|
الى جميع الأعضاء: من هو أمامك المفضل في رمضان ؟؟ وأي المساجد ترتاح لها اكثر ؟؟
اخواني :
خصوصاً في رمضان .....! ابحث عن امام ....اسكب معه بعض العبرات ! اريد هذه العيون ....التي طالما عصت الله ان ...تغسلها الدموع ! اريد هذا القلب .....الذي طالما..عصفت ..به الشهوات ...ان يخشع قليلا! اريد لهذه الجوارح ....التي طالما..انتهكت حدود الله .....ان ترتعش خوفاً ووجلاً! الأئمه ....كثر ...وأحبهم في الله ...ولكنني في رمضان اصلي مع الشيخ ناصر العبيد في حي الريان ....فأنا لا ارتاح للقراءه البطيئه . ويعجبني كثيرا ....قراءة بعض الأئمه على الطريقة النجدية القديمة ( شيبان نجد) هناك إمام..... شرق قاعة الف ليلة وليلة مخرج 15 ...داخل الحي ...وليس القريب من القاعه ....هذا الأمام اذا قرأ ...تحس انك في قرى نجد قبل عشرات السنين ! هؤلاء ...الائمة ....! اما المساجد .....! فلم ارى في حياتي مسجدً مثل مسجد (الأسد في عرينه) الشيخ عبد الكريم الحميد ...انني اذا جئت للقصيم ...نادراً ماتفوتني صلاة فيه ! في قرية الهلالية ( غربها) يوجد مسجد طين قديم جداً...قام الشباب بتجديدة ..والان يصلون فيه ! لا تتخيلون الروحانيه ....فية ....خصوصا اذا صلوا في الطايه ! اما مساجد القصيم وأئمتها .......فلا اعرفهم وفقهم الله ! والان ....من هو الأمام الذي ترتاح اليه ....اكثر ؟ وأي المساجد تحبها اكثر؟ وأخيراً: اتمنى من الشباب الذين يحملون معهم ....كميراتهم ان يوثقوا صوراًللمساجد القديمه سواء المرممه ....او المهدمه ...مع نبذه عنها ومن كان يصلي بها من العلماء والأعيان لتبقى شاهدة على ....اندثار تراثنا السلفي القديم ...وانتشار المساجد التي فقدت هويتها النجار السوري ...هو الذي يقرر او المهندس المصري ...او العامل الباكستاني ..فلا هي تحمل الطراز الأندلسي ...ولا العراقي ...ولا النجدي ...ولا أي شيء ! وأتمنى ممن عندهم مسجد قديم في مزرعتهم ...او فلايحهم ...او قريتهم .المسارعه .لترميمه ..واحياءه ..وعدم السماع لكلام البلديات المريضة بمرض الحداثة ...وكذللك هيئة الأثار ...التي ركزت جهدها على أثار الحكومة . ناصر ................!! |
انا
اما انا فأصلي مع الشيخ ابراهيم البصيلي
|
صدناك ياناصر ...
انا بعض المرات اصلي التراويح مع الشيخ ناصر العبيد ... بس احياناً اتعب ... واطلع عند راعي المساويك اللي عند الباب واسولف معه وكني اشري الين تجي ركعة الوتر ... همن اعض ثوبي ... واركض الحف عليه .. لأني احب اقول ... آمين آ مين ... |
بعض المساجد اللي ارتاح فيها بالرياض
أخوي لا تفوتك الصلاة مع الشيخ : عبدالعزيز الأحمد حي المعذر
أنا متأكد بترتاح معه ولا تحس بالتعب لأن قراءته ما شاء الله عليا وأهل بريدة يعرفونه أكثر!!!!!!!! عندك الشيخ يوسف النجيدي بالنسيم عند سوق حجاب مجاور لجمعية البر الخيرية ممتاز بس انه يبكر يعني يقيم لصلاة العشاء مبكر عندك الشيخ ناصر العبيد ممتاز جداً وممكن تسكب معه العبرات على الطريقة المحيسنية كانك تعرفها لكن انا ما ارتاح عنده مدري ليش عندك الشيخ العتيبي بحي السلام يمدحونه عندك الشيخ الغراب بالسويدي أما في بريدة فكما ذكرت الشيخ عبدالكريم الحميد ما أجمل الصلاة معه تحس انك بالقرن الرابع الهجري ما شاء الله عليه كذلك الشيخ إبراهيم البصيلي ,,,,,, للي ما عندهم الأحمد ههههههه كذلك الشيخ العليان اذكره من سنتين مدري وش صار عليه الحين عندك كمان الشيخ عقل عبدالعزيز العقل بجامع الفلاح بالوسيطى أما في خب القبر فـــــ ما فيه غير : 1- العامر 2- صالح السكاكر 3- عبدالعزيز الفوزان |
