|
أبشركم لقيت حل لمشكلة التحديث الإجباري
السلام عليكم ورحمة الله، يالله حيهم!
الشهر مبارك، علينا وعليكم وعلى جميع المسلمين <=== بدري أنت ووجهك :113:.. مادام إن العيد قرّب فأنا إن شاء الله أوّل واحد يهنئكم بقدوم عيد الفطر المبارك، وكل عام وأنتم بخير. المهم مالكم بالطويلة اللي ماله سنع! أنا أبشركم لقيت حل لمشكلة التحديث الغصب اللي طب علينا قبل شوي! بس أقولكم كم تدفعون وأعلمكم الحل! :d اللي يدفع أكثر بعلمه الصدق واللي يدفع شوي بعلمه الصدق بس شوي :113:. وإلا تدرون خلاص بعلمكم ببلاش :d. أقولكم أنا قبل شوي يعني قبل ما أروح أصلي القيام <=== يبي يعلمكم إنه يصلي القيام :d. جيت بشبك على الماسنجر إلا وألقاه يقولي سو تحديث غصب للماسنجر! :confused: أنا استغربت، وقلت وش يبي ذا! وش يحسون به! يعني هي بالغصب؟؟ وتطلع لي هالنافذه: http://www.buraydahcity.org/aboreem/images/msn1.jpg معليش هدهد تراي سارقن هالصورة منك :d. المهم وأقعد أفكر! أسوي تحديث أو لا؟ قررت أخيراً إني أدخل التجربة الجديدة وأسوي تحديث للماسنجر واستخدم الجديد! وسويت التحديث وقعدت حوالي ثلث ساعة لمين اشتغل لي الماسنجر الجديد، عاد وألقى إيميل بوجهي قلت يللا ندخل الباسوورد ونشيّك ونحاول نتأقلم عليه. المهم وأدخل الماسنجر وتجين المفاجأة والطامة الكبرى وهي... كل جهات اتصالي اختفت!! :confused: والله يابغيت أكسر الجهاز من قوّة القهر! يعني 130 جهة اتصال ونصهم محظورين :113: اختفت فجأة! وين ياناس؟؟ هي الدعوى استهبال؟؟ المهم وينفقع مخي! ويضيق صدري!! شلون برجع ذولا كلهم؟؟ المهم وأقعد أفكر وأفكر، وقررت إني أحذف الماسنجر الجديد هذا المخيس وأحمل القديم. والله وأحذف الجديد وأحمل القديم من هالرابط: لتحميل ماسنجر 8.5 | اضغط هنا المهم وأحمله بس ماسويت قبول للإضافات اللي تجي معه يعني هو يقول تبي مكتبة صور ومدري وشو وخرابيط ماله سنع، أنا خليت التحميل بس للماسنجر! والله وأبشركم بعد ماحملته ضبط واشتغل صح ورجعت جهات اتصالي الـ 130 :d ولله الحمد.. وهذي صورة من الماسنجر بعد حل المشكلة: http://www.buraydahcity.org/aboreem/images/msn3.jpg أقولكم بما إني جبت صورة ماسنجري، ماتلاحظون شيء غريب! لا يجين واحد ذهين ويقول كلهم فاضين، هذي أنا شايله تو علشان ماتشوفون وش مكتوب :d. يللا أتحداكم تعرفونه :d. بمان الله، وياليت تكونوا استفدتوا من درسي المهم :113:. |
سلام عليكم و رحمة الله وبركاته
الآن شغل ماسنجرك بدون تحديث ولا شيء !! بسم الله نبدأ أدخل على الإختصار C:\Program Files\Windows Live\Messenger ثم رح لأيقونة الماسنجر اللي هي في الصورة التالية http://www.al56.net/msn-b/1.jpg و بتحصلها أيضاً على سطح المكتب أو في قائمة ابدأ المهم اضغط بزر الفارة الأيمن ثم خصائص http://www.al56.net/msn-b/2.jpg ثم رح لـ التوافق ثم ضع صح عند ( تشغيل هذا البرنامج ....الخ ) ثم اختر من القائمة المنسدلة ويندوز 2000 http://www.al56.net/msn-b/3.jpg ثم موافق .. بعد كذا بتجيك رسالة جآري التحديث ثم بتجيك الرسالة التالية http://www.al56.net/msn-b/4.jpg اضغط ألغاء الأمر و رح افتح الماسنجر و مبروك ألف .. دعواتكم .. وشكراً :d :) |
|
الصباخ
لا تسرق الصورة مرة ثانية خخخخخ :d طيب أنا سوّيت إلى النقطة هذي http://www.al56.net/msn-b/3.jpg ضغطت موافق بس ما جت رسالة التحديث :bad |
طريقه حلوه وانا جربته بجهازي الشخصي .. شكرأ يا ابو ريم .. تحياتي abo yosef |
اقتباس:
سجلي دخول بالمسن وتجيك |
:oo ماضبط معي ليش؟
|
اقتباس:
أنا ضبطت معي بطريقتي الخاصة.. اقتباس:
توك تدري إن حقين النظم ذهانين :d.. أجل ضبطته قبل ماتشوف موضوعي :d.. زين هذا يدل على إنك ذهين :113:.. اقتباس:
أما هالطريقة مدري وشي!! اقتباس:
ياهلا والله، أنت الحلو.. شرفت :d.. |
طيب أنا حمّلت الجديد الشين :(
بس احذفه وأثبّت القديم ويزبط معي ؟ آم سوري .. أشغلتك الصباخ :p |
ايه، سو مثل ماقلت.
:d وإن شاء الله يضبط. |
مشكور
يا خلفهم كلهم مبدع:107: |
عيت تظبط معي يمكن عشاني قاعده احمل الجديد يشغل نص ثانيه ويسكر<كل شي جايز |
أبشرك أنه لقد إنني أحمّل البرنامج ولقد سأشوف ماذا قد يحصل إنه الآن :090:
http://www.mm11mm.com/up/folder1/mm11mm_uScWgHYwK.JPG بروح أتسنّن الضحى قبل ما يخلّص محمّل :090: |
الله أكبر والعزة لله ولرسوله وللمؤمنين :090:
لقد انفتح المسنجر بالإصدار القديم :d أجل بيجبروننا على الجديد :090: ههههههههههههههههههههههههههههههههه :090: |
| الساعة الآن +4: 03:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.