|
ليه كذا
الموضوع باختصار رحت ابسجل احد ابنائي بمدرسة اهلية ببريدة...ليتسنى له ان يوصل اخته الى مكان عملها كمدرسه
واتجهت لرياض القصيم الاهلية ...وقالو مانقبل احد من عنيزة قلنا الشكوى لله نروح لغيره رحنا للانجال والاستقبال كان طيب ..وقالو مقبول بشرط احضار الشهادة وان يكون المواظبة والسلوك 100% قلنا تمام ورجعت للبيت وصباح اليوم التالي رحت للمدرسة القديمة للولد واخذت شهادة مختومة مع شهادة حسن سيرة وسلوك ورحت للانجال وقال تمام الحين جا وقت الدفع ولكن فيه ميزة للي يدفع مقدما كامل الملغ...رحت وسحبت الدراهم والامور تمام ودخلت عليهم وقال عب النموذج هذا ...وانا اكتب بالنموذج هذا ....تفاجأت بواحد يقول (ماشالله مسجلين معنا ليلي ولا نهاري؟! قلت الولد نهاري قال كبير بالعمر...قلت لا ماهوب كبير قال جب احوالك خل اتاكد ولما تاكد قرا المصدر عنيزة قال من عنيزة بعد! مانقبل بالذات من عنيزة (طبعا طلع الرجال مدير المدرسة) واشتب الرجال وراح للوكيل قال من عنيزة ماتقبل احد ...مفهوم؟ العلم رجع وقال الا اذا تضمن حضور يومي...وترا الدرجات انا اللي احطهن! وبدقق على الدقيقة التأخير! عموما ابسألكم سؤالين .. 1- ماسبب هذه العنصرية في مدارس بريدة مع العلم اني طوال خدمتي في التدريس مر علي عشرات الطلاب من بريدة ...وكان تقدير ضروفهم في الحسبان ومعاملتي معهم وباقي المدرسين راقية؟ 2- هل يرضيكم ان تكون العداوة بيننا بهذا الشكل؟ عموما من ناحيتي انسباي من بريدة ولا عمري فكرت ان فيه اختلاف بيننا ابد لكن تفاجأت بالواقع! تحياتي لكم |
... اللـي هـذآ اولهآ ينعآف تآليهآ .. خذ ولدكـ احسن لك .. لآ يكدون عليه.. ورح لمدرسه ثآنيه..وآآجد المدآرس الأهليه..وانت على حسب كلآمك رحت لريآض القصيم والأنجآل بس..دور مدرسه ثآنيه..من شآن مآ يبهذلون ولدكـ... والله يشفيهم من الوسواس العنصري... , |
مرحبا أخوووي ....
غريبــــــــــــه درست في اكثر من مدرسه اهليه ومن ضمن المدارس اللي درست فيها كانت.... رياض القصيم.... وفيه كثير بنات من عنيزه ومن عيون الجواء ومن رياض الخبراء...الحمدلله مافي بيننا وبينكم اي خلاف ولله الحمد مابيننا وبينكم الا كـل خير عنيزه بريده وبريده عنيزه |
اقتباس:
|
فيه مدارس واجد يعني وقفت على هالمدرسه
|
أخي الكريم في مدارس واجد وقفت على المدرسة هذي ,,
الشئ الثاني يمكن مايقبلون من عنيزة بنظرهم علشان قضية الـتأخر ,, والله يوفقك يارب .. |
يا عمدة هذا نظام من إدارة التعليم لتنظيم القبول وعدم تسرب الطلاب في المحافظات والمدن مش عنصرية الله يصلحك انا في الصفراء والمدرسة في الأسكان يقدمون اهل الحارة على غيرها لأنه فيه مدارس في كل حي إلا اللي يجي من إدارة التعليم مطرود والا منتسب له حكم خاص هذا نظام معمول فيه عدم قبول طلاب في ما بين المدن حتى الأهليات مستحيل يقبلون إلا عن طريق إدارة التعليم روح إدارة التعليم شوف السبب وممكن تلقى حل إذا كان سكنك في بريدة |
والله ياخوي العنصرية دايما تجي من طرفكم يا اهل عنيزة مع اني ما ارى العنصرية
|
اقتباس:
|
| الساعة الآن +4: 06:03 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.