|
يمه دام الجنة تحت أقدامك .. أنا قدمك إللي على الأرض تاطين
-------------------------------------------------------------------------------- السلام عليكم ورحمه الله وبركاته الله يتقبل منا ومنكم صالح الأعمال، وكل عام وأنتم بخير وصحه وسلامة يارب . حقيقة فكرت كثير قبل ما أكتب هذا االموضوع، مدري إللي بيقرونه بيتقبلون الحكي أو لاا . لكن آخر شي قررت أكتب كل إللي في خاطري عن هـ الموضوع، ويارب يارب مثل ما طلع من قلبي بكل صدق يدخل لـ قلوبكم بكل حب . ودي أحكي عن أعظم شخصين في الحياة، إللي هم الوالدين أبي أعرف تعرفون معناة الأم والأب ؟ تعرفون معناة إن عندك إنسان تناديه (بابا، يبه) وعندك إنسانه تنادينها (يمه، ماما)؟ لحد يضحك على سؤالي هذا، بس من جد أسأل، تعرفون وش معناة وجودهم . هم مو مجرد شخصين كانوا السبب في وجودنا، ربونا وعلمونا لما كبرنا وخلااااص هذا دورهم بس لااااا والله لااااا هذولي الشخصين من أعظم كنوزك في الدنيا، إيه كنز مو الكل يملكه، كنز لما تفقده مستحييييييييييييييل يرجع لك، كنز مو مثل أي كنز في الدنيا . كنز يجب على كل وحده تحافظ عليه، إللي خلاني أكتب إللي أشوفه هالأيام من البنات والشباب ، يختي الواحد يحاكي أمه أو أبوه كأنه واحد من الشباب لدرجه يقول لهم كلمات !!!!!!!!!!!! طيييب عييييييب أمك، تقول وإذا أمي !!!!!، كيف وإذا أمك؟! تقول لي أجل تمنعني أروح لصديقتي، طيب وإذا منعتك؟! تقولين لها كلي .........!!! وإذا منعتك تقولين الله ...... !!! والله يابنات إن هذي البنت معي في ..... وغيرها كثييييير، ولما أمها تدق عليها تسأل عن إمتحانها أو شي تسكر في وجها. ياااااااااااااااااااالله، وش قلبك أنت!!! أنا أمي لما تدق علي مره أنبسط حتى إني أقول أمي تدق، هذا الشي يعبر عن حب وإهتمام أمي، ما أعتبره تدخل زي بعض البنات الله يهديهم . وبعضهم مستحييييييييل تدخل المطبخ، طيب ليه؟؟، تقول أمي موجوده ليه!!! لا حول ولا قوة إلا بالله أمك ماقصرت معك، طول عمرها هي إللي تطبخ وتهتم في الكل، والحين جا دورك أنت تريحينها وتهتمين أنت فيها، تكونين لها الوسادة إللي تنام عليها وهي مرتاحه . بنات ,جد والله، جربوا يوم أصحوا الظهر، قولوا يمه أنا بسوي الفطور أو حتى بعدين أنا بسوي الغداء أرتاحي أنت، تقولون ترفض أقولكم أكيد بترفض بس أنتم أصروا قولي بذوقكم اليوم طبخي، بتقولين ماراح تخليني لحالي بتكون مدققه على كل شي، بقولكم طبيعي، أمك بتكون معك كذا لماا تتقنين الطبخ، لما تشوفك عرفتي صح صدقيني مستحييييييل تدخل، ولما تقولين مره ثانيه أنا بسوي الغداء بتقول لك عافاك الله. بنات عارفين لما تسوون هـ الشي، عارفين فرحة أمكم، والله من جد تلقينها تخنقها العبره، تدرون ليه؟؟، لأن البذرة إللي زرعتها قبل كبرت والحين تثمر، أنتم يابنات وياشباب الثمر، ليه ماتكونون ثمره حلوه، موب مره، والله محد رااااح يحس بقيمتهم صح إلا لما يفقدهم, الله يخلي لي أمي ويطول في عمرها ويجعلني بارة بها أحق البر. |
{ ولا تقل لهما أف ولا تنهرهما }
أي حتى وأنت مطيع ومستجيب لطلبهما لا تتضجر أو تقول (((أوووف ))) وأن رايح تمشي لتلبية الطلب اللي تكره ! { واخفض لهما جناح الذل من الرحمة وقل رب ارحمهما كما ربياني صغيرا } ما بعد هذا من وصية كن ذليلا كالعبد لهما ! وادع لهما , ولا تسمعهما كلاما غير لائق رب ارحم والدي كما ربياني صغيرا رب شرّفني ببر والدتي وإكرامها, أما أبي فقد قدم إليك فأكرمه أنت فأنت الكريم . ربي يحفظ أمك ويجعلها من أسباب دخولك الجنة واله أنا أشوف بنات اليوم المراهقات فات عليهضل الأم ! حتى الطيبات ربي يهديهن عرفت إن هذا حقيقة عندما تابعت شريط المجد ولاحظت العقوق الخفي كثير من نوع ما تذكرين بل وأشد كثير وأظن غالب من يكتبن بالشريط طيبات حماهن الله |
الله يخلي لي أمي ويطول في عمرها ويجعلني بارة بها أحق البر
|
غندور
ابداع ما سطرتيه من كلمات وجعلك الجنه يارب الله يخلي لنا امهاتنا يارب ويحفظهم بعد لنا يارب ولا يحرمنا منهم تحياتي سديـــــم |
كتبت فابدعت ( الجنة تحت أقدام الأمهات )
اللهم إني أسالك أن تسكن والدي الفردوس الأعلى وتطيل بعمر والدتي على طاعتك وترزقني ( برها ) |
مشكوريــن ع المرور
|
رائع جدا اللهم اغفر لي ولوالدي ولمن دخل بيتي مؤمنا وللمؤمنين والمؤمنات ولاتزد الظالمين الا تبارا ربي ارحمهما كما ربياني صغيرا |
ريا
مشكورة ع المرور<<مرور والا شرطه خخخ |
. . شكرا على النقل أختي غندُور .. نتمنى أن لا تنسبين الموضوع إليك مرة أخرى .. فالعقول هنا لا تعتقدين أنها لا تعلم ما تقرأ .. !! أتمنى منك المثابرة في الجد والاجتهاد في القدرة على التعبير والكتابة .. وأن لا تكون مشاعرك مقتبسة من مشاعر البشر .. حياة سعيدة لك .. شكراً .. |
| الساعة الآن +4: 09:28 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.