أما بالنسبة لي فإني أصلي خلفي :)
|
صدناك انت ....يامدحت بيه ؟؟
اقول منهو....اللي مبشك ....مع راعي المساويك ؟؟ شكل البنقالي مستحي منك ...وده يقول ...اشتر ...ولا خلنا نترزق الله ! وشلون ....يابو حميد ؟؟ لا تفوت منها .....ولا شيء ....طع شوري ...كلها ايام ! العمده : صدناك ....انت ...بعد ...خلني اصلي خلفك الليله وأشوف جهاد : شكرا...على المشاركه تقبل الله منك |
القارئ الزويد يمدحونه و من كثر الزحمه عليه فيه دورية يوميا
تنظم السير ،، والحقيقه ما عمري صليت معه لكن أنه ماشاء الله عليه مرغوب و المسجد بطريق الأمير عبد الله بالقرب من مستشفى الملك فهد التخرصي ، و يقول لي المصدر <=== أخس منب عاقل ، أن قرايت الشيخ الزويد تميل قراءته لطريقة الشيبان ،،، و نسأل الله لنا و له الأخلاص ـــــــ حكمت اليوم / أذا كنت في حاجة مرسلا *** فأر سل بطل العالم ولا توصيه |
يؤ أثري نسيت أكتب أنهوب أصلي ،،
أنا اصلي التراويح بالمسجد القريب من البيت ،،، إلا على طاري هذي ،، به و احد في رمضان من الرمضانات يقول أنه مر على أحد القرى و دخل المسجد في صلاة العشاء أمر يلقاهم صافين يروكعون مع الحرم و هم مشغلين الرادوا يصلون معه العشاء والتراويح ====> تحمد ربك على العافيه |
أنا أصلي مع الأستاذ ابراهيم العمر
شارع القناة - بجوار أسواق الجبيلي يقرأ نصف وجه ويطلع الساعة 7.55 |
انا
الحمد لله اصلي مع الشيخ احمد الصقعوب بحي الربوة ببريدة وما عندك ازين منه بس تراه يطول بالدعاء هههههههههه وياراعي الرياض انصحك تصلي بجامع بحي الروضة بالرياض والله ما ادري وش اسمه يصليبه شيخ اسمه لقمان قرائته جميله بس بطيئه شوي اقرب ماله الملاهي حقت الروضة الله يلهينا بذكرة تحياتي اخوكم مستر عطوووووووووش ابوعمر |
انا اصلي مع الشيخ ........الربيعه
ويكفيك منه الدعاء |
انا سوي صلاة في مسجد
خلاص ما فيه قرق كثير انا سوي صلاة تروايح كل كامل عشان يحصل قيام ليلة ملا عمر كويس |
لو تفرون الرياض كلها منتب لاقين مثل حبيب ألبي ..
فيه مسجد يصلي فيه إمام اسمه ( أحمد العبيدي ) جنب دار جدتي <== اكيد واضح الوصف ؟؟ يعني بالضبط في حي البديعة اللي فوق ، امسك شارع الابراج وانت رايح جنوب الين يجيك شارع سيدين اسمه معاوية بن ابي سفيان ، امش معه الين تجيك بقالة مرامي ، لف عقبها يمين الين تشوف زحمة بتلقى المسجد على يمناك .. افففففففف ، والله ياني تعبت .. اشوف واحد ما يروحله عقب هالوصف .. |
في الحقيقة اني اخشع مع ابراهيم الجبرين
ثمن احمد العبيد وهالسنة ماصليت الا مع ابراهيم الجبرين وإن شاء الله بتله بصلي معه اليييييييييين آخر رمضان او (( هرم)) الله ييسر لنا روحته وفيه عندكم ياهل الرياض ابراهيم العسيري وياسر الدوسري واحمد العبيدي وخالد الجليل اللي نقل للعقيق وعبد العزيز الأحمد وفيه اللي عند مسجدنا <<<يبي يشهر بمسجدهم وشكراًواللي يبيلهم اشرطة يروح لاسلام واي ويدور واللي يبي الوصف الا خالد الجليل والأحمد يقولي |
| الساعة الآن +4: 12:46 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.