشوع يبكي وجزاه الله خير يوم خراب المكيفات ,, قرى قصار الصور وهو مسرع ع شان الحـر,, وتم بحمد اللـه تركيب مكيفات سبيلت ............. |
مشكووووووور اخوي
ولكل راي |
مشكووور اخوي وانا اضيف لمسه لمسجد القارئ عمر الرشودي زيادة عدد المكيفات
|
إستفسار لو سمحتوا,,,,,,,,,,,
الشيخ الجاسر,,,,والرشودي,,,,,,,والمروتي,,,,,,,, لو تعطوننا وصف لمساجدهم الله لا يهينكم, بالنسبة لكاتب الموضوع أحسنت وبارك الله فيك ملاحظات رائعة وياليت لو يرجع البصيلي لصوته اللي يشبه الأحمد كان أفضل بصراحة صليت معه ثاني ليلة وبعدها دورت مسجد ثاني لأني كنت خابره صوته مثل الأحمد وبصراحة هذه ملاحظات الكثيرين أعرفهم كلهم إتفقوا على هالنقطة. |
الله يعطيك العاافيه على اللمساات الرائعه
مشكوور أخوووي |
النسبة لرفع الصوت >>>> دور مكان بعيد عن السماعات >> وارى ان وزنتهن رائعة خصوصا البصيلي
على ملاحضاتك يمكن لو تتمسك بهن ماتصلي ابد يالذيب ... لكن سدد وقارب (بعدين ياشين طبع الشيبان ) .... (ارى ان ملاحضاتك رايى يحتمل الخطأ اكثر من الصواب .. لاني اشوفك تتكلم عن التجويد والله مادلك ... وشاور يالحبيب .. انتقادي هذا فقط لرقيك يالذيب ولا لو غيرك ما درينا عنه .... حاول تهضمة والجايات شاور .... تراى ما اشغل الائمة الا امثالك بالملاحضات اللي ماله اي داعي >> وش قال ..لمسات .. قال .. الله يهديك ادامه يمديك .. (على فكرة وش ملاحضاتك على الحرم .... وخصوصا السديس >> عساه ما يلحن ..) |
مشكووور اخوي على الموضوع
|
. . . شكرا لك والانتقاد مافيه شيء وعـــــــــــــــــادي الملاحظات الي عندك اكتبها بس بدون تجريح تقبل مروري . . . |
وكــــــــــــذلك مسجد محمد الساير (العقيلي) يحتاج الى ثلاث نقاط اول شي الماء صحيح انه متوفر للرجال والنساء لكن حـــــــــــار والله حار النقطة الثانية المكيفات فيهن البارد وفيهن الحار ثلاث دعاء القنوت على المزاج يوم وراء يوم لا يابو حمزه الناس يبون يوميا ياليت ابوحممزه يلتفت لهذه النقاط وجزاكم الله خير وموضوع شيق
|
المبتسم 1000لكل شخص وجهة نظر مشكور.
|
| الساعة الآن +4: 08:10 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.