|
السرقات في السوق الداخلي
بسم الله الرحمن الرحيم السلام عليكم ورحمة الله وبركاتة أهلاً بأحبتي و أخوتي في الله كثير ما نسمع عن سرقات النساء في السوق الداخي(الصناعة) ببريدة . وان هناك بعض النساء هداهن الله متحرفات في السرقة .. تجد ان المرأة بكل برأة و فرحة وهي ذاهبة للسوق تريد ان تشتري ملابس لها و لأولآدها للعيد أو للدراسة أو أي شي لقضاء حاجتها ثم ينزلها زوجها أو ولدها أو اخوها أو غير ذالك . ثم إذا نزلت من السيارة تقول في نفسها من اي المحلات ابدأ وهي بكل سعادة وفرحة تذهب لأول محل ... وتشتري بعض الحاجات ثم للمحل الثاني... وتبحث في المحل الفستان الذي يناسب لأبنتها الصغيرة وهي تقول في نفسها لا لا مو زين :oo ثم للمحل الثالث ...... وتبحث عن الفستان الذي يناسب ابنتها وهي بكل بهجة وسرور ثم تجد الفستان الذي يناسب ابنتها وتريد ان تحاسب صاحب المحل عندما ذهبت تحاسب فجـــــــــئة.. وجدت ان مالها سرق:061: ماهو موقفك كزوج أو أبن هذة المرأة التي سرقت و أخُ لها ؟ |
والله انك صادق امس او قبل امس مره شايفه رايحه جايه شكيت ان اولده ضايع عنه استغفرالله استغفرالله استغفرالله استغفرلله استغفرالله استغفرالله استغفرالله استغفرالله استغفرالله تحياتي .....مجنون القصيم..... |
* موقف جدا محرج ومحزن ولكن... اذكر السنه اللي راحت رحت عمره لمكة انا واميمتي مير نستاجر عربيه من واحدعشان يسعى باميمتي واخر شي حسابه 50 ريال ولامعنى صرف عطينهـاا 500 ورااح ولارجع وجلسنـاا انتظرنـاا ساعة ولاجاء وقلت لامي ادعي عليه اذا هو محتاجه الله يوفقه ويرزقه واذا مو محتاجه الله لايوفقهم لابدنيا والاخره مير تدعي امي عليه والعربيه بلشت به لأنه كانت عندنـاا مير اروح واتبرع به ظاهره جدآ سلبيه ولكن... ربك يمهل ولايهمل ... |
والله أنا عندي محل بالسوق وحدث ولا حرج بالسرقات حتى فيه زبونه أمس ناسية جوالها بالمحل عندي طيب المشكلة بالتهون من قبل الزوجة يعني لا تفتحين شنطتك لا تخلين أكياس وراك لا تمسكين جوالك باليد وسكري شنطتك عليه وتأكدو ما راح تحصل السارقة شي تسرقة والله يحفظ بناتنا وشبابنا من كل شر ويهدي كل سارقة وسارق إلى طريق الصواب |
بما اني ماتزوجت عاااااااادي ما خسرت شيء^^^^ ×××××× ام النذاله
|
المفروض أن الوحدة تنتبه عاد الحريم والله من الفهاوة إلا المدرسات بسم الله عليهن وااااوك
|
بصراحه موقف يعتبر محزن المفروض كل مراه تبي تطلع للسوق اولا---تقرا وردها وثانيا---- لماتاخذ معها الافلوس بسيطه وتحافظ عليهن
|
بصراحه موقف يعتبر محزن
|
مره بالقبه انا واختي عند خطوات وفجأه سمعنا صراخ طبعن كلن تجمع يبي يشوف وش السالفه صارت مره سارقه من نفس محل وتبي تهج عشان ماتحاسب جاء نفس صاحب المحل بدايفتشها صار معها النون ومايعلمون وتجي الهيئه ويمسكونها\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\ تخيلوا شوفوا الفضيحه\\\\\\\\\\\\\\\\\\\\\\يارب تستر علينا وعلى المسلمين\\\\\\\\\\\\\\\\\\\\\\\\\\\\\\\\\\\
|
للاسف وحسب علمي وصلت للمشارط يعني بالموس زي سوالف مصر الله يستر
اذكر قبل فترة اعطيت الجماعة الفين ريال علشان يتقضون من النخيل بعد كم ساعة دقوا علي قالوا تعال غريبة وش عندكم بدري مهيب العادة خخخخ دائما يتعشون هناك ويلعبون الصغار طيب وش السالفة قالت انسرقنا على طول جيتهم سلامات ماهي مشكلة الفلوس اهم شي لا ترتاعون بس اشوف معكم اكياس ماشاء الله يعني على الاقل شريتوا شي !!!! قالوا كنا مخلين 150 علشان يلعبون الصغار والعشاء قلنا الحمدلله جت على 150 والمحفظة فيها صور العيال الصغار وحسب تحريات المحقق كونان مدري كولمبو السبب انها وضعت الشنطة مفتوحة بوسط العربية مع الاغراض للحظات الحرص مو زين بس الحرص واجب |
و للعلم ان في بعض النساء هداهن الله يرسقن مال من احد شنطات النساء
وهذا المال مال ايتام كما قالتلي احد النساء ... ان المال الي سرق منها في السوق الداخلي هو مال بناتها الأيتام |
من ذهب الى السوق فعليه أن يقرأ الذكر الوارد في دخول السوق
وقبل ذلك يكون قد قرأ أوراد الصباح والمساء وبإذن الله يحفظه الله |
ياكثـــر السرق الحـــين اعوذ بالله واكثر مايكون بالسوق الداخلي لأنه زحمه ولو سرقت محد درى عنه بالزحمه لكن المجمعات قليـــل لأنه مكان مره واسع والحريم مايصيرن لازقات ببعض مو مثل السوق الداخلي الحريم بجنب بعض من الضيق لذلك تسهل علـــيه.. واحيانا يرجع لقلـــه الحرص لكن اللي تعرف عمره أنه مهب حريصه لا تاخذ كل فلوسه مثلا تحط بس 300 أو 500 عشان لو يسرقن يصير عنده شي ماسرق,,, |
... لاحول ولاقوة الابالله وش دعوى السرقاات كثرت اللهم لاتبلانا شكرآآ ... |
| الساعة الآن +4: 08:37 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.