|
استفسار عن شقق عزاب
بسم الله الرحمن الرحيم
السلام عليكم ورحمه الله وبركاته منتدى مجهوده مباركه فشكراَ على كل العالملين بهذا النادي أنا محتاج شقه تتكون من غرفتين وصاله وتكون قريبه عن جامعه القصيم بالمليداء وإذا بعيده مو مشكله بس بحد أقصى 15 كيلو وما تكون غاليه يعني بحد أقصى ؟؟؟ دقوا علي ونتفاهم والي يعرف يدق علي أو يرسل لي رساله جعل الي يعرفلي شقه جعل ربي يجعله من سكان الجنه ولا يحرمه لذه الطاعه ولا يحرمه الأجر 0××××××××××× يمنع وضع الأرقام |
وينكم ياشباااااااااااااااااب محتاجها ضروري |
أنت رحت للعماير اللي جنب بنك الراجحي بالمليدا
وفيه وحده وأنت طالع من بريده كأنك متجه للجامعه بعد اشارة عيون الاجواء على اليمين رح أستشر اللي ساكنيين هناك يفيدونك كلهم عزاب |
يعطيك العافيه اخوي بس أنا ابي شي جاهز عشان اروحله علطول خاصه أني ما أدل شي ببريده |
شف اخوي اذا تبي شي جاهز مالك إلا اللي
وانت داخل لبريدة جاي من الشمال شف ثاني اشارة تجيك اللي تكون توكيلات الجزيرة على يسارك لف مع الاشارة يمين تجيك عمارة على يدك اليمين هذي عمارة فيها شقق عزاب لا ومتوفرجنبك جميع الخدمات هذي العمارة اللي فيها شقق مفروشة وبطرف بريدة وتقريبا هي اول شقق تواجهك وانت وجهك لبريدة والا فيه داخل بريدة شقق واجد بس لأنك تقول ماادل داخل بريدة فهذي ان شاء الله تكون الانسب لك ودعائي لك بالتوفيق......... |
يعطيك العافيه أخوي
بس محد عنده علم بالأسعار الغرفتين وصاله بكم شمال بريده |
فيه مجمع الراجحي بقرب من الجامعة مخصص لسكن طلاب الجامعة وظاهر انه يتبع الجامعة ( السعر مو غالي ) وتختار سكن جماعي أو مفرد وهو قريب من الجامعة .. |
السلام عليكم ورحمة الله وبركاته
أولا: انا أتوقع انك طالب....>>>>ألا ماكان سئلت عن الجامعة وقربها من الشقة ألي انت تبي انها تكون قريبه بالفعل من الحرم الجامعي ثانيا: إذا توقعاتي صحيحه مالك ألا المليدا (يوجد بها عمارة بلون بني تتكون من ثلاث ادوار ) ادخل بضبط حي الحرس بجانب المليدا من الجهة الشمالية لم تسكن الى الان بها عدة شقق شف ألي يعجب لان باقي لم تستأجر ثالثا: ودي أقولك شي المليداء جو دراسي ممتاز صدقني ازين من سكن الراجحي وصجتهم بنسبة لسعر اتوقع انه طالب حدود العشر الاف (10000)ريال لاتفوتك طبعا غربك المطار كأنك بولاية نيو جرسي ,,,,, واحد مصدق انه عايش برى رابعا واخير:: نقول لمنتخبنا حظ اوفر |
يعطيكم ألف عافيه
وشاكر لكم جهودكم اما بخصوص اقتباس يوجد بها عمارة بلون بني تتكون من ثلاث ادوار من أخوي اسير نت تقدر تسعفني برقم لهم لأني 500 كيلوا عنكم تكفى ياأخيي طالبك وأخلي أمي تدعيلك فبل الفطور |
أنا أسف ياأخواني والله لو أدري أن الأرقام ممنوعه كان ما حطيت رقمي لكن الله يلعن الحاجه اعتذر للإداره اعتذر لأخوي المشرف اعتذر لكل من استاء من عملي شاكر لكم جهودكم |
اقتباس:
على الفاضي ورجعت بنفس اليوم المكان مو ذيك النظافه بعدين بس غرفه وحده ومطبخ صغير:confused: شاكرلك |
ليه تعنا
السلام عليكم اخوي وطن شامخ دام فيها دعوه ابشر يازينها من دعوه في الايام الاخيرة من رمضان ورقم الهاتف تبشربه واسم الشخص ان وجد ولو تبي بعد صورة البنايه ....ولا تعنا ياخوك طرقتك بعيدة:oo اترك اميلك ورسلك رسالة عليه خلال 24 ساعة بعد وضع إميلك تحياتي لكم Asernet |
اقتباس:
(يمنع وضع البريد الإلكتروني) انتظرك |
| الساعة الآن +4: 09:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.