|
دعــــــوة للنقــــاش((الشاب الاجنبي والشاب السعودي))
الـسـلام عليكم ورحمة الله وبركاتة
هذا مــوضوع مهــم للمــناقشــة أتمنـى من الجميـع المشـاركة فيــه نــلاحظ فــي امــاكن الملابــس المــاركات العالميه والمحــلات الشــهيرة والمراكز التجــارية الكبــيرة يشتــغلــون فيــها شبــاب مــن الجنســية اللــبنانية والسوريــة والمصــرية .. السؤال/ ليــش يوم تشتــري البنت من هنــاك او تــطلب شــي او غرض وتلاقي ان البائع ســوري او لبناني ماخذراحته ويتغزل واقل شي بيقووول تكرم عينك او على راسي تتقبــــل منه هالشي بــس لو كان البائع خليجي وبس يطالع مايقووول شي خلينا له المحل ومشينا ليه كذا يصير يعني لإن السووووري هذا كلامه ولا لإنه مايعني أي شي للمجتمع الخليجي؟؟؟؟؟...... ارجو من الجميــع المشاركة ... |
الا يهمنا بس يمكن لان الاجنبي مااحس انة رجال علشان كذا
|
مافي مجاااال للمقاااارنة بين السعودي والاجنبي..
وبعدين الاجاانب متعودين يعني لاقاال من هالكلام الحلوو ما قصده شي بس انه متعود.. اما السعودين الله يخلللف.. وصرااحة انا مااحب سواء سعودي او اجنبي الي لادخلتي المحل يبدا من زود القراامة يقول شوفي هالبلوزة وهالفستان ومن هالكلام صرااحة ماارتااح بالمحل وعلى طول اطلع المفروض يجلس بمكانه ولااعجبن شي جيت وحااسبت وانتهيناا.. |
والله سواء كان سعودي او خليجي او مثل ماتفضلتي اجنبي الرجل رجل وغريب ولا يجوز الاخذ معه في الحديث بكم هذا وانتهينا ماله داعي كثرة السؤال او حتى مجادلته في السعر خصوصا اذا كنا نساء فقط وليس معهم في السوق رجل |
النوايا تختلف من بيئةٍ لبيئه , فقد نجد الدول الأخرى يتخذ له صديقة , ويذهب ويأتي معها , دون حدوث شيءٍ بينهما , وفي مجتمعنا وتعاليمنا الدينية يرفض ذلك , بنفس الوقت إعتادوا على نهج كلامهم من حيث لباقته , فلوا قال لك أحد الباعة من السعوديين , تكرم عيونك " لأصابك الذهول والإنزعاج , لأن أسلوب الحديث ليس هذا نهجه في بلدهـ .
فهنا يكون الفرق , ذكرني حديثك بموقفٍ قد يكون بعيداً قليلاً عن المراد ولعلها فرصةٌ للتوضيح , أن هناك عاملةٌ منزليه من جنسية فلبينية غير مسلمه في أحد المنازل , وهذهـ العامله لا تستر وجهها عند الرجال , وتبتسم حينما تقابلها , وتتحادثك , بكل برائه , والنساء من حولها يظنون بها سوءاً , وأن مقصدها شراً , وأنها تعشق الرجال , ولم يعلموا أن في بلدهم هذا الأمر عادي جداً , فيجب أن نصفي النوايا بين تلك وتلك , وتكون في الموازنة . شكراً لطرحك . |
كلام بقايا نجد جميل من العادات أما من ناحية الشرع فكما قال الأخت نبض المشاعر لايجوز الحديث معه . |
السلام عليكم
انا من ناحيتي ما عندي فرق بين الشباب لكن كوني(أجنبية)وعشت اغلب حياتي بالسعودية0 اعتبر ان الاسلوب بالتعاطي مع الشباب لازم يكون واحد0 وكل الشباب رجال ماهو متل ما قالت مشاكسة بريدة ماتحسهم رجال الامرأة اللي تروح المحل اكيد رايحة تشتري ماهي رايحة تناظر المحل والشاب ما رح يعاكس صدقوني الل اذا المرأة اعطته مجال وشكرا |
بعض الحريم الله يهديهن
لاشافت ان راعي المحل ابو هنود ولا بنقالي تاخذ راحته و تناقشه وجادله بالسعر بعكس السعودي ماتدري انهم كلهم رجال ولا يجوووز |
لا حبيبتي مو انه لايعني شيء
بس السوريين واللبنانين والمصريين متعودين على هالشيء دايم اسلوبهم كذا يعني مراح تستغربين اذا قالك هالشيء لكن سعودي يقولك هالكلام اعوذ بالله جريمه نكراء ماتعودنا عليهم اصلا بهالكلام علشان كذا نهج مع العلم اني ماطحت بسعودي قال مثل هالكلام محترمين عاد انتم طحتن بهم مدري عنكن يعني عمرك سمعتي ابو هنود يقولك على راسي لا راح يقولك سوف مدام هدا بضاعه يزي زديد السعودي يقولك سمي ياخاله>>>ولو اني اعصب لقالها تقل شايفني عجوز عنده المهم معلينا والسوري واللبناني تكرمي شوبدك كمان على راسي تؤمري بشي والمصري شوفي دي حاقه قديده منزله من كم يوم حتعجبك اوي وكلن له لهجته واسلوبه تحياااااااااااتي |
اقتباس:
:41 :41 :41 |
لان البناني او السوري هذا كلامهم
أمـــــــــــــا الاخت اللي تقول الاجنبي مورجاال ليش مورجال يعني ضروري يكون خليجي عشان يصير رجال بعض الاجانب عندهم رجاجيل ازين من الخلجين |
تساؤل مهم , ولكن الإجابة تخص النساء .
ولكن استوقفني بعض آراء الفتيات , واللاتي يبررن تقبلهن لكلام الأجنبي المعسول بأنه شيء طبيعي فهو متعود عليه . إذاً لامانع عند الشاب السعودي أن يقول كلاما معسولاً ويتقبل كلاماً معسولاً من السورية واللبنانية والمصرية ! فهن متعودات . أليس كذلك يامثقفات ! أو أن التيس الغريب يجوز له مالا يجوز لغيره . بلا ردود منفرة . أعتذر لصاحبة الموضوع ولكن الردود غريبة . |
88 |
... والله انكـ صدقتي لو شاب خليجي كان سوتله مشكلة ولفت علية الناس لاكن المفروض البنت يكون كلامها واحد مع الاجنبي او السعودي ماتخليله مجال تاخذ الغرض الي تبغاو وتمشي تحياتي ,, |
| الساعة الآن +4: 03:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.