|
افضل اخصائيه جلديه في بريده
السلام عليكم
انا عضوه جديده ابي مساعدتكم عندي مشاكل بالبشره وابي اخصائيه جلديه تكون ببريده والي عنده تجربه شخصيه يذكرها لنا ابي الفزعه باسرع ممكن انتظركم ياهل بريده |
وعليكمـ السلامـ ورحمة الله وبركاته.. حياكِ أختي,منـــــــــوره.. وإن شاء الله أقدر أساعدك.. بصراحه أنا تعالجت عند أخصائي(رجّال)..وكنت أعاني من حب شباب وآثاره والحمدلله الحبوب إنقطعن والآثار خفت بشكل ملحوظ والحين ما باقي الا شي بسيط.. الدكتور: (عبدالله المسعود),مستوصف: (الصفوة).. العلاج: بصراحه طول مره , يعني جلست أعالج سنتين ,بهذي الفترة الحبوب إنقطعت بس الآثار يعني مو مره خفت , بعدين رجعت بعد سنة تقريباً, والحمدلله باقي شي بسيط وأخلص. كل زيارة لدكتور تدفعين(200) ريال , والعلاج (عن نفسي) بصراحه غاااااااالي يعني العلاج مع الكشفيه حول (1000) ريال. يعطيك موعد كل شهر بعدين كل 2-3 شهور. ملاحظتي على الدكتور: يطول بفترة العلاج, يعني راح يقولك 6 شهور يلزمك, بعدين تفاجئين إنك جلستي سنتين. موفــقـــــــهـ,, |
^^^^^^^^^^^^^^^
( عبد الله المسعود ) ريحته طالعه بقوه وانا بالرياض يمدحوووووونه بس زي ماقالت الأخت غالي ويشتغل بالتخصصي , والحبيب , والصفوه |
المسعود ترك الصفوة موجود بالحبيب والتخصصي..
استخيري قبل ماتروحين.. |
انا الحين اتعالج عنده الدكتور عبد الله المسعود
والاسبوع الي راح شريت علاج بـ 100 وشوي مو مشكله سعره بس ماشوف اي نتائج للحين ملل والله الله يعين بس طيب اللي يعرف غيره وزين يقولنا طيب لو اغير الدكتور في نصف العلاج عادي ؟؟ |
^^
انت وش فيك بالضبط؟؟ البشرة تبغى وقت طويل عشان تزين.. ماانصحك تنقطع كمل وان شاء الله منت خسران شي وعموما على مااسمع انه افضل الموجودين بالقصيم.. موووفق.. |
هجير الشوق
1000 ريال اللي دفعتيه لحد الحين ؟ والا كل جلسه ؟؟!! اعتقد لو كلف العلاج 1000 ريال لـ 6 شهور عادي او بس لو اتعالج وارتاح اعطيه اللي يبي بس مو يقولي 6 شهور وبالاخير يطلع سنتين بعدين كيف يقولك 6 شهور وطلع سنتين ؟؟ قويه صراحه طيب قلتي له شي ؟ او ناقشتيه بخصوص هذا ؟ |
حتى انا والله تعبت من بشرتي
الحين حب الشباب عندى قليل بس المشكله بالاثار مادري وش اسوي وانا رحت اخصائيه بعيادات الصفوه ولانفع ثم رحت اخصائيه بمستوسف السعودي برضو مانفع ثم وحده قالت لي صابونة نيتروجينا الحمدلله يوم اساخدمته راح الحب بس بقى الاثار ياليت اللي يعرف شي للاثار يدلنا علاج \صابونة\كريم\اخصائيه جزاكم الله خير |
السلام عليكم..
انا ايضا اريد معالجة بشرتي.. اختي خبرينا اكثر عن طريقة علاج الدكتور |
كثير اسمع عن الدكتور المسعود ويمدحونه وسالت كثير تعالجو عنده
وش كان العلاج كلهم يقولون ( الرواكتان)) وطبيعي انه راح ينقطع حب الشباب لانه هذا العلاج قوي وله اثار علشان كذا تلقينهم كل شهر او شهرين يسوون لك تحاليل وغيره من االدكاتره مايصرفون لك العلاج الا لين يجربون قبله كذا علاج للبشره يكون اخف منه واذا مافيه استجابه اخر الحلول هو علاج الرواكتان اللي هو يقلل بشكل واضح من إنتاج الدهون ويسبب انكماش الغدد الدهنية >>>للي يعالجون بالرواكتان انا كتبت ان له اثار (لاتخافون ) اثاره بس وانتم تتعالجون مثل الجفاف ويسبب تشوهات للجنين اذا كنتي حامل عافانا الله واياكم ان شاء الله قدرت افيدك |
^^
جزاك الله خير على المعلومه ..:) @وردة الجوري@ انا رحت لم السعودي فيه المصريه اول ماكشفت حسيتها خرابيط عاد صالت سالفه لي عندها المهم اذا انه مانفع معك كل اللي ذكرتي جربي الطب الشعبي |
مشكورين ماقصرتو
بس انا ابي اخصائه مو اخصائي لاني مااحب اكشف قدام اي رجل ولو كانت للضروره القصوى اريحلي نفسيا |
مرحبا للجمــيع ....
فيه دكتوره بمستوصف الفيحاء .....كثير بنات اعرفهم يعالجون بشراتهم عنده وماشاء الله تحسنت كثير |
اقتباس:
تيب وش الطب الشعبي مثل ايش الله يجزاك خير |
| الساعة الآن +4: 09:37 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.